ບຸນຫຼານແທ້ເດ ແມ່ຖີ້ມພ້ອມສາຍແຮ່ແຕ່ລູກປອດໄພດີ

ສັງຄົມທຸກມື້ນີ້ ສາລະພັດແນວຊິເປັນຄົນຢາກໄດ້ລູກຫາຢາຮ້ອຍຢ່າງພັນປະກັນມາປົວໝົດເງິນຫຼາຍໝື່ນລ້ານກໍ່ບໍ່ເກີດ ບາດວ່າພໍ່ແມ່ບໍ່ຢາກໄດ້ລູກຊ້ຳຜັດມາເກີດນຳ ໂຍນລົງຂ້າງທາງບໍ່ເອົາຫົວໃສ່ໃຈຊາ ຖ້າໂຊກດີມີຄົນເຫັນກໍ່ໄດ້ເປັນຄົນໃຫ້ໃຫຍ່ກ້າ ຖ້າໂຊກຮ້າຍກໍ່ກັບໄປຫາພໍ່ແມ່ໃໝ່ ຫຼ້າສຸດເຊົ້າມື້ນີ້ກໍ່ພົບເດັກຊາຍໂຕນ້ອຍໆເກີດອອກມາຈາກທ້ອງແມ່ຖືກຖີ້ມອີກແລ້ວ. ໂດຍມີຄົນພົບເຫັນແອນ້ອຍຖືກຖີ້ມວັນທີ29/09/2018 ເວລາປະມານ 06:18 ແລ້ວໂທຫາໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄປກວດສອບເຫັນວ່າ ມີເດັກນ້ອຍເກີດໃໝ່ນອນຢູ່ໃນບໍລິເວນເຮືອນຫຼັງໜຶ່ງທີ່ກຳລັງກໍ່ສ້າງບໍ່ທັນແລ້ວ ຢູ່ບ້ານໜອງສ້າງທໍ່ ເມືອງ ໄຊເສດຖາ ນະຄອນຫຼວງວຽງຈັນ. ແອນ້ອຍຄົນດັ່ງກ່າວເປັນເພດຊາຍເກີດໃໝ່ ຢູ່ໃນສະພາບທີ່ສາຍແຮ່ຍັງບໍ່ທັນຕັດ ຮ່າງກາຍສົມບູນຄົບຖ້ວນແລ້ວຕົນໂຕຍັງອຸ່ນໆ ແຂງແຮງດີ ດັ່ງນັ້ນທາງໜ່ວຍກູ້ໄພມູນນິທິເລີຍໄດ້ນຳສົ່ງແອນ້ອຍເກີດໃໝ່ໄປໂຮງໝໍໂຫສົດ[ເດັກຍັງບໍ່ທັນມີຄົນຮັບໄປລ້ຽງເທື່ອເດີ້ເຈົ້າ ໃຜຕ້ອງການຮັບໄປລ້ຽງແມ່ນຕິດຕໍ່ຫາທາງໂຮງໝໍມະໂຫສົດ ໂດຍກົງເລີຍເດີ້...ຂໍຂອບໃຈ      

ຕາຢ້ານແທ້!!!ກວດພົບໝາກໄມຜັກສົດຈາກຫວຽດນາມປົນເປື້ຶອນເຄມີ

  ບໍ່ແມ່ນໃສ່ຮ້າຍ ແຕ່ເປັນຫຍັງມັກເກີດແຕ່ກັບສິນຄ້າທີ່ມາຈາກຫວຽດນາມ ກ່ອນໜ້ານິ້ມັກພົບເຫັນສິ່ງປົນເປື້ອນໃນອາຫານສ່ວນຫຼາຍຢູ່ນຳປະເພດອາຫານທະເລເນື່ອງຈາກບ້ານເຮົາບໍ່ມີ ແລະຕ້ອງໃຊ້ເວລາຂົນສົ່ງຫຼາຍມື້ ຈິ່ງມີກໍລະນີໃສ່ສານກັນບູດ, ສານຟໍມາລິນ ມາບາດນີ້ກາຍເປັນວ່າໝາກໄມ້ກັບຜັກສົດກໍ່ໃສ່ສານໃຫ້ກັນກິນ ໝົດກັນເລີຍ!!! ຕາມຂໍ້ມູນເຜີດເຜີຍຫຼ້າສຸດເຈົ້າໜ້າທີ່ກ່ຽວຂ້ອງໄດ້ທຳການກວດສອບ ໝາກເຜັດ ຜັກໜອກ ໝາກອາໂວກາໂດ້ ມັງກອນ ອາງຸ່ນ ທີ່ນໍາເຂົ້າຈາກຫວຽດນາມປະກົດວ່າ ພົບສານ ປົນເປື້ອນສູງກິນດິບອັນຕະລາຍ ກິນຫຼາຍເປັນມະເຮັງໄດ້ ຈິ່ງຝາກເຕືອນທຸກຄົນມີສະຕິໃນການຈັບຈ່າຍຊື້ເຄື່ອງຂອງອາຫານການກິນ ຖ້າເປັນໄປໄດ້ກໍ່ຊື້ແບບທີ່ມີຢູ່ບ້ານເຮົານີ້ດີກວ່າ!!!   ສານເຄມີປົນເປື້ອນທີ່ພົບເຫັນເປັນປະຈຳ ຊ່າງສະຫຍອງຕັບໃຕໄສ້ພຸງແທ້ເດີ້, ແມ່ຄ້າຊາວຂາຍຖ້າຮັບສິນຄ້າຈາກຫວຽດນາມມາແລ້ວຢ່າໃສ່ຕື່ມອີກເລີຍ ຜູ້ບໍລິໂພກຈະເປັນແນວໃດ? ຍິ່ງປີນີ້ປະເທດເຮົານ້ຳຖ້ວມ ອາດຕ້ອງນຳເຂົ້າສິນຄ້າຫຼາຍກວ່າເກົ່າ.....  

ໄປຖ່າຍຮູບຊຸດຊົນເຜົ່າຕ່າງໆຂອງລາວ ປະກອບສາກແບບພື້ນບ້ານ ໃນງານວາງສະແດງຮູບພາບເມືອງລາວ ທີ່ວິວມໍ

ທີມງານລາວໂພດສະກາດ(Lao Postcard - ຮູບພາບເມືອງລາວ) ຮ່ວມກັບ 8 ຊ່າງພາບຂອງລາວ ໄດ້ຈັດງານວາງສະແດງຮູບພາບຂຶ້ນທີ່ສູນການຄ້າວິວມໍ ນະຄອນຫລວງວຽງຈັນ 28 ກັນຍາຫາ 4 ຕຸລາ ໂດຍການລວມເອົາຮູບພາບເມືອງລາວ ທັງທຳມະຊາດ, ວັດທະນະທະ ແລະ ວິຖີຊີວິດ ລວມເຖິງພາບເກົາ ຂອງເມືອງລາວ ລວມຮູບຫຼາຍກວ່າ 200 ຮູບພາບ. ພິເສດໃນງານຍັງມີຊຸດຊົນເຜົ່າຕ່າງໆທັງເຜົ່າໄທແດງ, ເຜົ່າມົ້ງ, ລາວ ແລະເຜົ່າອື່ນໆເກືອບທົ່ວເມືອງລາວໄວ້ໃຫ້ສວມໃສ່ຖ່າຍຮູບນຳອີກ ກັບຊຸ້ມຖ່າຍຮູບທີ່ຈັດໄວ້ໃຫ້....ແບບວິຖີພື້ນບ້ານ. ຢ່າພາດງານດີໆທີ່ສູນການຄ້າວິວມໍ ນະຄອນຫລວງວຽງຈັນ ແລ້ວທ່ານຈະຮູ້ວ່າເມືອງລາວສວຍງາມຊໍາໃດ. ກິດຈະກໍາໃນງານ...

ລະວັງ!!!ມີຄົນແອບອ້າງເປັນພະນັກງານໄຟຟ້າ

ຝ່າຍປະຕິບັດການໄຟຟ້ານະຄອນຫຼວງ ໄດ້ອອກແຈ້ງການສະບັບເລກທີ 1832/ຟຟລ.ນວ ລົງວັນທີ 28 ກັນຍາ 2018 ເຖິງບັນດາພະນັກງານ, ທະຫານ ຕຳຫຼວດ ແລະພໍ່ແມ່ປະຊາຊົນພາຍໃນ ນະຄອນຫຼວງວຽງຈັນ ຊາບທົ່ວເຖິງກັນວ່າ: ປະຈຸບັນໄດ້ມີຄົນບໍ່ດີນຸ່ງຖືຊຸດກຳມະກອນໄຟຟ້າລາວແອບອ້າງຕົນວ່າເປັນພະນັກງານຂອງລັດວິສາຫະກິດໄຟຟ້າລາວ ໄປເຄື່ອນໄຫວຕົວະຍົວະຫຼອກລວງພໍ່ແມ່ປະຊາຊົນຜູ້ທີ່ຕ້ອງການເອົາໄຟຟ້າເຂົ້າເຮືອນໃຫ້ໄດ້ໄວ ແລະຕົວະຍົວະຫຼອກລວງພໍ່ແມ່ປະຊາຊົນຜູ້ທີ່ຕ້ອງການເອົາໄຟຟ້າເຂົ້າເຮືອນໃນລາຄາສູງກວ່າທາງການກຳນົດ ຊຶ່ງສ້າງຄວາມເສຍຫາຍໃຫ້ແກ່ລັດວິສາຫະກິດໄຟຟ້າລາວຢ່າງຫຼວງຫຼາຍ. ສະນັ້ນ ເພື່ອບໍ່ໃຫ້ມີບັນຫາດັ່ງກ່າວເກີດຂຶ້ນອີກຈິ່ງຂໍໃຫ້ບັນດາທ່ານຜູ້ທີ່ຕ້ອງການເອົາໄຟເຂົ້າເຮືອນຈົ່ງມີສະຕິ ແລະຢ່າຫຼົງເຊື່ອຄຳແອບອ້າງດັ່ງກ່າວ ຖ້າຫາກວ່າທ່ານໃດຕ້ອງການຂໍຊົມໃຊ້ໄຟຟ້າໃໝ່ ຫຼື ຂໍຕິດຕັ້ງໝໍ້ນັບໄຟ ໃຫ້ເຂົ້າໄປຕິດຕໍ່ພົວພັນກັບພາກສ່ວນກ່ຽວຂ້ອງ ຂອງສາຂາໄຟຟ້າເມືອງໃກ້ບ້ານຂອງທ່ານ ຫຼື ຖ້າຫາກວ່າທ່ານໃດມີບັນຫາຂ້ອງຄາໃຈ ບໍ່ວ່າຈະເປັນການຂໍຊົມໃຊ້ໄຟຟ້າ ຫຼື ບັນຫາຕ່າງໆກ່ຽວກັບການຊົມໃຊ້ໄຟຟ້າກໍ່ສາມາດໂທສອບຖາມໄດ້ທາງສາຍດ່ວນຂອງໄຟຟ້າ...

ຈັດເວທີປຶກສາຫາລືກ່ຽວກັບການສົ່ງເສີມການລົງທຶນຂອງຈີນຢູ່ລາວ

ໃນຕອນເຊົ້າມື້ນີ້ ວັນທີ 28 ກັນຍາ 2018, ທີ່ໂຮງແຮມແລນມາກ, ນະຄອນຫລວງວຽງຈັນ, ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ຄະນະຮັບຜິດຊອບເວທີປຶກສາຫາລື ປົວອ້າວ ສຳລັບອາຊີ ໄດ້ຈັດກອງປະຊຸມເວທີປຶກສາຫາລືປົວອ້າວສຳລັບອາຊີ, ໂດຍມີທ່ານສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທ່ານ ຫລີ ປາວຕົ່ງ, ເລຂາທິ ການກອງປະຊຸມປົວອ້າວສຳລັບອາຊີ, ພ້ອມດ້ວຍນັກທຸລະກິດ ລາວ-ຈີນ ແລະ ແຂກຮັບເຊີນ ເຂົ້າຮ່ວມ...

ສຳເລັດການກໍ່ສ້າງຂົວເບເລ່ 4 ແຫ່ງ ຢູ່ເສັ້ນທາງ 18 ເອ ເມືອງສະໜາມໄຊ

ບໍລິສັດ ກໍ່ສ້າງເສັ້ນທາງລົດໄຟລາວ-ຈີນ ຈໍາກັດ ມອບຂົວ ເບເລ່ 4 ແຫ່ງ (ຂົວເຫຼັກ) ທີ່ເມືອງສະໜາມໄຊ ແຂວງອັດຕະປື ໃຫ້ລັດຖະບານ ສປປ ລາວ, ໃນວັນທີ 26 ກັນຍາ 2018 ທີ່ນະຄອນຫຼວງວຽງຈັນ, ເປັນກຽດເຂົ້າຮ່ວມຂອງທ່ານ ປອ ບຸນຈັນ ສິນທະວົງ ລັດຖະມົນຕີ ກະຊວງ ຍທຂ ຕາງໜ້າລັດຖະບານ, ທ່ານ ຫວາງເຫວິນທຽນ ເອກອັກຄະຣາຖະທູດແຫ່ງ...