Saturday, October 20, 2018
ຕາມການເປີດເຜີຍໃນກອງປະຊຸມວຽກງານການຄຸ້ມຄອງສິນຄ້າ-ຄ່າບໍລິການ ແລະ ວຽກງານສົ່ງເສີມຄັດເລືອກສິນຄ້າໜຶ່ງເມືອງ ໜື່ງຜະລິດຕະພັນແຫ່ງຊາດຈັດຂື້ນໃນຕອນເຊົ້າວັນທີ4ພຶດສະພາ 2018 ຜ່ານມາ ໃຫ້ຮູ້ວ່າ: ເຖິງແມ່ນປະຊາຊົນຊາວຊຽງຂວາງຈະມີພື້ນທີ່ຜະລິດກະສິກຳກວ້າງຂວາງ ແຕ່ຈຳນວນທີ່ອາໄສການຊື້ຕາມຕະຫຼາດກໍ່ມີຫຼາຍ ສະນັ້ນຂະແໜງການກ່ຽວຂ້ອງຂອງແຂວງຈິ່ງຕ້ອງໃຫ້ຄວາມສຳຄັນພິເສດໃນການຈັດຕັ້ງຄຸ້ມຄອງສິນຄ້າ ແລະລາຄາໃຫ້ຢູ່ໃນເກນປົກກະຕິ ເພື່ອຄວາມຍຸຕິທຳແກ່ຜູ້ບໍລິໂພກ. ໃນນີ້ແຂວງຊຽງຂວາງໄດ້ເອົາໃຈໃສ່ຄຸ້ມຄອງລາຄາສິນຄ້າ ລວມມີ 4 ປະເພດ 14 ລາຍການ ແລະ ລາຍການສິນຄ້າທີ່ຕ້ອງຕິດຕາມການເໜັງຕີງຂອງລາຄາປະຈຳອາທິດ 129 ລາຍການ ແລະ ປະຈຳເດືອນ 199 ລາຍການເປັນປົກກະຕິ. ໃນເວລາດຽວກັນ ເພື່ອສາມາດຕອບສະໜອງເຂົ້າແກ່ສັງຄົມຢ່າງພຽງພໍ ບໍ່ໃຫ້ລາຄາມີການເໜັງຕິງແຮງ ໃນຕົ້ນປີ 2018 ໄດ້ເກັບຊື້ເຂົ້າເປືອກ ເຂົ້າຄັງແຮໄວ້ແລ້ວຈຳນວນ 190 ໂຕນ(ເຂົ້າເປືອກໄກ່ນ້ອຍ). ໄດ້ລົງຕິດຕາມ ກວດກາ ແລະ ແນະນຳການຕິດ ລາຄາສິນຄ້າເປັນເງິນກີບ, ສິນຄ້າໝົດອາຍຸ...
ຫ້ອງການທະນາຄານແຫ່ງ ສປປ ລາວ ແຈ້ງມາຍັງພໍ່ແມ່ປະຊາຊົນ, ຊາວຄ້າຂາຍ, ພະນັກງານທະຫານ, ຕຳຫຼວດ, ບັນດານັກລົງທຶນພາຍໃນ ແລະຕ່າງປະເທດວ່າ: ປະຈຸບັນໃນຢູ່ໃນ ສປປ ລາວໄດ້ມີບຸກຄົນ, ນິຕິບຸກຄົນຈຳນວນໜຶ່ງທີ່ເຄື່ອນໄຫວ ໂດຍແອບອ້າງວ່າ ມີແຫຼ່ງທຶນຈຳນວນມະຫາສານຈາກຕ່າງປະເທດທີ່ຈະໃຫ້ການຊ່ວຍເຫຼືອລ້າ, ໃຫ້ກູ້ຢືມແບບບໍ່ມີດອກເບ້ຍ ເພື່ອມາພັດທະນາ ຫຼື ລົງທຶນໃນໂຄງການໃດໜຶ່ງຢູ່ ສປປ ລາວທີ່ມີມູນຄ່າມະຫາສານ ຊຶ່ງເຮັດໃຫ້ມີກຸ່ມຈຳນວນໜຶ່ງຫຼົງເຊື່ອ ແລະເສຍຊັບສິນໃຫ້ກຸ່ມດັ່ງກ່າວ. ສະນັ້ນເພື່ອເປັນການສະກັດກັ້ນປະກົດການຫຍໍ້ທໍ້ ທີ່ອາດຈະສ້າງຄວາມເສຍຫາຍໃຫ້ແກ່ສັງຄົມ, ທະນາຄນານແຫ່ງ ສປປ ລາວຈິ່ງອອກແຈ້ງການເຖິງບັນດາພໍ່ແມ່ປະຊາຊົນໃຫ້ຮັບຊາບດັ່ງລຸ່ມນີ້: 1. ໃຫ້ທຸກຄົນມີສະຕິບໍ່ຫຼົງເຊື່ອການແອບອ້າງວ່າມີແຫຼ່ງທຶນຈຳນວນມະຫາສານຈາກຕ່າງປະເທດ ເພື່ອມາພັດທະນາເສດຖະກິດ-ສັງຄົມຢູ່ ສປປ ລາວໃນທຸກຮູບແບບ 2. ທະນາຄານແຫ່ງ ສປປ ລາວຈະພິຈາລະນາການສະເໜີຂໍຢັ້ງຢືນການນຳທຶນຈາກປະເທດເຂົ້າມາລົງທຶນ ຢູ່ ສປປ ລາວທີ່ຜ່ານລະບົບທະນາຄານຢ່າງໂປ່ງໃສ ແລະຖືກຕ້ອງຕາມລະບຽບກົດໝາຍຂອງ ສປປ...
ໃນແຕ່ລະປີລັດຈະມີນະໂຍບາຍຫຼຸດຜ່ອນໂທດ ແລະອະໄພຍະໂທດແກ່ນັກໂທດຜູ້ທີ່ປະຕິບັດຕົວດີ ເພື່ອເປີດໂອກາດໃຫ້ມາໃຊ້ຊີວິດຄືຄົນປົກກະຕິສ້າງສາເສດຖະກິດຄອບຄົວຕໍ່ໄປ ແຕ່ຫຼາຍໆຄົນອາດຍັງບໍ່ຮູ້ ນະໂຍບາຍທີ່ວ່ານີ້ປະຕິບັດເພື່ອຫຍັງ ດັ່ງນັ້ນແຂວງໄຊຍະບູລີຈິ່ງຈັດໃຫ້ມີວາລະເຊື່ອມຊືມກ່ຽວກັບວຽກງານດັ່ງກ່າວ. ການໃຫ້ອະໄພຍະໂທດດັ່ງກ່າວຈຸດປະສົງກໍ່ເພື່ອກໍານົດຫຼັກການ, ລະບຽບການ ແລະ ມາດຕະການ ກ່ຽວກັບການຈັດຕັ້ງ ແລະ ການເຄື່ອນໄຫວວຽກງານໃຫ້ອະໄພຍະໂທດມີປະສິດທິພາບ, ຮັບປະກັບນະໂຍບາຍມະນຸດສະທໍາ, ເພື່ອສຶກສາອົບຮົມນັກໂທດ ໃຫ້ເຫັນໄດ້ແນວທາງນະໂຍບາຍອັນຖືກຕ້ອງເປັນທໍາຂອງລັດ ແຫ່ງ ສປປ ລາວ ກໍ່ສ້າງຕົນເອງໃຫ້ກາຍເປັນພົນລະເມືອງດີຂອງຊາດ ທັງເຮັດໃຫ້ສັງຄົມມີຄວາມສະຫງົບ ເປັນລະບຽບຮຽບຮ້ອຍ, ສ້າງເງື່ອນໄຂໃຫ້ມີການປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ. ກອງປະຊຸມເຊື່ອມຊືມວຽກງານອະໄພຍະໂທດໄດ້ຈັດຂຶ້ນໃນຕອນເຊົ້າວັນທີ 4 ພຶດສະພາ 2018 ນີ້, ຢູ່ທີ່ສະໂມສອນຫ້ອງວ່າການແຂວງໄຊຍະບູລີ ໂດຍການໃຫ້ກຽດເປັນປະທານຂອງທ່ານ ຍັນຍົງ ສີປະເສິດ ຮອງເຈົ້າແຂວງ ປະທານອະໄພຍະໂທດແຂວງໄຊຍະບູລີ, ມີຄະນະກໍາມະການອະໄພຍະໂທດ, ພະແນກການທີ່ກ່ຽວຂ້ອງ, ພ້ອມດ້ວຍພະນັກງານໄອຍະການເຂົ້າຮ່ວມ. ທ່ານ ພຸດທະວົງ ພັນທະລາດ...
ລັດຖະບານກະກຽມສະເຫລີມສະຫລອງເມືອງວຽງໄຊ ຄົບຮອບ 50 ປີ (30/11/1968 – 30/11/2018 ) ໃນວັນທີ 30 ພະຈິກ 2018 ໂດຍຈະຈັດຫລາຍກິດຈະກຳສຳຄັນ ແລະ ມີຄວາມໝາຍທາງປະຫວັດສາດ ຂະນະນີ້ກຳລັງກະກຽມພື້ນທີ່ກັບຄວາມພ້ອມດ້ານຂະບວນການ ເພື່ອໃຫ້ຜົນອອກມາສົມກັບຄວາມຍິ່ງໃຫຍ່ຂອງການກຳເນີດເມືອງແຫ່ງການປະຕິວັດ. ທ່ານ ພູໂຊນ ທຳມະວິໄຊ ຮອງເຈົ້າແຂວງຯ ຫົວພັນ ໃຫ້ສຳພາດວ່າ: ແຂວງ ຫົວພັນ ກຳລັງຮ່ວມກັບສູນກາງກະກຽມສະເຫລີມສະຫລອງເມືອງ ວຽງໄຊ ຄົບຮອບ 50 ປີ, ໃນນີ້ ສະເພາະໜ້າວຽກທີ່ແຂວງ ຫົວພັນ ຮັບຜິດຊອບຕົ້ນຕໍແມ່ນການກໍ່ສ້າງພື້ນຖານໂຄງລ່າງ ກໍຄື ການບູລະນະ ແລະ ພັດທະນາຕົວເມືອງ ວຽງໄຊ, ລວມມີ...
ແຂວງໄຊຍະບູລີ ໄດ້ອະນຸມັດໃຫ້ບໍລິສັດທັນໃຈ ສຶກສາຄວາມເປັນໄປໄດ້ການສ້າງເຂື່ອນໃສ່ນ້ຳພູນ ເມືອງປາກລາຍມີກຳນົດຮອດປີ 2024 ໃຫ້ໄດ້ຮັບຜົນ ແລະ ເປີດນໍ້າໃຊ້ກະຈາຍໄຟໄດ້ ເມື່ອເຖິງເວລານັ້ນລາວເຮົາຈະມີກະແສໄຟຟ້າເພີ່ມຂຶ້ນ 45 ເມກາວັດ. ກອງປະຊຸມສຶກສາຄວາມເຂົ້າໃຈ ເພື່ອສຶກສາຄວາມເປັນໄປໄດ້ ໃນການກໍ່ສ້າງເຂື່ອນໄຟຟ້ານ້ຳຕົກ ຂະໜາດນ້ອຍຂະໜາດ 45ເມກາວັດ ເມືອງ ແຂວງ ໄຊຍະບູລີ ມີຂຶ້ນໃນວັນທີ 2 ພຶດສະພາ2018, ທີ່ຫ້ອງປະຊຸມຂອງເຮືອນພັກອານຸສອນ ລະຫວ່າງ ທ່ານ ຢັນຍົງ ສີປະເສີດ ຮອງເຈົ້າແຂວງໆ ໄຊຍະບູລີ,ທ່ານ ສີທົງ ນວນແສງສີ ຜອ ບໍລິສັດ ນ້ຳພູນ ພາວເວີ. ດຣ. ບຸນສະຫລອງ ສຸດທິດາລາ ຮອງປະທານບ໋ອດບໍລິຫານ ນ້ຳພູນພາວເວີ ພ້ອມດ້ວຍເຈົ້າເມືອງສອງເມືອງຄື:...
ກອງປະຊຸມພົບປະລະຫວ່າງ ກົມພາສີ ແລະ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຈັດຂຶ້ນ ໃນວັນທີ 30 ເມສາ 2018 ທີ່ ສະພາອຸດສາຫະກຳ ແລະການຄ້າແຫ່ງຊາດ(ສຄອ)  ໂດຍໃຫ້ກຽດການເປັນປະທານຂອງ ທ່ານ ນາງ ວາລີ ເວດສະພົງ ຮອງປະທານ ສຄອ ແຫ່ງຊາດລາວ ແລະ ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ກະຊວງການເງິນ. ກອງປະຊຸມໃນຄັ້ງນີ້ແມ່ນຈັດຂື້ນເພື່ອປຶກສາຫາລືບາງບັນຫາທີ່ພາກທຸລະກິດສະເໜີ ຕໍ່ລັດຖະການພາສີເປັນຕົ້ນແມ່ນການສະເໜີປັບປຸງຂອດຂັ້ນ ການນຳເຂົ້າສິນຄ້າ (ໂດຍສະເພາະສິນຄ້າທີ່ໄດ້ຮັບການຍົກເວັ້ນພາສີ) ແລະ ການຄົ້ນຄວ້າແຜນນຳເຂົ້າ Master List, ການພິຈາລະນາປັບປຸງຂໍ້ກຳນົດການນຳເຂົ້າບໍ່ໃຫ້ເກີນທຶນຈົດທະບຽນ.   ຈາກນີ້ຍັງມີການສະເໜີຍືດເວລາບໍລິການຂອງຂະແໜງການລັດຢູ່ດ້ານພາສີຊາຍແດນ, ສະເໜີປັບປຸງຄຸ້ມຄອງຕູ້ສິນຄ້າເປົ່າ, ປັບປຸງຄຸ້ມຄອງອະນຸຍາດສິນຄ້າຜ່ານແດນສາກົນ,...
ຂົວນ້ຳເຄັມເມືອງໄຊທານີ ນະຄອນຫຼວງວຽງຈັນ ຂົວທີ່ຈະຂ້າມຈາກເຂດທ່າງ່ອນໄປຫາໂຮງຮຽນວິທະຍາຄານປ້ອງກັນຊາດ ເປັນຂົວເຫຼັກປະສົມໄມ້ທີ່ເກົ່າແກ່ຊຸດໂຊມ ຊຶ່ງປະຊາຊົນໄດ້ມີການຮ້ອງຮຽນກັນເຖິງພາກລັດໃຫ້ຊ່ວຍປັບປຸງເພື່ອຄວາມປອດໄພໃນການຊົມໃຊ້ມາເປັນໄລຍະໆ ນັບແຕ່ປີ 2016 ຈົນເຖິງປະຈຸບັນ ແຕ່ຍັງບໍ່ມີທີທ່າຈະໄດ້ຮັບການປັບປຸງ ກົງກັນຂ້າມສະພາບນັບມື້ເພຫຼາຍຂຶ້ນເນື່ອງຈາກມີປະຊາຊົນທຽວຜ່ານແຕ່ລະມື້ເປັນຈຳນວນຫຼາຍ ຫຼ້າສຸດທ່ານເຈົ້າຄອງນະຄອນຫຼວງວຽງຈັນໄດ້ລົງກວດກາຕົວຈິງ ແລະມີທິດຊີ້ນຳໃຫ້ປັບປຸງ ພ້ອມສຶກສາການກໍ່ສ້າງໃໝ່ແລ້ວ. ທ່ານ  ສິນລະວົງຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງເຄື່ອນໄຫວພົບປະປະຊາຊົນ ແລະ ຊຸກຍູ້ການພັດທະນາ ຢູ່ເມືອງໄຊທານີ  ໃນຕອນບ່າຍຂອງວັນທີ 26 ເມສາ 2018. ຊື່ງຈຸດທຳອິດຄະນະໄດ້ລົງກວດກາເບີ່ງສະພາບການນຳໃຊ້ຂົວຫ້ວຍນ້ຳເຄັມ, ຊື່ງຂົວດັ່ງກ່າວໄດ້ຖືກນຳໃຊ້ມາແຕ່ຊຸມປີ 1970, ໃນແຕ່ລະວັນມີພາຫະນະຂອງປະຊາຊົນ ແລະ ລົດບັນທຸກສິນຄ້າໜັກແລ່ນຜ່ານຈຳນວນຫຼວງຫຼາຍ, ອີງໃສ່ອາຍຸການໃຊ້ງານຈື່ງເຮັດໃຫ້ຂົວດັ່ງກ່າວເປ່ເພຕາມການເວລາ ແລະ ເຄີຍຫັກມາແລ້ວ. ຊື່ງໃນໄລຍະຜ່ານມາທາງເມືອງ ແລະ ພະແນກໂຍທາທິການ-ຂົນສົ່ງ ກໍ່ໄດ້ດຳເນີນການສ້ອມແປງມາແລ້ວຫຼາຍຄັ້ງແຕ່ກໍຍັງບໍ່ທັນຖາວອນເທື່ອ. ໃນໂອກາດລົງກວດກາຄັ້ງນີ້ ທ່ານ ສິນລະວົງ...
ບໍລິສັດພອນສະຫວັນ ພັດທະນາຈໍາກັດຜູ້ດຽວ ໄດ້ມອບເງິນຄ່າຊົດເຊີຍໃຫ້ແກ່ເຈົ້າຂອງດິນທີ່ຖືກຜົນກະທົບຈາກແລວໄຟແຮງສູງເຂື່ອນໄຟ້ານໍ້າຂອງ ຢູ່ບ້ານຫ້ວຍແກ້ງ ເມືອງໄຊຍະບູລີ, ພິທີມີຂຶ້ນໃນວັນທີ 30 ເມສາ 2018 ນີ້ທີ່ບ້ານດັ່ງກ່າວ. ເຊິ່ງພາຍໃນບ້ານຫ້ວຍແກ້ງມີຄອບຄົວທີ່ມີດິນຖືກຜົນກະທົບຈາກແລວໄຟແຮງສູງທັງໝົດ 8 ຄອບຄົວ ເທົ່າກັບ 25 ລ້ານກວ່າກີບ ໃຫ້ກຽດກ່າວມອບເງິນຄັ້ງນີ້ໂດຍທ່ານ ບຸນຄົງ ພົງສະຫວັນ ຮອງເຈົ້າເມືອງໄຊຍະບູລີ ໂດຍຊ້ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ຂ່າວ: ບຸນຈັນ ທ່າວ
ໃນໂອກາດນໍາພາຄະນະຜູ້ແທນຂັ້ນສູງຂອງ ສປປ ລາວ ເດີນທາງເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 32 ຢູ່ທີ່ປະເທດສິງກະໂປ, ໃນວັນທີ 27 ເມສາ 2018 ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ອູ ວິນ ໝິນ, ປະທານາທິບໍດີ ສສ ມຽນມາ, ກ່ອນອື່ນ, ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ ທ່ານ ອູ ວິນ ໝິນ ທີ່ໄດ້ຮັບການເລືອກຕັ້ງໃຫ້ ດໍາລົງຕໍາແໜ່ງເປັນປະທານາທິບໍດີ ແຫ່ງ ສສ ມຽນມາ...
ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ອອກແຈ້ງການ ສະບັບເລກທີ 560/ຫສນຍ.ກລຂ, ລົງວັນທີ 20 ເມສາ 2018 ຄອນຫຼວງວຽງຈັນ ເລື່ອງທິດຊີ້ນຳກ່ຽວກັບການພິຈາລະນາຮັບຮອງເອົາການປັບຂື້ນຄ່າແຮງຂັ້ນຕ່ຳສຸດຂອງຜູ້ອອກແຮງງານຢູ່ ສປປ ລາວ, ອີງຕາມເອກະສານລາຍງານສະບັບເລກທີ 0665/ຮສສ, ລົງວັນທີ 13 ມີນາ 2018 ຂອງກະຊວງແຮງງານ ແລະ ສະຫວັດດີການສັງຄົມ ແລະ ອີງຕາມທິດຊີ້ນຳ ແລະ ການຕົກລົງຂອງກອງປະຊຸມນາຍົກ-ຮອງນາຍົກລັດຖະມົນຕີ ຄັ້ງວັນທີ 20 ເມສາ 2018. ຫ້ອງວ່າການສຳນັກງານາຍົກລັດຖະມົນຕີ ຂໍຖືເປັນກຽດແຈ້ງທິດຊີ້ນຳ ແລະ ການຕົກລົງຂອງກອງປະຊຸມນາຍົກ-ຮອງນາຍົກລັດຖະມົນຕີມາໃຫ້ຊາບດັ່ງນີ້: 1) ເຫັນດີໃຫ້ປັບຄ່າແຮງຂັ້ນຕ່ຳສຸດຂອງຜູ້ອອກແຮງງານຢູ່ ສປປ ລາວ ຂຶ້ນຈາກ 900.000...
12,575FansLike
729FollowersFollow
6,996SubscribersSubscribe
- Advertisement -

Recent Posts

error: Content is protected !!