Thursday, January 17, 2019
ຂປລ. ໃນວັນທີ 25 ທັນວາ 2018, ທີ່ສະຖານທູດຍີ່ປຸ່ນ ປະຈຳ ສປປ ລາວ ໄດ້ມີພິທີເຊັນສັນຍາຊ່ວຍເຫລືອລ້າ ໂຄງການສົ່ງເສີມການມີສ່ວນຮ່ວມຂອງສັງຄົມ ແລະ ກິດຈະກຳສ້າງລາຍຮັບສຳລັບຄົນພິການ ສະເພາະແມ່ນແມ່ຍິງພິການ ຢູ່ສປປ ລາວ ໂດຍການເຊັນສັນຍາລະຫວ່າງ ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດ ປະຈຳ ສປປ ລາວ ແລະ ທ່ານ ນາງ ຄາຊຸມິ ຄຸໂບຕະ ຕາງໜ້າຈາກສະມາຄົມເພື່ອຊ່ວຍເຫລືອ ແລະ ບັນເທົາທຸກແຫ່ງປະເທດຍີ່ປຸ່ນ,ພ້ອມດ້ວຍພາກສ່ວນກ່ຽວຂ້ອງເຂົ້າ ຮ່ວມເປັນສັກຂີພິຍານ.
ວັນທີ 21 ທັນວາ 2018 ນີ້, ຕາງໜ້າມອບໂດຍ ທ່ານ Idem Akay ເອກອັກຄະລັດຖະທູດ ຕວກກີ ປະຈຳ ສປປ ລາວ ແລະ ທ່ານ ນາງ ກາຣິນາ ອີໂມເນັນ ຜູ້ຕາງໜ້າອົງການ ສປຊ ແລະ ກ່າວຮັບໂດຍ ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ.
ຂປລ. ເທດສະການບຸນກອງເຂົ້າໃຫຍ່ ໄຫວ້ພະທາດອິງຮັງ ເພື່ອສະເຫລີມສະຫລອງປີທ່ອງທ່ຽວລາວ 2018 ຢູ່ແຂວງສະຫວັນນະເຂດ ຈັດຂຶ້ນຢ່າງຍິ່ງໃຫຍ່ ໃນວັນທີ 18 ທັນວາ 2018 ທີ່ເດີ່ນພະທາດອິງຮັງ ນະຄອນໄກສອນ ພົມວິຫານ, ເຊິ່ງເປັນການສ້າງເງື່ອນໄຂ ກໍຄື ການຈັດກິດຈະກໍາຕ່າງໆ ເພື່ອດຶງດູດນັກທ່ອງທ່ຽວເຂົ້າມາທ່ອງທ່ຽວ ແຂວງສະຫວັນນະເຂດໃຫ້ຫລາຍຂຶ້ນ ແນ່ໃສ່ນໍາເອົາລາຍຮັບມາໃຫ້ປະ ຊາຊົນຊາວແຂວງສະຫວັນນະເຂດ, ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທັງເປັນປະທານຄະນະຮັບຜິດຊອບຊີ້ນໍາລະດັບຊາດ ໃນການຈັດປີທ່ອງທ່ຽວລາວ 2018, ທ່ານ ສັນຕິພາບ ພົມ ວິຫານ ເຈົ້າແຂວງສະຫວັນນະເຂດ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂຄງການທາງລົດໄຟຈີນ-ລາວ ໃນນາມທີ່ເປັນໂຄງການ ທີ່ສໍາຄັນສອດຄ່ອງຕາມນະໂຍບາຍ “ໜຶ່ງແລວ ໜຶ່ງເສັ້ນທາງ” ເຊິ່ງໄດ້ຮັບການອະນຸມັດ ຈາກສະພາແຫ່ງຊາດ ໃນປີ 2010 ມາຮອດປີ 2016 ໄດ້ລົງມືກໍ່ສ້າງຢ່າງເປັນທາງການ ໂຄງການທາງດັ່ງກ່າວ ໄດ້ມີການດໍາ ເນີນມາເປັນເວລາ 9 ປີ ໄດ້ສ້າງວຽກເຮັດງານທໍາ 10 ພັນກວ່າຕໍາແໜ່ງງານ ໃຫ້ແກ່ປະຊາຊົນຢູ່ທ້ອງຖິ່ນ ແລະ ກາຍເປັນຄວາມຫວັງ ຂອງປະຊາຊົນໃນທ້ອງຖິ່ນ ເພື່ອພັດທະນາຊີວິດການ ເປັນຢູ່ຂອງເຂົາເຈົ້າໃຫ້ດີຂຶ້ນໆຍິງ ເຊິ່ງເປັນການຮ່ວມມື ທີ່ຖືກຂະໜານນາມ ວ່າ ເປັນໂຄງການເຊື່ອມສໍາພັນ ໃຈປະຊາຊົນສອງຊາດ.
ແນ່ນອນເວລາເຮັດວຽກມີຜົນງານ, ໄດ້ສ້າງຄຸນງາມຄວາມດີແກ່ປະເທດຊາດບ້ານເມືອງກໍ່ຕ້ອງມີການເລື່ອນຊັ້ນຕຳແໜ່ງໃຫ້ ເພື່ອເປັນຂັວນກຳລັງໃຈໃຫ້ອ້າຍນ້ອງຕຳຫຼວດ ເປັນການສະແດງເຖິງຄວາມຄຸນງາມຄວາມດີ ແລະ ຊົມເຊີຍຜົນງານທີ່ອຸດທິດເຫື່ອແຮງ ແລະ ສະຕິປັນຍາເຂົ້າໃນພາລະກິດປົກປັກຮັກ ແລະ ສ້າງປະເທດຊາດຕະຫຼອດມາ ຊຶ່ງປີນີ້ຫຼວງພະບາງໄດ້ຕົກລົງເລື່ອນຊັ້ນໃຫ້ນາຍ ແລະພົນຕຳຫຼວດລວມ 100 ກວ່າຄົນ. ພິທີປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດຈັດຂຶ້ນໃນວັນທີ 12 ທັນວາ 2018, ໂດຍການເປັນປະທານຂອງ ພົນຈັດຕະວາ ສົມຈັນ...
ແອັດດີໃຈແທນຄົນລາວອີກຫຼາຍຄົນທີ່ອາດຈະໄດ້ຮັບໂອກາດໄປເຮັດວຽກຢູ່ຕ່າງປະເທດ ຜ່ານໂຄງການຮ່ວມມືລະຫວ່າງຊາດດັ່ງຂ່າວໃໝ່ນີ້ ຄູເວດ ຕ້ອງການຄົນລາວ 1000 ກວ່າຄົນໄປເຮັດວຽກໃນຂົງເຂດຕ່າງໆຢູ່ປະເທດຂອງເຂົາເຈົ້າ ຖ້າຄວາມຕ້ອງການເຫຼົ່ານີ້ຖືກນຳມາຈັດຕັ້ງຜັນຂະຫຍາຍໄວຈະເປັນຜົນດີບໍ່ໜ້ອຍຕໍ່ປະຊາຊົນບ້ານເຮົາ ເປັນຕົ້ນຜູ້ທີ່ວ່າງງານ ຫຼື ຢາກໄປຫາປະສົບການໃໝ່ໆຈາກຕ່າງປະເທດ. ເພື່ອເປັນການຮັດແໜ້ນການຮ່ວມມືວຽກງານແຮງງານ ລະຫວ່າງ ສປປ ລາວ- ກັບ ສ. ຄູເວດ ເວົ້າລວມ, ເວົ້າສະເພາະກໍຄື ກະຊວງແຮງງານ ແລະ ສະຫວັດດີການສັງຄົມ ລາວ ກັບ ກະຊວງສະຫວັດດີການສັງຄົມ ແລະ ແຮງງານ, ແລະເພື່ອພັດທະນາສາຍພົວພັນການຮ່ວມມືລະຫວ່າງສອງປະເທດໃຫ້ແໜ້ນແຟ້ນຍິ່ງຂຶ້ນ, ພາຍຫລັງທີ່ ທ່ານ ນາງ ຣິນອໍ ເຊາະເບຍ ກະຊວງສະຫວັດດີການສັງຄົມ ແລະ ແຮງງານ,ລັດຖະມົນຕີກະຊວງເສດຖະກິດແຫ່ງລັດຄູເວດ ໄດ້ເດີນທາງມາເຄື່ອນໄຫວວຽກງານ ໃນລະຫວ່າງວັນທີ 22-23 ຕຸລາ2018...
ເປັນອັນໃດທີ່ຕ້ອງໄດ້ເວົ້າ ເພາະເກັບແພງເກີນເຫດແລ້ວຄ່າຝາກລົດງານບຸນຊ່ວງເຮືອ, ຕາມແນວທາງຂອງທາງການແລ້ວບຸນເລີ່ມແຕ່ວັນທີ 22-25 ແມ່ນໃຫ້ເກັບຄ່າຝາກສຳລັບລົດຈັກບໍ່ເກີນ 5000 ກີບ ແລະ ລົດໃຫຍ່ບໍ່ໃຫ້ກາຍ 15.000 ກີບຕໍ່ຄັນ ແຕ່ແອັດໄປອາທິດແລ້ວເກັບຄັນ 5.000 ກີບກໍ່ຈ່າຍໃຫ້ເພິ່ນໄປ, ມື້ວານນີ້ໄປໃໝ່ເກັບຄັນ 10.000 ກີບ ພໍຖາມເຫດຜົນບອກວ່າເພິ່ນສັ່ງມາ ແອັດກໍ່ສໍ້ຢູ່ວ່າເພິ່ນແມ່ນໃຜ ແຕ່ບໍ່ໄດ້ຄຳຕອບນອກຈາກທ່າທີແປກໆ!!!!! ແອັດມິນບໍ່ໄດ້ໂຈມຕີ ຫຼື ໃສ່ຮ້າຍແຕ່ຢາກບອກວ່າຕອນນີ້ ມາຮອດຕອນແລງຂອງວັນທີ 24 ຕຸລາ 2018 ນີ້ຫາຍາກແລ້ວບ່ອນຝາກລົດຈັກ 5000 ກີບ, ຖາມເບື້ອງຕົ້ນກໍ່ຕອບຄືເກົ່າເພິ່ນສັ່ງມາ ຖາມສໍ້ໄປໃໝ່ບອກວ່າຄ່າເຊົ່າແພງ ບໍ່ແນ່ໃຈວ່າຄ່າເຊົ່າມີການອັບລາຄາໃໝ່ບໍ ແຕ່ວ່າຜູ້ເພິ່ນສຳປະທານຢືນຢັນວ່າ ບໍ່ໄດ້ມີການແຈ້ງໃໝ່ໃຫ້ປັບຂຶ້ນ ຫຼື ລົງແຕ່ຢ່າງໃດ ລົດຈັກຕ້ອງ 5.000 ກີບຕໍ່ຄັນເທົ່ານັ້ນ...
ຜູ້ເຮັດວຽກນຳລັດມີໜາວ ຖ້າຫາກກຳລັງມີການກະທຳທີ່ກ່ຽວຂ້ອງກັບການສໍ້ລາດບັງຫຼວງ ເຮັດຜິດລິບຽບການຢູ່ ເພາະດຽວນີ້ເພິ່ນເຄັ່ງຄັດໝາຍ ເຮັດຜິດລົງວິໄນໄລ່ອອກເອົາຄົນໃໝ່ເຂົ້າຕາມສຽງຮຽກຮ້ອງຂອງປະຊາຊົນ ແລະຜູ້ມີຄວາມສາມາດທັງຫຼາຍ, ຫຼ້າສຸດນີ້ຢູ່ເມືອງພູຄູນ ແຂວງຫຼວງພະບາງ ໄດ້ມີການແຕ່ງຕັ້ງໃ໋ບາງຕຳແໜ່ງງານພ້ອມທັງປົດພະນັກງານລັດຈຳນວນໜຶ່ງອອກຈາກການເປັນລັດຖະກອນ. ພິທີປະກາດແຕ່ງຕັ້ງຮອງຫົວໜ້າຫ້ອງການອຸດສາຫະກຳ ແລະ ການຄ້າ ແລະ ຫ້ອງການຄະນະໂຄສະນາອົບຮົມ ແລະ ປະກາດປະຕິບັດວິໄນຕໍພະນັກງານ-ລັດຖະກອນຂົງເຂດສຶກສາພາຍໃນເມືອງພູຄູນ ໄດ້ຈັດຂື້ນໃນຄັ້ງວັນທີ 18 ຕຸລາ 2018 ທີ່ສະໂມສອນໃຫຍ່ຂອງເມືອງ ໂດຍການເປັນປະທານເປັນປະທານຂອງທ່ານ ຄຳກາງ ຮ່ວງທະຈັນ ຮອງເລຂາພັກເມືອງ,ສະມາຊິກສະພາປະຊາຊົນແຂວງ ປະຈຳເມືອງພູຄູນ ເຂົ້າຮ່ວມມີຫົວໜ້າຫ້ອງການສຶກສາທິການ ແລະ ກິລາ, ຫົວໜ້າຫ້ອງການ, ຫົວໜ້າກຸ່ມສຶກສາ, ຜູ້ອຳນວຍການໂຮງຮຽນ, ຕະຫຼອດຮອດພະນັກງານ-ລັດຖະກອນພາຍໃນເມືອງເຂົ້າຮ່ວມ. ທ່ານ ສອນໄຊ ທຳມຸງຄຸນ ຮອງຄະນະຈັດຕັ້ງເມືອງ ໄດ້ຜ່ານມະຕິຕົກລົງຂອງຄະນະປະຈຳພັກເມືອງພູຄູນ ສະບັບເລກທີ 73 /...
ຈຳເປັນຕ້ອງທຳໃຈ ເນື່ອງຈາກລາວເຮົາເປັນປະເທດນຳເຂົ້ານ້ຳມັນ 100% ເມື່ອນໍ້າມັນເຊື່ອໄຟໃນຕະຫຼາດໂລກ ມີການເໜັງຕີງຂຶ້ນ-ລົງ ເຮົາກໍ່ຕ້ອງປັບໄປຕາມຢ່າງຫລີກລ່ຽງບໍໄດ້.     ເຊິ່ງ ກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການຫາສະມາຄົມນ້ຳມັນເຊື້ອໄຟ ແລະ ອາຍແກ໊ສ ບັນດາບໍລິສັດນ້ຳມັນເຊື້ອໄຟ ແລະ ປໍ້າຍ່ອຍຂາຍນ້ຳມັນເຊື້ອໄຟໃນທົ່ວປະເທດໃຫ້ ປັບລາຄາຂາຍຍ່ອຍໜ້າປ້ຳ ເລີ່ມແຕ່ວັນທີ 24 ຕຸລາ 2018 ເປັນຕົ້ນໄປ ການປັບຂຶ້ນລາຄາຄັ້ງນີ້ຈະເຮັດໃຫ້ນໍ້າມັນແອັດຊັງພິເສດເພີ່ມຂຶ້ນ 230 ກີບ/ລິດ, ນໍ້າມັນແອັດຊັງທຳມະດາ 200 ກີບ/ລິດ ແລະ ນໍ້າມັນກາຊວນ 200 ກີບ/ລິດ.     ເຊິ່ງລາຄາດັ່ງກ່າວນີ້ ໃຫ້ເລີ່ມປະຕິບັດແຕ່ວັນທີ 04 ຕຸລາ 2018 ເວລາ 6:00 ໂມງເປັນຕົ້ນ ໃນເຂດເທດສະບານ,...
ິ 📣📣📣ເຖີງພໍ່ແມ່ປະຊາຊົນທຸກທ່ານໃນຂອບເຂດແຂວງວຽງຈັນຫຼືໃກ້ຄຽງ ທີ່ມີລູກຫຼານຍາດພີ່ນ້ອງຫຼືຄົນຮູ້ຈັກທີ່ມີຄວາມຜິດປົກກະຕິ ເຊັນ ປາກແວ່ງເພດານໂວ່, ຜິດປົກກະຕິຂອງອະໄວຍະວະຕ່າງໆ,ຮອຍແປ້ວຕິດຈ່ອງ ແລະ ອື່ນໆທີ່ມີຜົນສະທ້ອນຕໍ່ໜ້າທີ່ການຂອງອະໄວຍະວະ ຫຼື ຄວາມຈົບງາມ. ໃຫ້ເຂົ້າມາກວດເພື່ອຜ່າຕັດປົວແປງ ໂດຍທີມງານຊ່ຽວຊານຜ່າຕັດ ໂຮງໝໍແຂວງວຽງຈັນ ແລະ ຊ່ຽວຊານຈາກປະເທດເກົາຫຼີ. ☑️ ສະຖານທີ່: ທ່ານສາມາດເຂົ້າມາກວດໄດ້ຢູ່ທີ່ໜ່ວຍງານກວດເຂດນອກໂຮງໝໍແຂວງວຽງຈັນ, ວັນຈັນ-ສຸກ, ເວລາ:ຕອນເຊົ້າ 8:00-11:30 ແລະ ຕອນແລງ 13:30-15:30. ☑️ມື້ຜ່າຕັດ ວັນທີ 7-8-9-10-11/11/2018 ທີ່ຫ້ອງຜ່າຕັດໂຮງໝໍແຂວງວຽງຈັນ. 👉ໝາຍເຫດ: - ຄົນເຈັບທຸກຄົນຕ້ອງເຂົ້າມາກວດກັບທ່ານໝໍຜ່າຕັດກ່ອນເພື່ອຂື້ນ. ແຜນຜ່າຕັດກ່ອນມື້ຜ່າຈັດຈິງ. - ການຜ່າຕັດແມ່ນບໍ່ເສຍຄ່າ ເພື່ອຊ່ວຍເຫຼືອປີ່ນປົວປະຊາຊົນລາວເຮົາ. - ສອບຖາມຂໍ້ມູນຫຼືຕິດຕໍ່ໂດຍກົງ = ດຣ ເພັດນຸລາດ ພັນນະວົງ, ຫົວໜ້າໜ່ວຍງານພາຍນອກ, ໂຮງໝໍແຂວງວຽງຈັນ. ໂທສອບຖາມຂໍ້ມູນເພີ່ມເີມໄດ້ທີ ☎️📞 02022252526.
13,884FansLike
867FollowersFollow
8,308SubscribersSubscribe
- Advertisement -

Recent Posts

error: Content is protected !!