Thursday, January 17, 2019
ພາຍຫຼັງທີ່ສໍາເລັດການເຄື່ອນໄຫວ, ຕິດຕາມ ແລະ ແກ້ໄຂໄພພິບັດນໍ້າຖ້ວມຢູ່ແຂວງຈໍາປາສັກ ແລະ ແຂວງອັດຕະປືແລ້ວ, ໃນວັນທີ 9 ກັນຍາ 2018 ທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ, ປະທານຄະນະກໍາມະການສະເພາະກິດແກ້ໄຂໄພພິບັດລະດັບຊາດ ພ້ອມດ້ວຍຄະນະ ໄດ້ສືບຕໍ່ຕິດ ຕາມ ແລະ ແກ້ໄຂໄພພິບັດທີ່ເກີດຂຶ້ນຢູ່ທີ່ແຂວງຫຼວງພະບາງ, ມີ ທ່ານ ຄໍາຂັນ ຈັນທະວີສຸກ ເຈົ້າແຂວງໆຫຼວງພະບາງ, ມີອໍານາດການປົກຄອງແຂວງ, ເມືອງ ແລະ ປະຊາຊົນ ແຂວງຫຼວງພະບາງ ໃຫ້ການຕ້ອນຮັບ. ກ່ອນອື່ນ, ທ່ານ ສອນໄຊ ສີພັນດອນ ໄດ້ເດີນທາງໄປເບິ່ງສະພາບນໍ້າຖ້ວມຢູ່ທີ່ ບ້ານ ນາຕານ, ນະຄອນຫຼວງພະບາງ....
ທ່ານ ບົວສອນ ສີນວນທອງ ຮອງເລຂາພັກແຂວງ ຮອງເຈົ້າແຂວງໆຊຽງຂວາງ ພ້ອມດ້ວຍຄະນະໄດ້ລົງຢ້ຽມຢາມ ກວດກາຜົນເສຍຫາຍຈາກໄພພິບັດຢູ່ບ້ານພຽງດ້າງ ກຸ່ມບຸນຖິ່ນ ເມືອງຄຳ ໃນຕອນເຊົ້າວັນທີ5ກັນຍາ2018. ຄະນະພັກກຸ່ມ ແລະ ນາຍບ້ານ ກໍ່ໄດ້ລາຍງານເຖິງຜົນເສຍຫາຍຈາກນ້ຳຖ້ວມຄັ້ງວັນທີ30-31ສິງຫາຜ່ານມາ ໄດ້ເຮັດໃຫ້ ເຂດລ້ອງແມ່ນ້ຳເນີນ ເມືອງຄຳ ແລະ ເມືອງໜອງແຮດ ໄດ້ຮັບຜົນກະທົບເສຍຫາຍຈຳ ນວນ11ບ້ານ ໃນນີ້ເຮືອນໄຫຼເສຍຫາຍ100%ມີ70ຫຼັງຄາເຮືອນ, ເຮືອນຢຸບເປ່ເພບໍ່ສາ ມາດຢູ່ໄດ້92ຫຼັງຄາເຮືອນ ແລະ ໄດ້ເຮັດໃຫ້ເລົ້າເຂົ້າໄຫຼນ້ຳໄປພ້ອມ ສ່ວນບ້ານຫ້ວຍກໍ້ ເລົ້າເຂົ້າເສຍຫາຍ100%ໝົດບ້ານບໍ່ມີເຂົ້າກິນ. ສຸກສາລາ ແລະ ຫໍພັກພະນັກງານໄຫຼນ້ຳ ເສຍຫາຍ100%ມີ4ຫຼັງ, ໂຮງຮຽນຖາວອນປະຖົມ ແລະ ມັດທະຍົມໄຫຼນ້ຳເສຍຫາຍ 100%ມີ5ຫຼັງ, ນອກນີ້ຍັງມີດິນເຈື່ອນທັບຖົມປະຊາຊົນທີ່ຂີ່ລົດມານຳທາງ ຢູ່ບ້ານສວນ ມອນເມືອງຄຳ ຈຳນວນ3ຄົນ ຍິງ1ຄົນ...
ທ່ານ ພັນຄໍາ ວິພາວັນ ຮອງປະທານປະເທດ ພ້ອມດ້ວຍຄະນະ ໄດ້ລົງໄປຢ້ຽມ ຢາມສູນຜູ້ຖືກໄພນ້ຳຖ້ວມ ຈາກໂຄງການກໍ່່ສ້າງເຂື່ອນໄຟຟ້າ ເຊປ່ຽນ-ເຊນ້ຳນ້ອຍແຕກຢູ່ ເມືອງສະໜາມໄຊ ແຂວງອັດຕະປື ໃນວັນທີ 5 ກັນຍາ 2018 ຜ່ານມານີ້ ແລະ ເຫັນໄດ້ສະພາບຄວາມຈຳເປັນອັນຮີບດ່ວນທີ່ປະຊາຊົນຜູ້ຖືກຜົນກະທົບດຳລົງຊີວິດໃນສູນພັກຊົ່ວຄາວຕາມຈຸດດັ່ງກ່າວນັັ້ນ. ໃນກອງປະຊຸມຕ້ອນຮັບທ່ານຢ່າງເປັນທາງການຢູ່ເມືອງ ສະໜາມໄຊ ແລະ ຫລັງຈາກໄດ້ຮັບຟັງການລາຍງານຄວາມຄືບໜ້າການປະຕິ ບັດໜ້າທີ່ຂອງຄະນະຮັບຜິດຊອບກ່ຽວກັບສະພາບທີ່ປະຊາຊົນໄດ້ຮັບຜົນກະທົບຢ່າງຮ້າຍແຮງດັ່ງທີ່ຮູ້ກັນໃນໄລຍະຜ່ານມານັ້ນ ທ່ານຮອງປະທານປະເທດ ຍັງໄດ້ມີຄຳເຫັນວ່າ: ເຖິງວ່າ ອໍານາດການປົກຄອງໄດ້ຈັດສັນພື້ນທີ່ໃຫ້ກັບຜູ້ປະສົບໄພ ໄດ້ສໍາເລັດຈໍານວນໜຶ່ງ ແລະ ໄດ້ຍົກຍ້າຍປະຊາຊົນຈາກສູນພັກຊົ່ວຄາວໄປຢູ່ອີກສູນພັກຊົ່ວຄາວເຄິ່ງຖາ ວອນໄດ້ຈໍານວນໜຶ່ງ...
ອີກລີກທີ່ຕ້ອງການໃຊ້ເທັກໂນໂລຢິີນີ້ ເມື່ອ ພຣີເມຍລີກ ອັງກິດ ກຽມທົດລອງເທັກໂນໂລຢີຊ່ວຍຜູ້ຕັດສິນຢ່າງ Video Assistant Referee (VAR) ມາທົດລອງໃຊ້ໃນການແຂ່ງຂັນ ຈໍານວນ 15 ນັດ ເລີ່ມຫຼັງພັກໄລຍະພັກທີມຊາດກາງເດືອນກັນຍານີ້ ຕາມການລາຍງານຂອງ ສະກາຍ ສະປອດ ສື່ຊັ້ນນໍາຂອງໂລກ. ໂດຍໃນໄລຍະການທົດອາທິດທໍາອິດ ຈະຍັງບໍ່ມີການຕິດຕໍ່ລະຫວ່າງຜູ້ຄວບຄຸມໃນຫ້ອງ VAR ກັບ ຜູ້ຕັດສິນໃນສະໜາມເທື່ອ, ເຊິ່ງຈະເປັນການທົດລອງການໃຊ້ເທັກໂນໂລຢີດັ່ງກ່າວ ສະເພາະພາຍໃນຫ້ອງຄວບຄຸມພຽງຢ່າງດຽວເທົ່ານັ້ນ ເພື່ອທົດສອບລະບົບຕ່າງໆ ຫຼັງຈາກນັ້ນ, ໃນອາທິດຕໍ່ໄປຈະມີການພັດທະນາການທົດລອງເພີ່ມໄປອີກລະດັບ.
ຂປລ, ຫົກໃນເກົ້າເມືອງ ຫຼື 108 ບ້ານ ທົ່ວນະຄອນຫຼວງວຽງຈັນໄດ້ຮັບຜົນກະທົບຈາກໄພນ້ຳຖ້ວມ ສ້າງຜົນກະທົບໃຫ້ 3.224 ບ້ານ ໃນນັ້ນປະຊາຊົນ 1.202 ຄອບຄົວໄດ້ຮັບການຍົກຍ້າຍ ສ່ວນເນື້ອທີ່ທຳການຜະລິດທີ່ໄດ້ຮັບຄວາມເສຍຫາຍມີ 7.035 ຮຕ ໃນນີ້ມີເນື້ອທີ່ນາ 4.845 ຮຕ. ອີງຕາມການລາຍງານຂອງພະແນກແຮງງານສະຫວັດດີການສັງຄົມນະຄອນຫຼວງວຽງຈັນ ກ່ຽວກັບ ຜົນເສຍຫາຍ ຈາກໄພນ້ຳຖ້ວມ ທົ່ວ ນະຄອນຫຼວງວຽງຈັນ (19/8-3/9/2018). ເມືອງທີ່ໄດ້ຮັບຜົນກະທົບຫລາຍກວ່າໝູ່ແມ່ນເມືອງໄຊທານີມີ 52 ບ້ານ 1.500 ກວ່າຄອບຄົວ 6.100 ກວ່າຄົນ; ຮອງລົງມາແມ່ນເມືອງຫາດຊາຍຟອງມີ 19 ບ້ານ 357 ຄອບຄົວ, ນາຊາຍທອງ 13 ບ້ານ...
ໃນຕອນເຊົ້າຂອງວັນທີ 03 ກັນຍາ 2018 ນີ້ ສູນພັດທະນາແມ່ຍິງ ແຂວງເຊກອງ ໄດ້ຈັດກອງປະຊຸມປິດຊຸດອົບຮົມວິຊາຊີບຕັດຫຍິບ ແລະເສີມສວຍ ສໍາລັບແມ່ຍິງທີ່ດ້ອຍໂອກາດ ຂຶ້ນຢ່າງເປັນທາງການ ໃຫ້ກຽດເຂົ້າຮ່ວມໂດຍ ທ່ານ ນາງບຸນຮຽງ ບຸນຈິດ ກໍາມະການພັກແຂວງ ປະທານສະຫາພັນແມ່ຍິງແຂວງເຊກອງ, ມີຜູ້ຕາງໜ້າກະຊວງສະເໝີພາບບົດບາດຍິງ-ຊາຍ ແລະຄອບຄົວ ສ.ເກົາຫຼີ, ຄະນະຮັບຜິດຊອບຊຸດອົບຮົມ, ຄູຝຶກ ແລະຜູ້ເຂົ້າຮ່ວມອົບຮົມທັງໝົດ. ໃນພິທີ ທ່ານ ນາງ ບຸນຖະໜອມ ສີສຸມານ ຫົວໜ້າຂະແໜງພັດທະນາວິຊາຊີບ ແຂວງເຊກອງ ທັງເປັນຄະນະຮັບຜິດຊອບຊຸດຝຶກອົບຮົມ ໄດ້ຂຶ້ນຜ່ານບົດລາຍງານໃນການຈັດຕັ້ງປະຕິບັດແຜນຝຶກອົບຮົມວິຊາຊີບ ຊຶ່ງທ່ານໃດ້ຍົກໃຫ້ເຫັນຄວາມໝາຍຄວາມສຳຄັນຂອງຜູ້ທີ່ວ່າງງານ ທັງນີ້ກໍເພື່ອຊອກຫາອາຊີບໃຫ້ແກ່ປະຊາຊົນກໍຄືແມ່ຍິງທີວ່າງງານໃຫ້ມີວຽກເຮັດງານທຳ, ມີອາຊີບເສີມ, ສ້າງລາຍຮັບໃຫ້ແກ່ຄອບຄົວ ເພື່ອຕອບສະໜອງຄວາມຕ້ອງການຂອງຕະຫຼາດແຮງງານ, ສົ່ງເສີ່ມປະຊາຊົນຜູ້ທີ່ທຸກຍາກ, ຊາວໜຸ່ມຜູ້ທີ່ດ້ອຍໂອກາດໃນເຂດຫ່າງໃກຊອກຫຼີກ ໂດຍສະເພາະແມ່ຍິງທີ່ທຸກຍາກທີ່ດ້ອຍໂອກາດ...
ຕາມການໃຫ້ສຳພາດຂອງທ່ານ ສະໜັ່ນ ສີພາພົມມະຈັນ ເຈົ້າເມຶອງໆໂຂງ ໃຫ້ຮູວ່າ: ພາຍຫຼັງສະພາບຝົນຕົກໜັກຕິດຕໍ່ກັນຫຼາຍວັນນັບແຕ່ກາງເດຶອນກໍລະກົດເປັນຕົ້ນມາ ປະຊາຊົນເມືອງໂຂງ ແຂວງຈຳປາສັກປະສົບໄພນໍ້າຖ້ວມທັງໝົດ 78 ບ້ານ ຄາດຄະເນຜົນເສຍຫາຍຫຼາຍຖິງ 7 ຕື້ 600 ລ້ານກ່ວາກີບ. ໃນນີ້ມີເນື້ອທີ່ນາເສຍຫາຍ1 ພັນ 26 ກວ່າເຮັກຕາ,ໜອງປາ8ໜອງ, ປາເສຍຫາຍ 1 ໝື່ນ 2 ພັນກວ່າໂຕ, ເສັ້ນທາງເປ່ເພ 3ເສັ້ນທີ່ຖືກຜົນກະທົບ ຈົນໄດ້ໃຊ້ເຮືອເປັນພາຫານະ,ເນື້ອທີ່ນາຖືກຖ້ວມ 1 ພັນ 400 ກວ່າເຮັກຕາ,ເນື້ອທີ່ສວນຖືກຖ້ວມ5ກວ່າເຮັກຕາ ປະຊາຊົນໄດ້ຮັບຜົນກະທົບ 1 ພັນ 723 ຄອບຄົວ, ມີ 1 ໝື່ນ700ກວ່າຄົນ ຕາຝັ່ງເຂດຫົວດອນລົບປາກດີເຈື່ອນປະມານ...
ຕາມການໃຫ້ສຳພາດຂອງທ່ານ ສະໜັ່ນ ສີພາພົມມະຈັນ ເຈົ້າເມຶອງໆໂຂງ ໃຫ້ຮູວ່າ: ພາຍຫຼັງສະພາບຝົນຕົກໜັກຕິດຕໍ່ກັນຫຼາຍວັນນັບແຕ່ກາງເດຶອນກໍລະກົດເປັນຕົ້ນມາ ປະຊາຊົນເມືອງໂຂງ ແຂວງຈຳປາສັກປະສົບໄພນໍ້າຖ້ວມທັງໝົດ 78 ບ້ານ ຄາດຄະເນຜົນເສຍຫາຍຫຼາຍຖິງ 7 ຕື້ 600 ລ້ານກ່ວາກີບ. ໃນນີ້ມີເນື້ອທີ່ນາເສຍຫາຍ1 ພັນ 26 ກວ່າເຮັກຕາ,ໜອງປາ8ໜອງ, ປາເສຍຫາຍ 1 ໝື່ນ 2 ພັນກວ່າໂຕ, ເສັ້ນທາງເປ່ເພ 3ເສັ້ນທີ່ຖືກຜົນກະທົບ ຈົນໄດ້ໃຊ້ເຮືອເປັນພາຫານະ,ເນື້ອທີ່ນາຖືກຖ້ວມ 1 ພັນ 400 ກວ່າເຮັກຕາ,ເນື້ອທີ່ສວນຖືກຖ້ວມ5ກວ່າເຮັກຕາ ປະຊາຊົນໄດ້ຮັບຜົນກະທົບ 1 ພັນ 723 ຄອບຄົວ, ມີ 1 ໝື່ນ700ກວ່າຄົນ ຕາຝັ່ງເຂດຫົວດອນລົບປາກດີເຈື່ອນປະມານ...
ເສັ້ນທາງຄົມມະນາຄົມທົ່ວແຂວງຫົວພັນຖືກກະທົບ ແລະ ເປ່ເຟ່ຢ່າງ ຫນັກຫນ່ວງໃນລະຫ່ວາງວັນທີ່ 28 -31 ສິງຫານີ້ເນື່ອງຈາກມີຝົນຕົກຕິດຕໍ່ກັນຫຼາຍວັນ ເຮັດໃຫ້ແມ່ນໍ້າຫຼາຍສາຍ ມີລະດັບນໍ້າເພີ່ມຂື້ນສູງ, ລະບົບເສັ້ນທາງຖືກເຊາະເຈື່ອນ ແລະ ເປ່ເຟ່ ເປັນຕົ້ນ: ດິນເຈື່ອນທັບຖົ່ມທາງ, ຫນ້າທາງຍຸບ, ຖືກນໍ້າເຊາະເຈື່ອນທາງລຸ່ມ, ນໍ້າຖ້ວມ,ເປັນຕົມ, ເປັນບວມ ແລະ ອື່ນໆ. ໂດຍສະເພາະແມ່ນເສັ້ນທາງຫລວງແຫ່ງຊາດ 4 ເສັ້ນຖືກຕັດຂາດເຊັ່ນວ່າ: ທາງເລກ1ຊີ ແຕ່ຊາຍແດນຫລວງພະບາງເຖິງພູເລົ້າ 110 ກມ; ເສັ້ນທາງເລກ 6 ແຕ່ຊາຍແດນຊຽງຂວາງເຖິງຊຳເຫນືອ 102 ກມ ແລະ ຊຳເຫນືອເຖິງດ່ານສາກົນນໍ້າໂສຍ 84 ກມ; ເສັ້ນທາງເລກ 6 ເອ ແຕ່...
ຫຼັງຈາກຝົນຕົກໜັກຕິດຕໍ່ກັນຫຼາຍວັນ ແລະ ຕົກບໍ່ຂາດສາຍນັບແຕ່ຄ່ຳຄືນວັນທີ 29 – 30 ສິງຫາ 2018 ເຮັດໃຫ້ລະດັບນ້ຳໃນສາຍຕ່າງໆທີ່ໄຫຼປ່ອງໃສ່ນ້ຳຊຳຕອນເໜືອເພີ່ມຂຶ້ນຢ່າງໄວວາ ໂດຍສະເພາະແມ່ນສາຍນ້ຳຊຳໄດ້ລົ້ນຝັ່ງໄຫຼເຂົ້າຖ້ວມບ້ານເຮືອນປະຊາຊົນຫຼາຍຈຸດຢູ່ເທສະບານແຂວງ. ທ່ານ ຄຳອິ່ງ ດວງວິໄລ ຮອງນາຍບ້ານໆມີສຸກ, ເມືອງຊຳເໜືອ, ແຂວງຫົວພັນ ທັງເປັນໜຶ່ງໃນຜູ້ທີ່ໄດ້ຮັບຜົນກະທົບຈາກນ້ຳຖ້ວມຄັ້ງນີ້ໄດ້ເລົ່າວ່າ: ລະດັບນ້ຳໃນສາຍນ້ຳຊຳໄດ້ເລີ່ມລົ້ນຝັ່ງໄຫຼເຂົ້າຖ້ວມເຮືອນຊານຂອງປະຊາຊົນນັບແຕ່ຕອນທ່ຽງຂອງວັນທີ່ 30 ສິງຫາ 2018 ແລະ ນ້ຳຂຶ້ນສູງສຸດແມ່ນປະມານເວລາ 18 ໂມງຂອງວັນດຽວກັນ ສົ່ງຜົນເຮັດໃຫ້ມີເຮືອນຊານຂອງປະຊາຊົນບ້ານມີສຸກສະເພາະຄຸ້ມໂຮງໝໍມີຈຳນວນ 29 ຫຼັງຄາເຮືອນຖືກນ້ຳຖ້ວມ, ໜັກກວ່າໝູ່ມີ 3 ຫຼັງຄາເຮືອນ ສ່ວນຫຼາຍແມ່ນນ້ຳອັ່ງຂຶ້ນຖ້ວມໃນລະດັບປະມານ 1,5 ແມັດ. ຄັ້ງນີ້ເປັນຄັ້ງທຳອິດທີ່ເກີດນ້ຳນອງໜັກໃນຮອບຫຼາຍສິບປີ, ລ່າສຸດແມ່ນປີ 1996 ແລະ 2007 ແຕ່ຖ້າທຽບໃສ່ປີນີ້ແມ່ນຄັ້ງນີ້ໜັກກວ່າໝູ່. ຕາມການລົງສຳຫຼວດພື້ນທີ່ຕົວຈິງ, ໄດ້ຮັບຂໍ້ມູນຢ່າງບໍ່ເປັນທາງການຈາກບັນດາຂະແໜງການ,...
13,884FansLike
867FollowersFollow
8,308SubscribersSubscribe
- Advertisement -

Recent Posts

error: Content is protected !!