Saturday, October 20, 2018
Home ສາລະໜ້າຮູ້

ສາລະໜ້າຮູ້

ທຸກມື້ນີ້ ຫຼາຍຄົນມັກຖີ້ມຂີ້ເຫຍື້ອຊະຊາຍ. ດັ່ງນັ້ນ ເຮົາມາເບິ່ງຄລິບເຕືອນໃຈນໍາກັນ
ກາຍເປັນປະເພນີໄປແລ້ວຢູ່ປະເທດເຮົາທີ່ຊາວໜຸ່ມຈົບໃໝ່ມັກເຫີ່ໄປເຮັດວຽກນຳລັດ ຊຶ່ງຫຼາຍໆຄົນເສຍໂອກາດໄດ້ພັດທະນາຕົນເອງເພາະຄາລໍຖ້າໂອກາດເຂົ້າເຮັດວຽກນຳລັດບ່ອນທີ່ຕົນເອງປາຖະໜາ ທັ້ງທີ່ຄວາມຈິງແລ້ວເຮັດຢູ່ໃສກໍ່ດີ, ການຢູ່ກັບເອກະຊົນກໍ່ບໍ່ໄດ້ດ້ອຍແຖມຍັງມີໂອກາດໄດ້ພັດທະນາຕົນເອງຫຼາຍກວ່າອີກ ມື້ນີ້ເຮົາລອງມາທົບທວນເບິ່ງວ່າເປັນຫຍັງຈິ່ງມີກະແສແບບນັ້ນໃນກຸ່ມຊາວໜຸ່ມແມ່ນເກີດຫຍັງຂຶ້ນກັນແທ້!!!! ອາຈານກາບແກ້ວ ທຳມະວົງ ນັກຂຽນ, ນັກສ້າງແຮງງານບັນດານໃຈວະເຄາະວ່າ: - ຍ້ອນພໍ່ແມ່ຕ້ອງການໃຫ້ລູກສະບາຍ, ມີຄວາມໝັ້ນຄົງ ແລະ ເປັນເຈົ້າເປັນນາຍຮັ່ງມີ ມີໜ້າມີຕາໃນອະນາຄົດ ຖ້າໄດ້ເຮັດວຽກນຳລັດ, ເຖິງວ່າການເຮັດວຽກນຳລັດ ເງິນເດືອນຈະໜ້ອຍ ແຕ່ຫຼາຍຄົນກໍຮັ່ງມີທີ່ເຫັນໆກັນຢູ່ ແລະ ຍັງມີເງິນບຳນານຍາມເຖົ້າແກ່ຊະລາມາອີກ. ສ່ວນການເຮັດວຽກນຳເອກະຊົນບໍ່ມີເງິນບຳນານ ແລະ ຖ້າເຮັດວຽກບໍ່ໄດ້ ເຂົາກໍຈະໄລ່ອອກ ຈິ່ງຮູ້ສຶກວ່າບໍ່ໝັ້ນຄົງ, ສ່ວນການເຮັດວຽກນຳລັດແມ່ນບໍ່ມີໃຜໄລ່ອອກໄດ້ ເຖິງຈະບໍ່ມີຜົນງານກໍຕາມ. - ຍ້ອນຊາວໜຸ່ມເອງທີ່ຕ້ອງການໃຫ້ຄົນຍອມຮັບໄວ ຈິ່ງແລ່ນໄປຕາມສັງຄົມ ໂດຍບໍ່ຮູ້ເປົ້າໝາຍຊີວິດວ່າ ຕ້ອງການຫຍັງແທ້? ເມື່ອບວກໃສ່ກັບຢູ່ປະເທດລາວ ການເປັນຄົນປະສົບຄວາມສຳເລັດໃນອົງກອນເອກະຊົນ ບໍ່ໄດ້ມີໜ້າມີຕາ ຄືການໄດ້ເປັນເຈົ້າເປັນນາຍນຳອົງກອນລັດ. ສັງຄົມລາວຍຶດຕິດ “ໜ້າຕາ ແລະ ກຽດສັກສີ” ຫຼາຍກວ່າສິ່ງໃດໝົດ...
ມື້ນີ້ແອັດມິນພົບເຫັນຂໍ້ມູນດີໆ ຊຶ່ງຄົງເປັນທີ່ສົນໃຈຂອງນ້ອງໆທີ່ກຳລັງເຮັດບົດສຶກສາຄົນຄວ້າກ່ຽວຕະຫຼາດບ່ອນຈັບຈ່າຍຊື້-ຂາຍສິນຄ້າຂອງປະຊາຊົນ ວ່າປະເທດເຮົາມາຮອດປະຈຸບັນມີທັງໝົດເທົ່າໃດ? ແລະຄິດວ່າຫຼາຍໆຄົນກໍ່ຍັງບໍ່ທັນຮູ້ແນ່ນອນ. ເບິ່ງຈາກເນື້ອທີ່ໃນແຜນທີ່ ນະຄອນຫຼວງວຽງຈັນແມ່ນແຂວງທີ່ນ້ອຍທີ່ສຸດໃນລາວ ແຕ່ນະຄອນຫຼວງວຽງຈັນແມ່ນມີຕະຫຼາດຫຼາຍທີ່ສຸດເຖິງ 93 ແຫ່ງຕາມຕົວເລກສະຖິຕິໃນປີ 2017 ໃນນັ້ນເປັນຕະຫຼາດໃຫຍ່ 9 ແຫ່ງ, ຮອງລົງມາແມ່ນແຂວງສະຫວັນນະເຂດ ມີ 92 ແຫ່ງ, ຕະຫຼາດໃຫຍ່ 6 ແຫ່ງ ຕາມມາດ້ວຍແຂວງຫຼວງພະບາງ 70 ແຫ່ງ, ແຂວງສາລະວັນ 59 ແຫ່ງ ແລະແຂວງອື່ນໆຕາມລຳດັບ.    
  ທຸກວັນນີ້ບໍ່ວ່າແຕ່ບ້ານໃດເຮືອນໃຜກໍ່ເຕັມແຕ່ຍຸງ ຜູ້ເປັນໄຂ້ເລືອດອອກກໍ່ຫຼາຍພັນຄົນໃນແຕ່ລະປີ ຜູ້ປະກອບການຈິ່ງຫາແນວທາງແກ້ໄຂດ້ວຍການທາຢາ ຫຼື ຈູດທູບ, ຈຸດຢາກັນຍຸງ ຊຶ່ງກໍ່ເຫັນຜົນທັນຕາ ແຕ່ໃນນັ້ນກໍ່ປະຕິເສດບໍ່ໄດ້ເລື່ອງຜົນຄ້າງຄຽງທີ່ອາດກະທົບຕໍ່ສຸຂະພາບຜູ້ໃຊ້ໃນໄລຍະຍາວ ສະນັ້ນມື້ນີ້ແອັດມິນໂປ່ງຈິ່ງນຳເອົາວິທີການໄລ່ຍຸງແບບແຜນບູຮານປອດສານພິດ ພຽງນຳຫົວກະທຽມມາໝູນໃຊ້ຍຸງກໍ່ໜີແລ້ວວ່າຊັ້ນ!!!! ຂັ້ນຕອນທີ1 ໃຫ້ປອກຫົວກະທຽມອອກກ້ຽງແລ້ວຊ້ອຍເປັນປ່ຽງບາງໆ 2. ຈາກນັ້ນນຳເອົາຜ້າປິດປາກມາເຈາະຂ້າງ ແຕ່ຈົ່ງສາຍແຂວນຫູໄວ້ ຈາກນັ້ນໃຫ້ເອົາກະທຽມທີ່ຊອຍແລ້ວຍັດເຂົ້າໃນຜ້າອັດປາກ ຈາກນັ້ນມັດບ່ອນທີ່ເຮົາຕັດເພື່ອບໍ່ໃຫ້ກະທຽມຫຼົ່ນອອກ 3. ຈາກນັ້ນກໍ່ນຳເອົາກະຫໍ່ກະທຽມນັ້ນໄປແຂວນໄວ້ບ່ອນທີ່ມັກມີຍຸງລີ້ຊ່ອນຢູ່ ຈະເປັນຫົວຕຽງຕີນຕຽງກໍ່ດີພຽງເທົ່ານີ້ຍຸງກໍ່ບໍ່ມາກວນໃຈແລ້ວ ແລະຍັງບໍ່ເປັນພິດໄພກັບສິ່ງແວດລ້ອມອີກດ້ວຍ. Cr: https://www.item2day.com  
  ການຮັກສາສຸຂະພາບໃຫ້ແຂງແຮງຫຼີກລ່ຽງຈາກໂລກໄພໄຂ້ເຈັບໄດ້ ນອກຈາກການອອກກຳລັງກາຍທີ່ສະໝ່ຳສະເໝີແລ້ວອາຫານການກິນກໍ່ສຳຄັນ ແລະທ່ານບໍ່ຄວນມອງຂ້າມຢ່າປະໝາດວ່າບໍ່ກ່ຽວເພາະທຸກຢ່າງກ່ຽວຂ້ອງໝົດ ມື້ນີ້ແອັດມິນໂປ່ງຈະນຳເອົາອາຫານຫຼັກບາງຢ່າງທີ່ຄວນກິນກິນປະຈຳໃນແຕ່ລະວັນເພື່ອເສີມສ້າງສຸຂະພາບຂອງທ່ານໃຫ້ແຂງແຮງສົມບູນ. 1. ໝາກກ້ຽງ: ເປັນໝາກໄມ້ທີ່ອຸດົມໄປດ້ວຍວິຕາມິນຊີ ຈິຊ່ວຍສ້າງເຊວເມັດເລືອດຂາວ ແລະພູມຕ້ານທານໂລກ ແຸມຍັງມີໄຟເບີສູງຊ່ວຍລະບົບການຂັບຖ່າຍ, ເສີມສ້າງຄໍລາເຈນໃນຜີວພັນອີກດ້ວຍ. 2. ຜັກຄະນ້າ: ມີສານເບຕາແຄໂຣທິນສູງ ຊ່ວຍຫຼຸດຄວາມສ່ຽງໃນການສ້າງເຊວມະເຮັງຕ່າງໆ ມີວິຕະມິນທີ່ຊ່ວຍເສີມສ້າງກ້າມເນື້ອ ແລະແຄວຊຽມທີ່ດູແລກະດູກໃຫ້ແຂງແຮງ. 3. ປາ ນອກຈາກໃຫ້ໂປຣຕິນສູງແລ້ວຍັງມີໂອເມກ້າ3ທີ່ຊ່ວຍໃນການທຳງານຂອງສະໝອງ ຕັບ ລະບົບປະສາດທີ່ກ່ຽວກັບການຮຽນຮູ້ ແລະຍັງຊ່ວຍຫຼຸດຄໍເລັສເຕີຣອນໃນຮ່າງກາຍ ໃນນັ້ນປາທີ່ໃຫ້ສານອາຫານດີທີ່ສຸດໄດ້ແກ່ປາເຊວມ້ອນ, ປາທູ ແລະປານ້ຳຈືດບາງຊະນິດ. 4. ໄຂ່ໄກ່ ມີໂປຣຕີນສູງ ເຮັດໃຫ້ຮ່າງກາຍມີພະລັງງານແຕ່ບໍ່ຕຸ້ຍ ແລະຍັງເປັນອາການທີ່ຫາໄດ້ງ່າຍກວ່າສິ່ງອື່ນໃດລາຄາປະຢັດ ແລະສາມາດມາປຸງແຕ່ງອາຫານໄດ້ຫຼາຍເຍື່ອງອີກດ້ວຍ. 5. ຖົ່ວທຸກຊະນິດ ໃຫ້ໂປຣຕີນສູງທັງເປັນແຫຼ່ງຂອງທາດເຫຼັກ ໃນຖົ່ວໜຶ່ງຖ້ວຍໃດຈະໃຫ້ທາດເຫຼັກເຖິງ 16ມິລິກຣາມ ແລະຍັງມີໄຟເບີຊ່ວຍລະບົບຂັບຖ່າຍອີກຕ່າງຫາກ. 6. ໂຢເກີດ ສຳລັບບ້ານເຮົາແລ້ວລາຄາຂ້ອນຂ້າງແພງ ແຕ່ໃນໂຢເກີດນັ້ນມີປະໂຫຍດຫຼວງຫຼາຍບໍ່ວ່າຈະເປັນໂພແທັກຊຽມ ໂຟສຟໍຣັດ ສັງກະສີ ວິຕາມິນບີ...
ສັງຄົມທຸກວັນນີ້ເປັນຍຸກແຫ່ງການຊ່ວງຊີງ ຍາດແຍ່ງໂອກາດໃນການພັດທະນາ ທຸກອົງກອນແມ່ນຢາກໃຫ້ທຸລະກິດ-ການບໍລິການຂອງຕົນເປັນທີ່ເຊື່ອຖື ແລະຍອດນິຍົມຂອງຄົນທັງຫຼາຍ ຊຶ່ງນັ້ນແນ່ນອນບຸກຄະລາກອນເຂົາກໍ່ຕ້ອງເລືອກເຟັ້ນເອົາແຕ່ຄົນດີມີຄຸນນະພາບ ໃນຂະນະທີ່ຜູ້ອອກແຮງງານເອງກໍ່ຢາກເຮັດວຽກບ່ອນເງິນດີງານຄ່ອງ ສອງຝ່າຍຈິ່ງມັກມີເລື່ອງໃຫ້ເຈັບຫົວເລື້ອຍ. ບາງເທື່ອກໍ່ພະນັກງານຖືກກົດດັນໃຫ້ອອກວຽກ, ຖືກໄລ່ອອກໂດຍກົງ ຫຼື ລາອອກເອງຍ້ອນຢູ່ຕໍ່ໄປບໍ່ໄດ້ອີກແລ້ວ ແລະກໍ່ມີກົດໝາຍແຮງງານທີ່ປົກປ້ອງຜູ້ອອກແຮງງານຢູ່ ຫາກຄົນສ່ວນໃຫຍ່ຍັງບໍ່ທັນເຂົ້າໃຈ ແລະເຂົ້າບໍ່ເຖິງຂະບວນການຍຸຕິທຳ ບາງຄັ້ງຖືກເອົາລັດເອົາປຽບ ຖືກໄລ່ອອກສົມຄວນໄດ້ຮັບຄ່າຊົດເຊີຍກໍ່ບໍ່ໄດ້ຫຍັງ ແຕ່ຖ້າຮູ້ລະບຽບກົດໝາຍ ແລະກ້າຮຽກຮ້ອງກໍລະນີຖືກໃຫ້ອອກໂດຍບໍ່ເຕັມໃຈກໍ່ຈະໄດ້ຮັບຄ່າຊົດເຊີຍ. ສຳລັບມື້ນີ້ແອັດມິນໂປ່ງນຳເອົາກໍລະນີພະນັກງານ(ຜູ້ອອກແຮງງານ) ລາອອກເອງທີ່ໄດ້ຮັບຄ່າຊົດເຊີຍມີຮູບແບບໃດແດ່! ໃນກົດໝາຍແຮງງານສະບັບປັບປຸງປີ 2013 ມາດຕາທີ 83 ໄດ້ລະບຸໄວ້ສຳລັບກໍລະນີທີ່ຜູ້ອອກແຮງງານເປັນຄົນຍົກເລິກສັນຍາແຮງງານ ແຕ່ຜູ້ໃຊ້ແຮງງານໄດ້ຈ່າຍຄ່າຊົດເຊີຍມີຕາມແຕ່ລະກໍລະນີດັ່ງລຸ່ມນີ້: ມີສຸຂະພາບອ່ອນເພຍຫຼັງຈາກທີ່ໄດ້ຮັບການປິ່ນປົວແລ້ວ ໂດຍໄດ້ຮັບການຢັ້ງຢືນຈາກສະພາການແພດ ແລະຜູ້ໃຊ້ແຮງງານໄດ້ຊັບຊ້ອນຕຳແໜ່ງໃໝ່ໃຫ້ເຮັດແລ້ວແຕ່ຍັງບໍ່ສາມາດເຮັດໄດ້ ມີການທັກທ້ວງຈາກຜູ້ອອກແຮງງານ ໃຫ້ຜູ້ໃຊ້ແຮງງານ ປິຕິບັດສັນຍາແຮງງານມາຫຼາຍເທື່ອແລ້ວ ແຕ່ກໍ່ບໍ່ມີການປ່ຽນແປງ ມີການຍົກຍ້າຍສະຸານທີ່ເຮັດວຽກທີ່ຜູ້ອອກແຮງງານບໍ່ສາມາດໄປປະຕິບັດໜ້າທີ່ໄດ້ ໂດຍມີການຢັ້ງຢືນຈາກໜ່ວຍກຳມະບານ ຫຼື ຜູ້ຕາງໜ້າຜູ້ອອກແຮງງານ ແລະອົງການປົກຄອງບ້ານຢ່າງເປັນລາຍລັກອັກສອນ ມີການລົບກວນ, ລວນລາມ, ລ່ວງລະເມີດທາງເພດຈາກຜູ້ໃຊ້ແຮງງານ...
  ມີຫຼາຍໆກໍລະນີທີ່ພົບເຫັນຜ່ານມາຄົນທີ່ມີສຸຂະພາບແຂງແຮງ ແຕ່ຢູ່ໆມີຂ່າວຈາກໄປກະທັນຫັນ ຍ້ອນລົ້ມ ຫຼື ນອນໄຫຼສາລະພັດຢ່າງ ແລະການອາບນ້ຳຜິດວິທີກໍ່ແມ່ນສາເຫດໜຶ່ງທີ່ເຮັດໃຫ້ຄົນດີໆຕ້ອງຕາຍຍ້ອນເຊັ່ນດຽວກັນ. ການອາບນ້ຳທຸກຄົນແມ່ນປະຕິບັດເປັນປະຈຳແຕ່ນ້ອຍຈົນໃຫຍ່ ຖືເປັນກິດຈະວັດປະຈຳວັນ ເພື່ອຊຳລະລ້າງສິ່ງເປິະເປື້ອນໃນຮ່າງກາຍອອກເພື່ອຄວາມສະບາຍໃຈ ແລະກາຍ ແຕ່ຖ້າອາບນ້ຳບໍ່ເໝາະສົມອາດສົ່ງຜົນຕໍ່ເສັ້ນເລືອດໃນສະໝອງ ແລະອັນຕະລາຍເຖິງຊີວິດໄດ້. ວິທີອາບນ້ຳທີ່ອັນຕະລາຍສຸດກໍ່ຄື ການຫົດນ້ຳໃສ່ຫົວ, ສະຜົມກ່ອນການຈຸກນ້ຳໃສ່ຈຸດອື່ນໆຂອງຮ່າງກາຍ ການກະທຳແບບນັ້ນເຮັດໃຫ້ຮ່າງກາຍຕ້ອງປັບອຸນຫະພູມ ແລະເລືອດຈະຂຶ້ນໄປຢູ່ສະໝອງຢ່າງໄວວາ ເຮັດໃຫ້ເສັ້ນເລືອດໃນສະໝອງແຕກກະທັນຫັນ ຊຶ່ງເປັນທີ່ມາຂອງການເສຍຊີວິດ.     ຜູ້ຊ່ຽວຊານແນະນຳວ່າ: ວິທີອາບນ້ຳທີ່ຖືກຕ້ອງແມ່ນການລ້າງຈາກຕີນຂຶ້ນເມືອເທື່ອລະນ້ອຍໄປຫາສ່ວນຫົວ ເນື່ອງຈາກຫົວໃຈຫຼັກຂອງຄົນຢູ່ທີ່ອຸນຫະພຸມຂອງນ້ຳທີ່ຈະເປັນຕົວກະຕຸ້ນການເຮັດວຽກຂອງຕ່ອມຕ່າງໆໃນຮ່າງກາຍ ເຮັດໃຫ້ລະບົບໄຫຼວຽນຂອງເລືອດ ລະບົບຫາຍໃຈເຮັດວຽກໄດ້ຢ່າງມີປະສິດທາບ ທີ່ສຳຄັນສາມາດປັບຕົວໄດ້ທັນ.   ເວລາທີ່ເໝາະສົມສຳລັບການອາບນ້ຳຄືກ່ອນກິນເຂົ້າ 1 ຊົ່ວໂມງ ແຕ່ຖ້າຈະອາບຫຼັງກິນເຂົ້າກໍ່ຄວນເປັນ 2-3 ຊົ່ວໂມງຫຼາຍກວ່ານັ້ນ ເພື່ອປ້ອງກັນການຈຸກສຽດທີ່ອາດເກີດຂຶ້ນ.  
ໝາກຂຽບ ເປັນແຫຼ່ງລວມຂອງວິຕາມິນ c, ວິຕາມິນບີ 6 ແລະ ແຮ່ທາດ ເຊັ່ນ ໂພແທັກຊຽມ ແລະ ແມັກນີຊຽມ ວິຕາມິນຊີຖືເປັນຕົວແທນໃນການຕ້ານອາການອັກເສບ ແລະຕ້ານອະນຸມູນອິດສະຫຼະທີ່ມີປະສິດທິພາບຊ່ວຍຫຼຸດຄວາມສ່ຽງຂອງການເປັນໂລກຫອບຫືດ, ແມັກນີຊຽມຊ່ວຍຜ່ອນຄາຍກ້າມເນື້ອຫຼອດລົມ ແລະ ຫຼອດອາຫານ ຜູ້ປ່ວຍໂລກຫອບຫືດຈະມີສານເຫຼົ່ານີ້ໃນລະດັບຕໍ່າ ນອກນັ້ນຍັງມີອີກຫຼາຍຄຸນປະໂຫຍກດັ່ງນີ້. 1 ດູແລຮັກສາຕ່ອມໄທລອຍ ແຮ່ທາດ ເຊັ່ນທອງແດງມີຄວາມສຳຄັນຫຼາຍສຳລັບການຜະລິດຮໍໂມນໄທຮອຍ ທີ່ເອີ້ນວ່າ ໄທຮອຍຊີນ ຮໍໂມນີໜ້າທີ່ດູແລສຸຂະພາບຂອງຕ່ອມໄທຮອຍ ໝາກຂຽບມີແຮ່ທາດຊະນິດນີ້ເປັນຈຳນວນ ຫຼາຍຊ່ວຍສ້າງພະລັງງານໃຫ້ກັບຮ່າງກາຍ ວິຕາມິນບີເປັນສານອາຫານທີ່ສາມາດຊ່ວຍປ່ຽນນ້ຳຕານໃຫ້ເປັນພະລັງງານ ການກິນໝາກຂຽບເມື່ອເຈົ້າຮູ້ສືກເມື່ອຍເປັນຄວາມຄິດທີ່ດີເພາະມັນເປັນແຫຼ່ງລວມຂອງວິຕາມິນບີສ້າງຄວາມແຂງແຮງໃຫ້ກະດູກໄດ້ຮັບການພິສູດແລ້ວ່າເມື່ອແມັກນີຊຽມມາຜະນືກກັບແຄລຊຽມຈະມີປະສິດທິພາບຫຼາຍໃນການເພີ່ມມວນກະດູກໃຫ້ໜາແນ່ນ ແລະ ແຂງແຮງ ໝາກຂຽບມີແຮ່ທາດເຫຼົ່ານີ້ໃນປະລິມານທີ່ເໝາະ ສົມຊື່ງດີສຳລັບດູແລສຸຂະພາບຂອງເຈົ້າ 2.ຫລຸດລະດັບຄໍເລສເຕີລໍ: ໝາກໄມ້ຊະນິດນີ້ມີໄນອາຊີນ (ວິຕາມິນບີ) ຊື່ງມີຄວາມສາມາດໃນການປັບລົດລະດັບຄໍເລສເຕີລໍໄດ້ຢ່າງມີປະສິດທິພາບ; 3.ປ້ອງກັນບັນຫາການຖືພາ: ກົດໂຟລິກ ຫຼື ທີ່ເຮົາເອີ້ນວ່າ ວິຕາມິນ B9 ເປັນທີ່ຮູ້ຈັກກັັນດີວ່າມີບົດບາດສຳຄັນໃນພາວະຖືພາ...
ຂ່າຊ່ວຍຂັບລົມແກ້ຈຸກສຍດແໜ້ນທ້ອງແກ້ລົມປ່ວງແກ້ບິດຂັບນ້ຳບີແກ້ສະເອີະ ດັ່ງນັນຂ່າຈຶ່ງເປັນເຄື່ອງເທດຫຼັກຄູ່ຄົວເປັນສະໝຸນໄພທີ່ຈະໄປບຳລຸງໄຟທາດ ເຊິ່ງເປັນຫົວໃຈສຳຄັນຂອງຄວາມແຂງແຮງຂອງຮ່າງກາຍ ໃນກໍລະນີທີ່ຈຸກສຽດທ້ອງເຈັບທ້ອງສາມາດນຳຂ່າມາເຮັດເປັນຢາຜົງ ຢາລູກກອນຢາຕົມຢາຊົງກິນໄດ້ ຫຼືຈະນຳຂ່າມາຝົນກັບເຫຼົ້າຫຼືນ້ຳປູນໃສກິນເພື່ອຮັກສາອາການດັ່ງກ່າວໄດ້ຜົນດີແທ້. 1. ລະບົບທາງເດີນຫາຍໃຈ ຂ່າ ຊ່ວຍແກ້ໄອ ແກ້ຫວັດ ລົດຂີ້ມູກແກ້ຫອບຫືດໄດ້ເຊັ່ນດຽວກັບຂິງເນື່ອງຈາກການທີ່ມີລົດຮ້ອນ ຈຶ່ງເໝາະທີ່ຈະປາບຫວັດທີ່ມາກັບໜ້າໜາວໄດ້ເປັນຢ່າງດີ ຄົນສະໄໝກ່ອນນິຍົມນຳຂ່າມາຕົ້ມເປັນຢາກິນເພື່ອແກ້ຫວັດ ໃນສ່ວນຂອງການໃຊ້ແກ້ໄອນິຍົມຝົນຂ່າກັບນ້ຳເຜີ້ງກິນເພື່ອກັດຂີ້ສະເຫຼດ ໂດຍອາດມີປົນນ້ຳໝາກນາວກັບເກືອລົງໄປເລັກນ້ອຍ ນອກຈາກນີ້ຂ່າຍັງຊ່ວຍຂະຫຍາຍຫຼອດລົມໄດ້ອີກດ້ວຍ 2. ລະບົບຫົວໃຈແລະຫຼອດເລືອດ ຂ່າເປັນຢາຮ້ອນເຮັດໃຫ້ເລືອດໄຫຼວຽນໄດ້ດີມີກຳລັງວັງຊາຊ່ວຍຂັບເລືອດເສຍໃນຍິງຫຼັງເກີດລູກ ຊ່ວຍຂັບເຫື່ອ ລະບົບປະສາດຂ່າ ຊ່ວຍຫຼຸດອາການປວດ ບໍ່ວ່າຈະແກ້ປວດເມື່ອຍຕາມຕົນໂຕ ປວດຂໍ້ ປວດແຂ້ວ ລຳມະນາດ ເຈັບທ້ອງ ເຈັບທ້ອງປະຈຳເດືອນລວມທັງອາການປວດບວມ ເຊິ່ງຖ້າມີອາການເອັນພິກປວດກ້າມເນື້ອຄົນສະໄໝກ່ອນຈະຕຳຂ່າມາພອກບໍລິເວນທີ່ມີອາການ ຂ່າເປັນສ່ວນປະກອບສຳຄັນຂອງຢາກິນ ຢາປະຄົບ ອົບ ອາບ ພອກ ເພື່ອແກ້ອາການປວດ ແລະຫຼຸດການອັດເສບລະບົບຜິວໜັງ ຂ່າ ແກ້ລົມພິດ ແກ້ຜົດຜື່ນຄັນ ແກ້ກາກເກື້ອນ ແມງໄມ້ກັດ ພິດແມງມຸມເປັນຕົ້ນ ເຊິ່ງການໃຊ້ຂ່າໃນດ້ານນີ້ຕ້ອງ 3. ເປັນຂ່າແກ່ເທົ່ານັນຈຶ່ງຈະໄດ້ຜົນດີ ເລື່ອງຂອງຂ່າແກ້ລົມພິດນີ້ເປັນທີ່ຮູ້ກັນດີ...
ເຟສບຸກຖືເປັນສ່ວນໜື່ງຂອງຊີວິດໄປແລ້ວໃນສັງຄົມລາວປະຈຸບັນ ເພາະວ່າທຸກຄົນທີ່ເຂົ້າເຖິງອິນເຕີເນັດກໍ່ຕ້ອງມີເຟສບຸກເປັນຂອງໂຕເອງ ແລະໃນນັ້ນກໍ່ມີບາງຢ່າງທີ່ເຮົາຕ້ອງການຄວາມເປັນສ່ວນຕົວບໍ່ຢາກໃຫ້ໃຜມາຮູ້ຈັກ ໂດຍສະເພາະແມ່ນຄົນທີ່ຕ້ອງຕິດຕໍ່ພົວພັນ ທີ່ບາງຄັ້ງຖ້າມີຄົນເຂົ້າໄປຫຼິ້ນໄດ້ອາດໄປສ້າງວິລະກຳທີ່ບໍ່ຢາກໃຫ້ເກີດ ຈິ່ງຄວນມີວິທີປ້ອງກັນໄວ້ນັ້ນກໍ່ຄືການຕັ້ງລະຫັດລັບເປັນຂອງຕົນເອງ.       ການຕັ້ງລະຫັດລັບນັ້ນບາງຄົນກໍ່ມັກໃສ່ວັນເດືອນປີເກີດ, ເບີໂທລະສັບຕ່າງໆທີ່ໃກ້ຕົວ ຊຶ່ງເຮັດໃຫ້ຄົນທີ່ຮັກຈັກເດົາງ່າຍ ແລະງ່າຍຕໍ່ການຖືກແຮັກຫາກເຂົາມີຈຸດປະສົງຈະເຂົ້າໄປເຮັດຫຍັງໃນນັ້ນ. ສະນັ້ນຈິ່ງບໍ່ຄວນໃຊ້ຕົວເລກເຫຼົ່ານັ້ນ ນອກຈາກຕົວເລກໃກ້ຕົວແລ້ວຍັງບໍ່ຄວນຈະໃຊ້ລະຫັດທີ່ຍາກເກີນໄປຈົນເຈົ້າຂອງຈື່ບໍ່ໄດ້ດຽວເຂົ້າບໍ່ໄດ້ກໍ່ເປັນບັນຫາອີກ. ການຕັ້ງລະຫັດລັບໂດຍຜ່ານໂຫຍກສັ້ນໆທີ່ຕົນເອງມັກ ຖືເປັນວິທີທີ່ດີໃນການຈົດຈຳ ແລະເຮັດໃຫ້ຄົນອື່ນເດົາບໍ່ໄດ້ງ່າຍໆ. ຕົວຢ່າງໜ້ອຍຄົນທີ່ຕັ້ງລະຫັດທີ່ຍາກໂພດແລະມັກລືມລະຫັດແມ່ນ ມີສັນຍາລັກ ດອກຈັນ ໝາຍທ້ວງ ຕົວເລກປົນຕົວໜັງສືສັບສົນ… Password: @3Dog_hotel!_$%*&#@5555, !opokpflkdgj#dsjkfw*5 ຕົວຢ່າງການຕັ້ງລະຫັດຂັ້ນເທບແມ່ນໃຫ້ຕັ້ງເປັນປະໂຫຍກທີ່ເຮົາສາມາດຈື່ໄດ້ ເຊັ່ນ: ຂ້ອຍລຽງໝາຊື່ປິກກິ້ພັນຂ້ອຍຮັກມັນຫຼາຍ ຖ້າຕັ້ງເປັນລະຫັດແມ່ນ i<3mPiggy#4Ever ຂ້ອຍມັກກິນບິງຊູແລະມັກດາລາເກົາຫຼີ ຖ້າຕັ້ງເປັນລະຫັດແມ່ນ Koi<3Junk!!!4eV3r@Galaxy     ຈະເຫັນໃດ້ວ່າລະຫັດທຳອິດແມ່ນ ຂ້ອຍຮັກປິກກີ້ຕະຫຼອດໄປ ແຕ່ວິທີຫຼື ໂຄງສ້າງຂອງລະຫັດແມ່ນເປັນເອກະລັກຂອງຕົນເອງ ບໍ່ວ່າຈະຕັ້ງລະຫັດຫຍັງ ກໍ່ໃຊ້ໂຄງສ້າງ ຕົວພິມນ້ອຍ ຂຶ້ນຕົ້ນກ່ອນແລ້ວຕາມດວ້ຍ ສັນຍາລັກຫົວໃຈ <3 ແລະກ່ອນສີ້ນສຸດຄຳສັບສຸດທ້າຍແມ່ນຕື່ມ # ໃສ່ ສ່ວນລະຫັດອັນທີ່ສອງ ເຮົາກໍ່ສາມາດເລີມຕົນປະໂຫຍກໂດຍການຂຽນເປັນ ຄາລາໂອເກະກໍ່ໄດ້ ແລະ...
12,575FansLike
729FollowersFollow
6,996SubscribersSubscribe
- Advertisement -

Recent Posts

error: Content is protected !!