Saturday, October 20, 2018
Home ບົດຄວາມ

ບົດຄວາມ

ສຳລັບປະທານ ສຸພານຸວົງ ກັບເສັ້ນທາງຕໍ່ສູ້ປະຕິວັດ ເພື່ອປົດປ່ອຍຊາດ ບໍ່ແມ່ນເສັ້ນທາງທຳມະດາ. ເພາະວ່າເພີ່ນມີຕົ້ນ ກຳເນີດມາຈາກຄອບຄົວໃນລາດຊະວົງ. ຕົ້ນກຳເນີດສົມທົບກັບຄວາມຮູ້ຄວາມສາມາດ ແລະ ຄວາມສະຫລາດຫລັກແຫລມ ໂດຍເພີ່ນໄດ້ສຳເລັດ ການສຶກສາ ຢູ່ໃນລະດັບສູງທັງຈາກພາຍໃນ ແລະ ຈາກຕ່າງປະເທດ. ເພີ່ນມີເງື່ອນໄຂຄົບ ຖ້ວນທີ່ຈະໃຊ້ຊີວິດ ແບອຸດົມສົມບູນໃນການສ້າງຖານະທີ່ດີງາມ ໃຫ້ແກ່ຕົນເອງ ແຕ່ເພີ່ນຊ້ຳພັດເລືອກເອົາ ວິຖີຊີວິດຂອງນັກ ກອມມູນິດ ແລະ ຂອງນັກຕໍ່ສູ້ປົດປ່ອຍຊາດ. ເພີ່ນບໍ່ພຽງ ແຕ່ເສຍສະຫລະ ຕັດຂາດຈາກຊົນຊັ້ນ ຂອງຕົນເອງເທົ່ານັ້ນ ແຕ່ເພີ່ນຍັງກາຍເປັນ ຜູ້ທີ່ເດັດດ່ຽວໜຽວແໜ້ນ ຕໍ່ສູ້ກັບຊົນຊັ້ນນັ້ນເອງອີກດ້ວຍ. ການຕັດສິນໃຈດັ່ງກ່າວ ແມ່ນບາດລ້ຽວທີ່ຍິ່ງໃຫຍ່ ແລະ ສູງສົ່ງ ໃນຊີວິດການເມືອງຂອງເພີ່ນ ເຊິ່ງໄດ້ສ່ອງ ແສງເຖິງຄຸນທາດ ປະຕິວັດຂອງນັກຮັກຊາດທີ່ດູດດື່ມ.ໃນທຸກການເຄື່ອນໄຫວ ປະຕິວັດອັນລະອິດລະອ້ຽວ...
ປະທານ ສຸພານຸວົງ ເກີດເມື່ອວັນທີ່ 13 ເດືອນ ກໍລະກົດ ປີ 1909 ທີ່ ແຂວງຫຼວງພະບາງ ເປັນບຸດຂອງເຈົ້າອຸປະຣາດບຸນຄົງ ກັບ ເຈົ້າຍິງຄຳອ້ວນ ຊາຍາລຳດັບທີ 11 ເປັນຍາດກັບ ເຈົ້າເພັດຊະຣາດ ແລະ ເຈົ້າສຸວັນນະພູມມາ ບຸດຂອງພຣະຊາຍາເອກ ແລະ ເຈົ້າສຸວັນນະຣາດ ບຸດທີ່ເກີດຈາກຊາຍາລຳດັບທີ 9 ປະທານ ສຸພານຸວົງ ໄດ້ຮັບການສຶກສາຊັ້ນປະຖົມຈາກຝຣັ່ງ ໃນຫລວງພະບາງ ແລ້ວໄປສຶກສາຕໍ່ທີ່ ສະຖາບັນລີເຊອັນແບຊາໂຣ ທີ່ ຮ່າໂນ້ຍ ເຮັດໃຫ້ເພ່ິນມີຄວາມສຳພັນຢ່າງໜຽວແໜ້ນ ກັບຫວຽດນາມ ມາຕະຫຼອດຊີວິດ ເພິ່ນສາມາດເວົ້າໄດ້ 3 ພາສາຄື: ພາສາຝຣັ່ງ, ພາສາຫວຽດນາມ...
ປະທານ ສຸພານຸວົງ ເກີດເມື່ອວັນທີ່ 13 ເດືອນ ກໍລະກົດ ປີ 1909 ທີ່ ແຂວງຫຼວງພະບາງ ເປັນບຸດຂອງເຈົ້າອຸປະຣາດບຸນຄົງ ກັບ ເຈົ້າຍິງຄຳອ້ວນ ຊາຍາລຳດັບທີ 11 ເປັນຍາດກັບ ເຈົ້າເພັດຊະຣາດ ແລະ ເຈົ້າສຸວັນນະພູມມາ ບຸດຂອງພຣະຊາຍາເອກ ແລະ ເຈົ້າສຸວັນນະຣາດ ບຸດທີ່ເກີດຈາກຊາຍາລຳດັບທີ 9. ທົ່ວພັກ-ທົ່ວປວງຊົນລາວທັງຊາດ ຕ່າງກໍຮູ້ດີວ່າປະທານ ສຸພານຸວົງ ເປັນເຊື້ອເຈົ້າ ແລະ ແມ່ນປັນຍາຊົນຜູ້ໜຶ່ງ ທີ່ມີນ້ຳໃຈຮັກຊາດ ອັນດູດດື່ມທີ່ໄດ້ເອົາຊີວິດ ຕິດພັນກັບພາລະກິດການ ຕໍ່ສູ້ປົດປ່ອຍຊາດຕັ້ງ ແຕ່ຫົວທີ ແລະ ຕະຫລອດເຄິ່ງສະຕະວັດ ທີ່ຜ່ານມາ ປະທານສຸພານຸວົງ ໄດ້ເລີ່ມຈາກນັກຮັກຊາດ...
ມີເອື້ອຍຮັກຢູ່ແຂວງບໍລິຄຳໄຊຖາມວ່າ ໃນ 7 ຂໍ້ນີ້ ເພື່ອເຮັດໃຫ້ຕົນເອງມີຄວາມກ້າວໜ້າຢູ່ໃນຍຸກປະເທດລາວເຮົາປັດຈຸບັນນີ້ ຂໍ້ໃດສຳຄັນທີ່ສຸດ? 1) ມີຖານະ 2) ມີບົດບາດ 3) ມີອິດທິພົນ 4) ມີຄວາມຮູ້ 5) ມີຄວາມສາມາດ 6) ມີໂອກາດ 7) ມີວາດສະໜາ ຂ້າພະເຈົ້າຂໍຕອບແບບບໍ່ໄດ້ລັງເລໃຈເລີຍວ່າ ຂໍ້ທີ 4. ມີຄວາມຮູ້ຖືເປັນຂໍ້ທີ່ສຳຄັນ ແລະ ຈຳເປັນທີ່ສຸດຢູ່ໃນຍຸກປັດຈຸບັນນີ້ ເພາະວ່າຖ້າໄດ້ຂໍ້ 4 ເມື່ອມີຄວາມຮູ້ແລ້ວ ທັງ 6 ຂໍ້ທີ່ເຫຼືອ ມັນກໍຈະຖະຍອຍຄ່ອຍຕາມມາເອງ ຕ່າງແຕ່ມັນຈະບໍ່ມາພ້ອມກັນຊື່ໆ. ແນ່ນອນວ່າຕ້ອງມີຫຼາຍຄົນບໍ່ເຫັນດີນຳແນວຄວາມຄິດຂອງຂ້າພະເຈົ້າ ເພາະສະພາບແວດລ້ອມຂອງຊີວິດແຕ່ລະຄົນບໍ່ຄືກັນ, ແຕ່ຈາກປະສົບການຊີວິດຂ້າພະເຈົ້າແລ້ວ ການມີຄວາມຮູ້ຖືເປັນປັດໄຈຫຼັກທີ່ຈະເຮັດໃຫ້ຄົນເຮົາປະສົບຄວາມສຳເລັດທີ່ຍືນຍົງໃນໄລຍະຍາວໄດ້ ແລະ ຄົນເຮົາທຸກຄົນສາມາດມີໄດ້ ເຖິງຊີວິດຈະທຸກຍາກປານໃດກໍຕາມ ຂໍແຕ່ຢ່າຢຸດສະແຫວງຫາ. ສ່ວນວ່າເປັນຫຍັງຄົນໃນສັງຄົມຈຳນວນຫຼາຍຈິ່ງບໍ່ມັກລົງທຶນໃສ່ການສຶກສາພັດທະນາຄວາມຮູ້ ນັ້ນກໍຍ້ອນວ່າ ມັນຕ້ອງໃຊ້ເວລາຫຼາຍຈິ່ງຈະເຫັນຜົນກຳໄລ ແລະ ຄົນລາວເຮົາຈຳນວນຫຼາຍພັດຂາດຄວາມອົດທົນ, ຢາກໄດ້ກຳໄລໄວໆ ແລະ...
ເຮົາມັກເບິ່ງເຫັນແຕ່ຄວາມສຳເລັດຂອງຕົນອື່ນ ໂດຍທີ່ອາດບໍ່ຮູ້ເລີຍວ່າກ່ອນທີ່ເຂົາຄົນນັ້ນຈະກ້າວສູ່ຄວາມສຳເລັດໃນຊີວິດໄດ້ນັ້ນເຂົາມີແບບແຜນຊີວີດ ແລະ ຄວາມອົດທົນສຳໃດ? ຫລືລົ້ມມາຈັກຄັ້ງແລ້ວ ທໍ້ມາຈັກເທື່ອ ແລ້ວ. ດັ່ງນັ້ນ ຫາກເຮົາຢາກປະສົບຜົນສຳເລັດ ຕ້ອງກັບມາທີ່ໂຕເຮົາ ລອງສຳຫຼວດກວດກາຕົນເອງຄືນໃຫມ່ເບິ່ງ ຢ່າມົວແຕ່ເບິ່ງຜົນສຳເລັດຂອງຕົນອື່ນ ໂດຍທີ່ຕົນເອງບໍ່ຍອມປ່ຽນແປງ ຫລື ບໍ່ຍອມຮັບບັນຫາເພື່ອປັບປຸງພັດທະນາຕົນເອງ ໂດຍອ້າງເຫດຜົນນັ້ນນີ້  ແລະວາງແຜນໄປຫນ້າເລື້ອຍໆ ໂດຍທີ່ບໍ່ລົງມືເຮັດຈັກເທື່ອ. ດັ່ງນັ້ນມາສຳຫຼວດໂຕເອງກັນເບິ່ງ ວ່າທີ່ເຮົາໃຊ້ຊີວິດຢູ່ກັນທຸກມື້ນີ້ເຮົາຈຸດມຸງໝາຍທີ່ຢາກປະສົບຜົນສຳເລັດ ຫລື ເປັນພຽງຝັນກາງເວັນ ແລະນີ້ຄື 5 ຂໍ້ຄິດ ສຳລັບຜູ້ຢາກປະສົບຄວາມສຳເລັດຄວນເອົາໄປສຳຫຼວດຕົວເອງເບິ່ງວ່າມີຈັກຢ່າງໃນນັ້ນ. 1. ຮູ້ບໍ່ວ່າ ຕົນເອງມີຄວາມມັກໃນເລື່ອງໃດ? ທຸກຄົນລ້ວນແຕ່ມີຄວາມມັກທີ່ແຕກຕ່າງກັນ ຫຼື ມີເລື່ອງທີ່ໂຕເອງຖະນັດບໍ່ຄືກັນ ບາງຄົນຄົ້ນຫາຕົນເອງພົບກໍ່ສາມາດເລີ່ມຕົ້ນໃນສິ່ງທີ່ຖະນັດກ່ອນຄົນອື່ນ ແຕ່ສຳລັບຄົນທີ່ຍັງຄົ້ນຫາຄວາມຖະນັດຂອງຕົນເອງບໍ່ພົບ ກໍ່ຢ່າຟ້າວທໍ້ໃຈໄປ ເພາະຄວາມມັກຫຼື ຄວາມຖະນັດບໍ່ໄດ້ຖືກກຳນົດໂດຍພອນສະຫວັນ ເຊິ່ງບາງທີຄວາມມັກຂອງເຈົ້າອາດຈະບໍ່ແມ່ນເລື່ອງທີ່ຍິ່ງໃຫຍ່ຫຍັງ ຫາກເຈົ້າຄົ້ນພົບວ່າເຈົ້າມີຄວາມມັກເລື່ອງຫຍັງ ເຈົ້າກໍ່ຈະເຕັມໃຈເຮັດເລື່ອງເຫຼົ່ານັ້ນດ້ວຍຄວາມສຸກ 2. ເຮັດວຽກທຸກມື້ນີ້ມີຄວາມສຸກຫຼືບໍ່? ຄົນທີ່ປະສົບຄວາມສຳເລັດ ພວກເຂົາຈະມີຄວາມສຸກກັບສິ່ງທີ່ພວກເຂົາລົງມືເຮັດ  ດັ່ງນັ້ນເວລາທີ່ເຈົ້າເຮັດຫຍັງລົງໄປແລ້ວລອງສຳຫຼວດເບິ່ງວ່າສິ່ງທີ່ເຮັດຢູ່ນັ້ນມັນມີຄວາມສຸກຫຼືບໍ່?...
ພະນັກງານໃນບົດນີ້ຜູ້ຂຽນຢາກເນັ້ນເຖິງພະນັກງານທົ່ວໄປ ບໍ່ໄດ້ຈໍາເພາະເຈາະຈົງຂົງເຂດໃດ ເພາະວ່າຖ້າເປັນພະນັກງານຂົງເຂດລັດ ເຊິ່ງເພິ່ນເອີ້ນກັນວ່າລັດຖະກອນ ກໍ່ມີດໍາລັດວ່າດ້ວຍລັດຖະກອນ ແຫ່ງ ສປປ ລາວ, ແຕ່ປັດຈຸບັນເພິ່ນໄດ້ສ້າງເປັນກົດໝາຍວ່າດ້ວຍລັດຖະກອນ ແຫ່ງ ສປປ ລາວ ແລະ ປະກາດໃຊ້ເປັນທີ່ຮຽບຮ້ອຍແລ້ວ ເຊິ່ງກົດໝາຍສະບັບດັ່ງກ່າວໄດ້ກາຍເປັນນິຕິກໍາຄຸ້ມຄອງລັດຖະກອນໃນທົ່ວປະເທດ ໝາຍຄວາມວ່າໄດ້ລະບຸເນື້ອໃນລະອຽດ ເວົ້າລວມ, ເວົ້າສະເພາະໂທດຂອງພະນັກງານລັດ ( ລັດຖະກອນ ) ທີ່ມີພຶດຕິກໍາທີ່ບໍ່ດີ. ສໍາລັບພະນັກງານທົ່ວໄປ ໂດຍສະເພາະພະນັກງານຂົງເຂດເອກະຊົນທີ່ເຮັດວຽກຕາມສໍານັກງານ - ອົງການຈັດຕັ້ງ ກໍ່ຄືບໍລິສັດ - ຫ້າງຮ້ານຂອງພາກເອກະຊົນ ເມື່ອມີພຶດຕິກໍາທີ່ບໍ່ດີຈະເອົາກົດໝາຍສະບັບໃດມາຄຸ້ມຄອງ ແລະ ເປັນບ່ອນອີງລົງໂທດເຂົາເຈົ້າ? ກົດໝາຍອາຍາ ແຫ່ງ ສປປ ລາວ ໝວດທີ 8 ວ່າດ້ວຍການກະທໍາຜິດຂອງພະນັກງານຕໍ່ໜ້າທີ່ຮັບຜິດຊອບ. ໃນນັ້ນ,...
ໃນຊີວິດການຢູ່ຮ່ວມກັນການເຮັດວຽກ ຫາກມື້ໜຶ່ງທ່ານໄດ້ກ້າວມາເປັນຜູ້ບໍລິຫານກໍ່ໝາຍເຖິງວ່າທ່ານກໍ່ເປັນຜູ້ໜຶ່ງທີ່ເກັ່ງ ແລະມີຄວາມເປັນຜູ້ນຳໃນຕົວ ແຕ່ຄວບຄູ່ກັບຄວາມເກັ່ງນັ້ນກໍ່ຕ້ອງມີມະນຸດສະທຳ ບໍ່ຫຼົງຕົວເອງ ແລະບໍລິຫານຜູ້ຢູ່ໃຕ້ການບັງຄັບບັນຊາຢ່າງມີເຫດຜົນມີເມດຕາ. ເປັນທີ່ເຂົ້າໃຈດີວ່າ: ຄວາມຮັກແພງກັບໜ້າທີ່ວຽກງານມັນຄົນລະເລື່ອງ ແຕ່ບົນພື້ນຖານການຢູ່ຮ່ວມກັນຈະລະເລີຍຈຸດນີ້ໄປບໍ່ໄດ້ເພາະຖ້າມາເຫັນໜ້າກັນພຽງວຽກບໍ່ຮຽນຮູ້ໃຫ້ເຂົ້າໃຈກັນກໍ່ປະສານງານເຮັດວຽກນຳກັນຫຍຸ້ງຍາກ. ທີ່ສຳຄັນການໝູນໃຊ້ບຸກຄະລາກອນ ຖ້າຢາກໃຫ້ໄດ້ປະໂຫຍດສູງສຸດຈາກພະນັກງານທີ່ຈ້າງມາ ຜູ້ບໍລິຫານແມ່ນມີຄວາມຈຳເປັນທີ່ສຸດທີ່ຕ້ອງໄດ້ຮຽນຮູ້ວ່າ ພະນັກງານແຕ່ລະຄົນຂອງຕົນເປັນແບບໃດ ເຫດຜົນກໍ່ເພາະວ່າ ນິໄສແຕ່ລະຄົນບໍ່ຄືກັນ ບາງຄົນມັກອິດສະຫຼະ ບາງຄົນມັກບັງຄັບ, ບາງຄົນມັກຍ້ອງ ຜູ້ບໍລິຫານຕ້ອງກຳໃຫ້ໄດ້ໃຊ້ໃຫ້ຖືກ ບໍ່ແມ່ນເອົາແຕ່ມຸມໂຕເອງ. ໃນຫຼັກບໍລິຫານຂອງຈີນບອກວ່າ: ການເປັນຜູ້ນຳຕ້ອງຮູ້ຈັກການໃຊ້ຄົນ ແລະຫຼີກລ່ຽງທີ່ສຸດ ຢ່າໃຊ້ເສືອຢ່າງໝາເພາະເສືອບໍ່ເລຍປາກ, ຢ່າໃຊ້ຄວາຍຢ່າງເສືອເພາະຄວາຍບໍ່ອອກລ່າເຫຍື່ອ ແລະຢ່າໃຊ້ໝາຢ່າງຄວາຍເພາະໝາບໍ່ໄຖນາ. ໃນຫຼັກການນັ້ນຍັງບອກວ່າ: ການເປັນເຈົ້ານາຍນອກຈາກຈະຮູ້ໃຊ້ຄົນແລ້ວຕ້ອງຮູ້ຈັກໂຕເອງ ກັບຄວາມຕ້ອງການ, ຄວາມມັກສ່ວນຕົວ ຫາກຕ້ອງການການເຕີບໂຕຕ້ອງເອົາຄົນທີ່ສູ້ວຽກສູ້ງານຢ່າງເສືອ ແຕ່ຖ້າເປັນຄົນທີ່ບ້າອຳນາດມັກການສ້າງພາບຫຼັກພາຍນອກຕ້ອງເອົາຄົນປະຈົບຢ່າງໝາຢູ່ນຳຈິ່ງດີ!!! ແຕ່ໃນຄວາມເປັນຈິງແລ້ວອົງກອນໃດໜຶ່ງຄວນໃຫ້ມີຄົນທັງ 3 ປະເພດມາຢູ່ນຳກັນຈະດີທີ່ສຸດ!!! ສິ່ງສຸດທ້າຍທີ່ຜູ້ບໍລິຫານຄວນລະວັງ ຢ່າເອົາອາລົມຈາກບ່ອນອື່ນມາລົງກັບລູກນ້ອງເພາະເຂົາບໍ່ແມ່ນທີ່ຮອງຮັບ, ຢ່າເອົາລູກນ້ອງມາທຽບກັບຕົນເພາະຖ້າເຂົາເກັ່ງສ່ຳນັ້ນຈະບໍ່ມາເປັນລູກນ້ອງທ່ານແລ້ວ, ຢ່າໃຫ້ເຂົາເດົາທຸກເລື່ອງທີ່ທ່ານຕ້ອງການ ເພາະບໍ່ມີໃຜສາມາດຮູ້ໄດ້ເລິກເຊິ່ງຂະໜາດນັ້ນແມ່ນແຕ່ຄົນທີ່ທ່ານຢູ່ນອນນຳທຸກມື້ກໍ່ຕາມ. ຖ້າຢາກໃຫ້ວຽກງານກ້າວເດີນໄວຄວນຢູ່ກັບລູກນ້ອງດ້ວຍຄວາມເປັນມິດ ເສຍສະຫຼະເວລາບາງຄັ້ງມາບອກສອນຈັກໜ້ອຍກໍ່ຖືເປັນວິທີທີ່ດີໃນການກະຕຸ້ນໃຫ້ພະນັກງານມີກຳລັງໃຈ ສ້າງຜົນປະໂຫຍດໃຫ້ກັບທ່ານ.
ຊີວິດຂອງຄົນຈະປະສົບຜົນສຳເລັດໃນເລື່ອງໃດເລື່ອງໜຶ່ງນັ້ນ ແມ່ນຂຶ້ນຢູ່ກັບເຮົາເອງວ່າຈະຮຽນຮູ້ໄດ້ຫຼາຍ ຫຼື ຫນ້ອຍປານໃດ, ຈະມີຄວາມອົດທົນ, ມີຄວາມດຸໝັ່ນເອົາໃຈໃສ່ຫຼາຍພຽງໃດ ແລະ ອື່ນໆ. ມື້ນີ້ແອັບມີນນ້ອຍ ໄດ້ນຳເອົາບາງບົດແນະນຳມາເປັນຂໍ້ຄິດໃຫ້ນັກຮຽນ ນັກສຶກສາ ກໍຄືຄົນທົ່ວໄປໄດ້ຮຽນຮູ້ກັບສິ່ງທີ່ເຮົາຄວນຈະຮຽນຮູ້ ກ່ອນອາຍຸ 25 ປີ ເພາະສິ່ງດັ່ງກ່າວຈະເປັນຕົວຊີ້ວັດອະນາຄົດກໍຄືຜົນສຳເລັດໃນຊີວີດ. ນີ້ຄື16 ຂໍ້ຄິດ ເພື່ອປ່ຽນຊິວີດສູ່ຄວາມສຳເລັດໃນອະນາຄົດ 1.ໃຫ້ເຮົາຮຽນຮູ້ ຮັບມື້ກັບບັນຫາຕ່າງໆທີ່ເກີດຂຶ້ນຕອນອາຍຸຍັງນ້ອຍ ເມື່ອໃຫຍ່ຂຶ້ນມາບັນຫາຕ່າງໆທີ່ຈະເກີດຂຶ້ນນັ້ນຈະໜັກໜ່ວງຫຼາຍເທົ່າ ແລະ ຈະເຮັດໃຫ້ເຮົາສາມາດແກ້ໄຂບັນຫາທີ່ເກີດຂຶ້ນນັ້ນໄດ້ດີໃນອານາຄົດ. 2.ຖ້ານັກຮຽນຄົນໃດຢາກປະສົບຜົນສຳເລັດໃນອະນາຄົດ ຈົງໃຫ້ຕັ້ງໃຈຮຽນຮູ້ ບໍ່ວ່າຈະຢູ່ໃນຫ້ອງຮຽນ ແລະ ນອກຫ້ອງຮຽນ ເພາະມັນຈະເຮັດໃຫ້ເຮົາມີສັກກາຍາພາບເມື່ອຮຽນຈົບ. 3.ໃຫ້ມີຄວາມພະຍາຍາມ ແລະ ສູ້ຊົນຕໍ່ກັບຄວາມຜິດພາດກັບສິ່ງຕ່າງໆທີ່ເກີດຂຶ້ນ ເພາະຄວາມຜິດພາດນັ້ນຈະເປັນບົດຮຽນອັນລຳຄ່າໃຫ້ແກ່ເຮົາ. 4.ຕັ້ງຄວາມຝັນໄວ້ໃຫ້ສູງ ເພາະຈະເຮັດໃຫ້ເຮົາມີກຳລັງໃຈຮຽນ ເຊັ່ນ: ຈະເສັງໃຫ້ໄດ້ທຶນໄປຮຽນຕໍ່ທີ່ມະຫາວິທະຍາໄລ ພາຍໃນ ຫຼື ຢູ່ຕ່າງປະເທດ. 5.ໃນແຕ່ລະມື້ໃຫ້ໄດ້ຟັງເພງ ເພາະສຽງເພງຈະຊ່ວຍເຮັດໃຫ້ເຮົາຜ່ອຍຄາຍຄວາມຄຽດໄດ້ ແລະ ຈະຊ່ວຍເຕືອນສະຕິໃນເວລາທີ່ເຮົາໄດ້ເຮັດຖືກ...
ມະນຸດທຸກຄົນເກີດມາລ້ວນຢາກປະສົບຄວາມສຳເລັດແບບສະຕິບຈອຟ, ບິລເກດ, ແຈັກມາ ຫລື ຜູ້ກໍຕັ້ງເຟສບຸກ ທີ່ເຮັດໃຫ້ເຟສບຸກກາຍເປັນປັດໄຈສຳຄັນໃນການດຳລົງຊີວິດຂອງເຮົາໄປແລ້ວໃນທຸກມື້ນີ້. ແຕ່ໃນຂະນະທີ່ເຮົາໃຝ່ຝັນຢາກປະສົບຄວາມສຳເລັດຢູ່ນັ້ນ ລອງຫວນເບິ່ງຕົນເອງວ່າໄດ້ມີການກຽມພ້ອມທັງກາຍ ແລະ ໃຈໄປສູ່ຄວາມສຳເລັດບໍ ຫລື ມົວແຕ່ຄິດຝັນໂດຍທີ່ບໍ່ລົງມືເຮັດ. ມີຫຼາຍຄົນທີ່ເຮັດຫຍັງກໍ່ບໍ່ປະສົບຜົນສຳເລັດ, ບາງຄົນກໍ່ພຽງແຕ່ຍື່ນມືໄປຍັງບໍ່ທັນຫວິດປະຕູເຮືອນຕົວເອງກໍ່ຕ້ອງລົ້ມເລີກແຜນການໄປແລ້ວ, ແຕ່ທີ່ໜ້າເສຍດາຍກໍ່ຄືຄົນທີ່ເຫຼືອອີກພຽງກ້າວດຽວກໍ່ຈະປະສົບຄວາມສຳເລັດແຕ່ກໍ່ລົ້ມເຫຼວໄປໃນທີ່ສຸດ ເຊິ່ງເຮົາຕ້ອງຮູ້ກ່ອນວ່າພຶດຕິກຳຫຍັງທີ່ເຮັດໃຫ້ເຮົາລົ້ມເຫຼວ ຫຼື ບໍ່ປະສົບ ຄວາມສຳເລັດເຮົາກໍ່ຈະສາມາດຫຼີກລຽງ ແລະ ເຮັດໃຫ້ຊີວິດເຮົາດີຂຶ້ນ ກວ່າເກົ່າໄດ້ແນ່ນອນ. ດັ່ງນັ້ນ, ມື້ນີ້ແອັດມິນນ້ອຍຈະມານຳສະເໜີ 5 ພຶດຕິກຳທີ່ຄວນຫລີກລຽງ ເພື່ອ ກ້າວສູ່ຄວາມສຳເລັດ ຄື: 1. ທໍ້ຖອຍຕໍ່ອຸປະສັກ: ເວລາມີບັນຫາ ຫຼື ເຫດການຫຍັງທີ່ຢູ່ນອກເໜືອການຄວບຄຸມ ຖ້າທ່ານມີແຕ່ນັ່ງຢ້ານ ຫຼື ແລ່ນໜີໄປແລ້ວປ່ອຍໃຫ້ສະຖານະການອັນໂຫດຮ້າຍນັ້ນຍິ່ງໂຫດຮ້າຍກວ່າເກົ່າອີກ ຫຼື ລໍຖ້າໃຫ້ຄົນອື່ນມາແກ້ໄຂແທນທ່ານກໍ່ຈະບໍ່ປະສົບຄວາມສຳເລັດໄປຕະຫຼອດ, ສິ່ງທີ່ຄວນເຮັດທີ່ສຸດຄືການຮັບຄວາມສ່ຽງນັ້ນໄວ້, ຈົດຈຳໄວ້ວ່າແມ່ນຫຍັງທີ່ຄວນເຮັດ ຫຼື ບໍ່ຄວນເຮັດ,...
12,575FansLike
729FollowersFollow
6,996SubscribersSubscribe
- Advertisement -

Recent Posts

error: Content is protected !!