ສຸດຍອດກັບໂສມໜ້າໃໝ່ເສັ້ນທາງສາຍຫຼັກໃນນະຄອນຫຼວງວຽງຈັນ

0
2819

 

ແອັດມິນນັບຖືກັບຜົນງານການເຮັດວຽກຂອງ ຄະນະຄຸ້ມຄອງ ແລະບໍລິຫານຕົວເມືອງວຽງຈັນຊຸດປະຈຸບັນ ເວົ້າໄດ້ວ່າມາແຮງແຊງທາງໂຄ້ງອີຫຼີ ເຖິງແມ່ນຕົວເມືອງວຽງຈັນຍັງບໍ່ທັນທຽບເທົ່າກັບປະເທດທີ່ເຂົາຈະເລີນແລ້ວ ແຕ່ໂດຍລວມຫຼາຍຢ່າງດີຂຶ້ນຢ່າງປະຈັກຕາ ໂດຍສະເພາະແມ່ນການປັບປຸງຄວາມສະອາດສວຍງາມຕາມສວນສາທາລະນະ ແລະຖະໜົນຫົນທາງຕ່າງໆ.

 

ຫຼາຍໆພື້ນທີ່ໆປະຊາຊົນຕ່າງກໍ່ຈົ່ມວ່າເປື້ອນ, ຮົກ, ເໝັນຂີ້ເຫຍື້ອສາລະພັດຢ່າງ ຊິ່ງຫ້ອງການຄຸ້ມຄອງ ແລະບໍລິຫານຕົວເມືອງວຽງຈັນ ໄດ້ລະດົມປະຊາຊົນເຂດໃກ້ຄຽງ, ເອົາແຮງງານຂອງບັນຫາອົງການຈັດຕັ້ງກຳລັງອ້າຍນ້ອງຊາວໜຸ່ມ, ແມ່ຍິງຕາມຫ້ອງການຕ່າງໆພາຍໃນນະຄອນຫຼວງວຽງຈັນໄດ້ຍາດເວລາໃນວັນເສົາມາຊ່ວຍກັນເຮັດອະນາໄມຕາມສາຍທາງຫຼັກຕ່າງໆ ຮອດປະຈຸບັນທາງຫຼາຍເສັ້ນຄ່ອຍໆມີໂສມໜ້າໃໝ່ທີ່ໜ້າປະທັບໃຈຕາມລຳດັບ.

 

ຈຸດໜຶ່ງທີ່ງົດງາມຕອນນີ້ກໍ່ຄື ດອກບານທ່ຽງ ຕາມສວນຫຍ້າຄູກາງທາງຖະໜົນໄກສອນ ເຂດຫລັກ 6 ເລີ່ມ ເບັ່ງບານສວຍງາມຫຼາຍ ຂະນະດຽວກັນທາງ 450 ປີທີ່ຢູ່ຫ່າງຈາກບ້ານຄົນເມື່ອກ່ອນຮົກເຮື້ອບໍ່ມີການຖາງຫຍ້າຈົນກາຍເປັນທີ່ວິພາກວິຈານກັນຢ່າງກວ້າງຂວາງວ່າໃຊ້ເງິນສ້າງມະຫາສານແຕ່ບໍ່ມີການບົວລະບັດນັ້ນ ບັດນີ້ກ້ຽງງາມແລ້ວ.

LEAVE A REPLY

Please enter your comment!
Please enter your name here