Saturday, October 20, 2018
ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະທານຄະນະກຳ ມະການສະເພາະກິດ ແກ້ໄຂໄພພິບັດລະດັບຊາດ ພ້ອມດ້ວຍຄະນະ ໄດ້ໄປສຳຫຼວດຕິດຕາມເບິ່ງສະພາບການແກ້ໄຂ ອຸທົກກະໄພນໍ້າຖ້ວມ ທີ່ເມືອງສະໜາມໄຊ ແຂວງອັດຕະປື ໃນຕອນແລງ ຂອງວັນທີ 31 ກໍລະກົດ 2018. ໃນໂອກາດນີ້, ທ່ານໄດ້ໄປພົບປະກັບຄະນະຮັບຜິດຊອບແກ້ໄຂໄພພິບັດ ທີ່ປະຈຳຢູ່ພາກສະໜາມ ໂດຍໄດ້ຮັບຟັງການລາຍງານຄວາມຄືບໜ້າ ໃນການແກ້ໄຂໄພພິບັດໃນຄັ້ງນີ້້ ເຫັນວ່າ: ໃນຈຳນວນ 6 ບ້ານທີ່ໄດ້ຮັບຜົນກະທົບໜັກ (ບ້ານໃໝ່, ບ້ານທ່າຫີນ, ບ້ານທ່າແສງຈັນ, ບ້ານສະໝອງ, ບ້ານຫີນລາດ ແລະ ບ້ານແທໃຫຍ່) ມີຈຳນວນ 1.617 ຄອບຄົວ, ມີພົນລະເມືອງ 7.095 ຄົນ ແມ່ນໄດ້ຮັບການຊ່ວຍເຫຼືອ...
ກົມອຸຕຸນິຍົມ ແລະ ອຸທົກກະສາດ ໄດ້ລາຍງານພະຍາກອນອາກາດ ແລະ ລະດັບນ້ຳໃນຕອນເຊົ້າມື້ນີ້ວ່າ: ເນື່ອງຈາກຄວາມກົດດັນອາກາດຕໍ່າ ຍັງຈະສືບຕໍ່ປົກຄຸມພາກເໜືອ ຫາພາກກາງຂອງປະເທດລາວດ້ວຍກຳລັງປານກາງ ສົມທົບກັບລົມມໍລະສຸມຕາເວັນຕົກສ່ຽງໃຕ້ ທີ່ມີກຳລັງແຮງປົກຄຸມເປັນສ່ວນໃຫຍ່ ໃນໄລຍະວັນທີ 31 ກໍລະກົດ ຫາ ວັນທີ 3 ສິງຫາ 2018 ເຊິ່ງລັກສະນະເຊັ່ນນີ້ ຈະເຮັດໃຫ້ຝົນຕົກໃນລະດັບຄ່ອຍຫາປານກາງເປັນບໍລິເວນກວ້າງຢູ່ແຂວງພາກເໜືອຫາພາກກາງ. ຈາກສະພາບຝົນຕົກດັ່ງກ່າວ ຈະເຮັດໃຫ້ລະດັບນ້ຳຂອງ ແລະ ແມ່ນ້ຳສາຂາຍັງຈະສືບຕໍ່ສູງຂຶ້ນຢ່າງຕໍ່ເນື່ອງ ຈົນເຖິງເຂດລະວັງໄພ ແລະ ເຂດອັນຕະລາຍໃນໄລຍະ 1 ຫາ 3 ວັນຕໍ່ໜ້ານີ້. ພາຍຫຼັງກົມອຸຕຸໄດ້ລົງສຳຫຼວດ ແລະ ວັດແທກລະດັບນ້ຳໃນເຊົ້າວັນທີ 31 ກໍລະກົດ ນີ້ພົບວ່າ:   + ລະດັບນໍ້າຂອງ ປາກຊັນ...
ພະຍາກອນອາກາດປະຈໍາວັນທີ 30 ກໍລະກົດ 2018 ຈາກກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ:  ບໍລິເວນຄວາມກົດດັນອາກາດຕໍ່າຍັງສືບຕໍ່ປົກຄຸມຢູ່ພາກເໜືອ ຫາ ພາກກາງຂອງປະເທດລາວ ແລະ ສົມທົບກັບກະແສລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ລັກສະນະເຊັ່ນນີ້ ຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງຢູ່ໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນໃນເຂດພາກເໜືອ ຫາ ພາກກາງ. ດັ່ງນັ້ນ, ຈຶ່ງຂໍແຈ້ງເຕືອນ ເຖິງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ທີ່ອາໄສຢູ່ ລຽບຕາມແຄມ ແມ່ນໍ້າຂອງ ແຕ່ເຂດພາກກາງ ຫາ ພາກໃຕ້ ແລະ ນໍ້າຂອງ (ເຂດປາກເຊ) ຕາມສາຂານໍ້າຕ່າງໆ ເຊັ່ນ: ນໍ້າຊັນ, ເຊບັ້ງໄຟ ແລະ ເຊຈຳພອນ,ໃຫ້ສືບຕໍ່ຮີບຮ້ອນເກັບມ້ຽນວັດຖຸສິ່ງຂອງພ້ອມສັດລ້ຽງໄປໄວ້ບ່ອນສູງ...
ອີງຕາມການລາຍງານລາຍງານຂອງຄະນະກຳມະການຕານໄພພິບັດຂັ້ນເມືອງຊະນະສົມບູນໃນວັນທີ 29 ກໍລະກົດ 2018 ໃຫ້ຮູ້ວ່າ: ສະພາບຝົນທີ່ຕົກໜັກຕິດຕໍ່ກັນຕະຫຼອດໄລຍະຫຼາຍວັນຜ່ານມາເຖິງປັດຈຸບັນສົ່ງຜົນເຮັດໃຫ້ລະດັບນ້ຳຂອງ ແລະ ລະດັບນ້ຳເຊໂດນ ເພີ່ມຂຶ້ນຢ່າງຕໍ່ເນື່ອງ ເຊິ່ງເຮັດໃຫ້ຫຼາຍບ້ານໃນທົ່ວເມືອງຊະນະສົມບູນ ແຂວງຈຳປາສັກ ໄດ້ຮັບຜົນກະທົບຈາກນ້ຳຖ້ວມ ໂດຍສະເພາະແມ່ນກຸ່ມ-ບ້ານທີ່ຕັ້ງຢູ່ລຽບຕາມແຄມແມ່ນ້ຳຂອງເປັນຕົນແມ່ນບ້ານໜອງເມັກ,ບ້ານບຸ່ງຄ້າ,ບ້ານອອກເມືອງ,ບ້ານນາແກ້ວ. ເນື້ອທີ່ນາໄດ້ຮັບຄວາມເສຍຫາຍຫຼາຍພໍສົມຄວນ; ນອກຈາກນີ້ຍັງມີເສັ້ນທາງບ້ານງີ້ວ,ບ້ານຫ້ວຍຍາງ ແລະ ຂົວຂ້າມເຊື່ອມຕໍ່ລະຫວ່າງບ້ານໂຢງໄປຫາ ບ້ານສະຜ່າຍ,ບ້ານສະຜ່າຍ ໄປຫາ ບ້ານນາຂວ້າງຖືກນ້ຳຖ້ວມ,ເຮັດໃຫ້ການສັນຈອນໄປມາຂອງພໍ່ແມ່ປະຊາຊົນເກິດຄວາມຍຸ້ງຍາກ ບາງບ້ານກໍ່ຕ້ອງນຳໃຊ້ເຮືອເພື່ອອຳນວຍຄວາມສະດວກ ປ່ຽນແທນຍານພາຫະນະປະເພດລົດຈັກ ຫຼື ລົດໃຫຍ່ທີ່ບໍສາມາດເຂົ້າອອກໄດ້. ນອກຈາກນັ້ນສຳລັບກຸ່ມ-ບ້ານທີ່ຕັ້ງຢູ່ລຽບຕາມແຄມແມ່ນ້ຳເຊໂດນ ເສັ້ນທາງ ແລະ ເນື້ອນາຂອງພໍ່ແມ່ປະຊາຊົນເຂົ້າບ້ານຄີລີ ແລະ ບ້ານປາກຊອນ ກໍ່ໄດ້ຮັບຜົນກະທົບຈາກນ້ຳຖ້ວມເຊັ່ນດຽວກັນ. ປັດຈຸບັນທາງຄະນະກຳມະການຕ້ານໄພພິບັດຂັ້ນເມືອງຊະນະສົມບູນ ຄະນະກຳມະການຕິດຕາມ ກວດກາ 10 ຈຸດ ພາຍໃນທົ່ວເມືອງ ເພື່ອເຝົ້າລະວັງ ແລະ ກະກຽມຄວາມພ້ອມຕໍ່ກັບໄພພິບັດທີ່ອາດຈະເກີດຂຶ້ນຢ່າງໃກ້ຊິດຕິດແທດ ແລະ...
ສື່ຄົມອອນລາຍໄດ້ເຜີຍແຜ່ ແລະ ປ່າວຂ່າວວ່າ ແຂວງອັດຕະປືບໍ່ຮັບເຄື່ອງບໍລິຈາກ ຫລື ເຄື່ອງຊ່ວຍເຫລືອແລ້ວ. ຢ່າງໃດກໍຕາມຂະແໜງກ່ຽວຂ້ອງຢຶນຢັນໃນມື້ນີ້ວ່າຍັງຕ້ອງການຄວາມຊ່ວຍເຫລືອ ແລະ ຍິນດີຮັບເອົາໂດຍບໍ່ຈໍາກັດ. ທ່ານ ວີກະສັນ ສີຊານົນ ຜູ້ຮັບຜິດຊອບເຄື່ອງຊ່ວຍເຫລືອ ຫລື ເຄື່ອງບໍລິຈາກຢືນຢັນຕໍ່ສື່ມວນຊົນແຂວງອັດຕະປືໃນຕອນເຊົ້າຂອງວັນທີ 30 ກໍລະກົດ 2018 ນີ້ວ່ານັບແຕ່ເກີດເຫດນໍ້າຖ້ວມໃນວັນທີ 23 ກໍລະກົດ ເຖິງປັດຈຸບັນ ທາງອໍານາດການປົກຄອງແລະຂະແໜງກ່ຽວຂ້ອງກໍໄດ້ເອົາໃຈໃສ່ ແລະ ສຸມວຽກງານຊ່ວຍເຫລືອຮອບດ້ານໂດຍການກະກຽມ ແລະ ສະໜອງສະບຽງອາຫານ, ເຄື່ອງອຸປະໂພກ-ບໍລິໂພກ, ເຄື່ອງນຸ່ງຫົ່ມ, ຢາປົວພະຍາດ, ເຄື່ອງໃຊ້ໃນຄອບຄົວ ແລະ ອື່ນໆທີ່ຈໍາເປັນ. ພ້ອມນີ້ທ່ານຍັງຊີ້ແຈງ ແລະ ຕອບໂຕ້ຫາງສຽງສື່ສັງອອນລາຍບິດເບືອນຄວາມຈິງ, ໂດຍກ່າວວ່າ: ປັດຈຸບັນອໍານາດການປົກຄອງແຂວງບໍ່ເຄີຍປັດຕິເສດເຄື່ອງຊ່ວຍເຫຼືອ-ເຄື່ອງບໍລິຈາກ ແລະ ຍັງຕ້ອງການຄວາມຊ່ວຍເຫລືອທຸກໆດ້ານ. ຂ່າວໂດຍ: ມາລາທິບ,...
ພະຍາກອນອາກາດປະຈໍາວັນທີ 29 ກໍລະກົດ 2018 ຈາກກົມອຸຕຸນິຍົມ ແລະ ອຸທົກກະສາດລະບຸວ່າ: ບໍລິເວນຄວາມກົດດັນອາກາດຕໍ່າຍັງສືບຕໍ່ປົກຄຸມຢູ່ພາກເໜືອ ຫາ ພາກກາງຂອງປະເທດລາວ ແລະ ສົມທົບກັບກະແສລົມມໍລະສຸມຕາເວັນຕົກສ່ຽງໃຕ້ມີກຳລັງປານກາງ ຫາ ແຮງພັດປົກຄຸມ, ລັກສະນະເຊັ່ນນີ້ ຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ຢູ່ບາງທ້ອງຖິ່ນໃນເຂດພາກກາງ ຫາ ພາກເໜືອ. ສະເພາະລະດັບນໍ້າຂອງຢູ່ເຂດນະຄອນປາກເຊໄດ້ຂຶ້ນຮອດເຂດອັນຕະລາຍແລ້ວ ຊຶ່ງໃນເວລາ 8 ໂມງເຊົ້າ ຂອງມື້ນີ້(29ກໍລະກົດ 2018) ແທກໄດ້ 12.00 ແມັດ (ເຂດລະວັງໄພ 11 ແມັດ, ເຂດອັນຕະລາຍ 12 ແມັດ), ສ່ວນລະດັບນໍ້າຕາມສາຂາເຊັ່ນ ຂົວເຊບັ້ງໄຟ...
ໃນວັນທີ 28 ກໍລະກົດ 2018 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ລົງຢ້ຽມຢາມພ້ອມໃຫ້ກຳລັງໃຈຜູ້ປະສົບໄພ ຈາກເຫດການສັນຄູຕັນນໍ້າເຂື່ອນເຊປຽນ-ເຊນໍ້ານ່້ອຍ ແຕກ ເຮັດໃຫ້ປະຊາຊົນ13 ບ້ານ ເມືອງສະໜາມໄຊ ແຂວງອັດຕະປື ໄດ້ຮັຍຜົນກະທົບຢ່າງໜັກຫນ່ວງ. ທ່ານ ສອນໄຊ ສີພັນດອນ ໄດ້ສະແດງຄວາມເສຍໃຈຕໍ່ເຫດການຄັ້ງນີ້ຢ່າງສຸດຊຶ້ງ ແລະໃຫ້ຄວາມຫວັງວ່າຈະເລັ່ງຕິດຕາມຊອກຫາຜູ້ທີ່ຍັງຕົກຄ້າງຢູ່ໃນພື້ນທີ່ໃຫ້ໄວທີ່ສຸດເທົ່າທີ່ຈະໄວໄດ້. ທ່ານກ່າວຕື່ມວ່າ: ຜູ້ອົບພະຍົກຢູ່ໃນແຕ່ລະສູນຈະຕ້ອງໄດ້ຮັບການເບິ່ງແຍງດູແລເປັນຢ່າງດີຈາກໜ່ວຍງານຂອງລັດຖະບານ ແລະ ເຝົ້າລະວັງການຕິດຕາມເຊື້ອພະຍາດໃນລະດູຝົນຈາກແພດໝໍ, ອາສາສະໝັກທີ່ມາຈາກຫຼາຍແຫ່ງ, ສຸຂະອະນາໄມ ລວມທັງສຸຂະພາບຈິດໃຈຂອງຍາດພີ່ນ້ອງທີ່ຍັງອ່ອນເພຍ. ນອກຈາກການຢ້ຽມຢາມສູນຜູ້ອົບພະຍົກຊົ່ວຄາວບາງແຫ່ງແລ້ວ ທ່ານ ຮອງນາຍົກ ຍັງໄດ້ໄປຢ້ຽມຢາມໜ່ວຍກູ້ໄພ, ແພດໝໍ ແລະ ອາສາສະຫມັັກທີ່ມາຈາກຫຼາຍແຫ່ງທີ່ເປັນຫ່ວງເປັນໃຍເຂົ້າມາຊ່ວຍເຫຼືອໃນເຫດການຄັ້ງນີ້, ທີມແພດໝໍ. ຕາມການລົງສຳພາດຕົວຈິງໃນພື້ນທີ່ຂອງທີມຂ່າວເສດຖະກິດ-ການຄ້າພົບວ່າຍັງມີຜູ້ອົບພະຍົກຈຳນວນບໍ່ໜ້ອຍໄດ້ມີບາດແຜຕາມຮ່າງກາຍ, ຖອກທ້ອງ ແລະ ມີອາການວິ່ງວິນ ແຕ່ກໍ່ໄດ້ຮັບການຮັກສາຈາກແພດໝໍເປັນຢ່າງດີຫາກພົບວ່າມີອາການໜັກກໍ່ຈະສົ່ງເຂົ້າມາປິ່ນປົວໃນແຂວງທັນທີ.
ນະຄອນຫຼວງວຽງຈັນ, ສປປ ລາວ - ທ່ານນາງ ຣີນາ ບິດເຕີ ເອກອັກຄະລັດຖະທູດສະຫະລັດອາເມລິກາ ໄດ້ປະກາດ ການຈັດຕັ້ງປະຕິບັດທີມຊ່ວຍເຫຼືອບັນເທົາທາງດ້ານໄພພິບັດ Disaster Assistance Relief Team (DART) ພ້ອມທັງໄດ້ໃຫ້ການຊ່ວຍເຫຼືອເປັນເງິນທຶນຈຳນວນ 100.000 ໂດລາ ເພື່ອຊ່ວຍເຫຼືອສຸກເສີນທີ່ແຂວງອັດຕະປື ແລະ ພື້ນທີ່ໃກ້ຄຽງທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ພາກໃຕ້ຂອງ ສປປ ລາວ ໃນວັນທີ 27 ກໍລະກົດທີ່ຜ່ານມາ. ໂດຍຜ່ານອົງການພັດທະນາສາກົນສະຫະລັດອາເມລິກາ (USAID), ລັດຖະບານສະຫະລັດອາເມລິກາ ໄດ້ຈັດຕັ້ງທີມງານຜູ້ຊຽວຊານ ໃນການປະສານ ແລະ ບໍລິຫານງານໃນການຕອບສະໜອງ ຈາກລັດຖະບານສະຫະລັດອາເມລິກາ ພ້ອມທັງໄດ້ຮ່ວມມືກັບອົງການ UNICEF ລາວ ເພື່ອຊ່ວຍໃຫ້ປະຊາຊົນທີ່ໄດ້ຮັບຜົນກະທົບເຂົ້າເຖິງນໍ້າສະອາດ, ອຸປະກອນສຸຂະອານາໄມຂັ້ນພື້ນຖານ ແລະ...
ເສັ້ນທາງເລກທີ12  ແຕ່ທ່າແຂກ ແຂວງຄຳມ່ວນ ໄປຊາຍແດນນາເພົ້າ ລະດັບນໍ້າຖ້ວມສູງຫຼາຍຈຸດ ໂດຍສະເພາະ ເຂດແຕ່ເມືອງຍົມມະລາດ ຫາຊາຍແດນເຮັດໃຫ້ການສັນຈອນພົບຄວາມລຳບາກແລະອັນຕະລາຍ ລົດຕໍ່າບໍ່ສາມາດສັນຈອນໄປໄດ້. ດ້ານພະແນກໂຍທາທິການແລະຂົນສົ່ງແຂວງຄຳມ່ວນ ໄດ້ອອກແຈ້ງການເລກທີ917/ຍທຂ.ຄມ ລົງວັນທີ27ກໍລະກົດ2018 ເລື່ອງປິດການຂົນສົ່ງປະເພດໜັກຊົ່ວຄາວ ຜ່ານເສັ້ນທາແຫ່ງຊາດເລກທີ12 ແລະທາງຫຼວງແຫ່ງຊາດ 1ອີ ນັບແຕ່ວັນທີ28ກໍະກົດ2018 ຈົນກວ່າລະດັບນໍ້າຖ້ວມຈະຫຼຸດລົງ ທັງນີ້ກໍເພື່ອຮັບປະກັນການນຳໃຊ້ເສັ້ທາງໃຫ້ມີຄວາມປອດໄພ. ຂະນະທີ່ສະຖານະການນໍ້າຖ້ວມຢູ່ແຂວງຄຳມ່ວນ ຕາມຂ່າວທ້ອງຖິ່ນລາຍງານໃນຕອນເຊົ້າວັນທີ 28 ກໍລະກົດ 2018 ຈາກຄະນະຄວບຄຸມໄພພິບັດຂັ້ນແຂວງຄຳມ່ວນໃຫ້ຮູ້ວ່າ: ມາຮອດມື້ນີ້ທົ່ວແຂວງຄຳມ່ວນໄດ້ຮັບຜົນກະທົບຈາກໄພນ້ຳຖ້ວມແລ້ວ 10 ເມືອງ, ມີ 297 ບ້ານ, 13.589 ຄອບຄົວ ແລະ ເນື້ອທີ່ນາຖືກຖ້ວມແລ້ວ 21.680 ເຮັກຕາ. ໃນນັ້ນເມືອງທີ່ໄດ້ຮັບຜົນກະທົບຫຼາຍກວ່າໝູ່ແມ່ນເມືອງບົວລະພາ ຈຳນວນບ້ານທີ່ຖືກກະທົບ 40 ບ້ານ, ເນື້ອທີ່ນາຖືກຖ້ວມ...
  ສະຖານະການນ້ຳຖ້ວມຢູ່ແຂວງຄຳມ່ວນ ຈາກລາຍງານຫຼ້າສຸດເຊົ້າມື້ນີ້ຈຳນວນບ້ານເພີ່ມຂຶ້ນຈາກ 180 ບ້ານໃນມື້ວານນີ້ມາເປັນເກືອບ 300 ບ້ານແລ້ວ ປະຊາຊົນທະຍອຍກັນຍ້າຍເຄື່ອງຂອງອອກທ່າມກາງສາຍຝົນ ແລະລະດັບນ້ຳທີ່ເພີ່ມສູງຂຶ້ນ. ຕາມຂ່າວທ້ອງຖິ່ນລາຍງານໃນຕອນເຊົ້າວັນທີ 28 ກໍລະກົດ 2018 ຈາກຄະນະຄວບຄຸມໄພພິບັດຂັ້ນແຂວງຄຳມ່ວນໃຫ້ຮູ້ວ່າ ມາຮອດມື້ນີ້ທົ່ວແຂວງຄຳມ່ວນໄດ້ຮັບຜົນກະທົບຈາກໄພນ້ຳຖ້ວມແລ້ວ 10 ເມືອງ, ມີ 297 ບ້ານ, 13.589 ຄອບຄົວ ແລະ ເນື້ອທີ່ນາຖືກຖ້ວມແລ້ວ 21.680 ເຮັກຕາ. ໃນນັ້ນເມືອງທີ່ໄດ້ຮັບຜົນກະທົບຫຼາຍກວ່າໝູ່ແມ່ນເມືອງບົວລະພາ ຈຳນວນບ້ານທີ່ຖືກກະທົບ 40 ບ້ານ, ເນື້ອທີ່ນາຖືກຖ້ວມ 5,166 ເຮັກຕາ ຮອງລົງມາແມ່ນເມືອງໜອງບົກ ມີ 46 ບ້ານ, ເນື້ອທີ່ນາຖືກຖ້ວມ 3,239 ເຮັກຕາ, ເມືອງເຊບັ້ງໄຟ 35...
12,575FansLike
729FollowersFollow
6,996SubscribersSubscribe
- Advertisement -

Recent Posts

error: Content is protected !!