ໄຊຍະບູລີ ກວດຄືນຖານລາຍຮັບ ພ້ອມປະເມີນຜົນການສ້າງເມືອງເຂັ້ມແຂງດ້ານການເງິນ

0
375

 

ແຂວງໄຊຍະບູລີໄດ້ຈັດກອງປະຊຸມສະຫຼບຕີລາຄາ ກ່ຽວກັບການທົດລອງກວດກາຄືນຖານລາຍຮັບ ສ່ວຍສາອາກອນ, ຊັບສິນຂອງລັດ ຕາມຄໍາສັ່ງຂອງ ທ່ານນາຍົກລັດຖະມົນຕີ ເລກທີ 40/ນຍ ແລະ ປະເມີນການສ້າງເມືອງເຂັ້ມແຂງທາງດ້ານການເງິນ-ງົບປະມານ ທົ່ວແຂວງໄຊຍະບູລີ ໃນຕອນເຊົ້າຂອງວັນທີ 1 ຕຸລາ 2018ນີ້, ທີ່ຫ້ອງປະຊຸມ ພະແນກ ກະສິກໍາ ແລະ ປ່າໄມ້ແຂວງ, ໂດຍພາຍໃຕ້ການເປັນປະທານຂອງ ທ່ານ ບຸນແທນ ທີແກ້ວ ຫົວໜ້າພະແນກ ການເງິນແຂວງ, ເປັນກຽດເຂົ້າຮ່ວມມີ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ, ຜູ້ຊີ້ນໍາວຽກງານເສດຖະກິດມະຫາພາກ, ມີບັນດາທ່ານ ຫົວໜ້າພະແນກການອ້ອມຂ້າງແຂວງ, ທ່ານເຈົ້າເມືອງ, ຮອງເຈົ້າເມືອງ ພ້ອມດ້ວຍຫົວໜ້າ, ຮອງຫົວໜ້າຫ້ອງການໃນຂົງເຂດເສດຖະກິດ 11 ເມືອງເຂົ້າຮ່ວມ 100 ກວ່າຄົນ.

ທ່ານ ບຸນແທນ ທີແກ້ວ ໄດ້ໃຫ້ຮູ້ວ່າ: ການກວດກາຄືນຖານລາຍຮັບສ່ວຍສາອາກອນ, ຊັບສິນຂອງລັດ ແລະ ຍົກຖານລາຍຮັບຫົວໜ່ວຍທຸລະກິດ ທີ່ມີລາຍຮັບແຕ່ 400 ລ້ານຂຶ້ນໄປ ແລະ ຖານຂໍ້ມູນການເຊົ່າສໍາປະທານທີ່ດິນຂອງລັດ ແລະ ການຂຸດຄົ້ນຊັບພະຍາກອນທໍາມະຊາດຢູ່ເມືອງ ໄຊຍະບູລີ ຈາກ ທ່ານ ກອງຄໍາ ສຸວັນນະໂຊດ ຫົວໜ້າສ່ວຍສາອາກອນປະຈໍາແຂວງ, ການກວດກາຄືນຄັ້ງນີ້ແມ່ນເພື່ອຮັບປະກັນໃຫ້ມີຖານລາຍຮັບທີ່ໝັ້ນຄົງ, ຖືກຕ້ອງ, ຊັດເຈນ, ພ້ອມທັງເປັນບ່ອນອີງໃຫ້ແກ່ການສ້າງແຜນພັດທະນາເສດຖະກິດ-ສັງຄົມໃນໄລຍະໃໝ່ ແລະ ສ້າງແຜນງົບປະມານແຫ່ງລັດໃຫ້ຖືກຕ້ອງສອດຄ່ອງກັບສະພາບຄວາມເປັນຈິງ.

ໃນນັ້ນໄດ້ເລືອກເອົາ 3 ບ້ານເປົ້າໝາຍຢູ່ເມືອງ ໄຊຍະບູລີ ເພື່ອກວດກາຄືນຖານລາຍຮັບ ຄື: ບ້ານ ໜອງແຊງ, ບ້ານ ນາໄຮ ແລະ ບ້ານ ນາລາ, ຜົນໄດ້ຮັບຈາກການລົງກວດກາຄືນຂໍ້ມູນຖານລາຍຮັບຄັ້ງນີ້ເຫັນວ່າ: ສະຖິຕິຫົວໜ່ວຍທຸລະກິດ ຂະແໜງການຄ້າມີທັງໝົດ 1.202 ທະບຽນ, ໃນນັ້ນທຶນຈົດທະບຽນແຕ່ 1 ລ້ານ ຫາ 10 ລ້ານ ມີ454 ທະບຽນ, 11-20 ລ້ານ ມີ 73 ທະບຽນ, 21-50 ລ້ານ ມີ 325 ທະບຽນ, 51-100 ລ້ານ ມີ 159 ທະບຽນ, 101-400 ລ້ານ ມີ 126 ທະບຽນ ແລະ ແຕ່ 401-1 ຕື້ ມີ 65 ທະບຽນ.

ສະຖິຕິຂອງຂະແໜງການເງິນ ມີທັງໝົດ 1.368 ຫົວໜ່ວຍໃນນີ້ ແຂວງຄຸ້ມຄອງ ມີ 14 ຫົວໜ່ວຍ, ເມືອງຄຸ້ມຄອງ ມີ 601 ຫົວໜ່ວຍ, ບ້ານຄຸ້ມຄອງ ມີ 753 ຫົວໜ່ວຍ, ລາຍຮັບທຸລະກິດ 12 ລ້ານ ຫາ 50 ລ້ານ ມີ 753 ຫົວໜ່ວຍ, 50-400 ລ້ານ ມີ 549 ຫົວໜ່ວຍ, 400-1 ຕື້ ມີ 50 ຫົວໜ່ວຍ ແລະ 1-5 ຕື້ ມີ 16 ຫົວໜ່ວຍ, ສົມທຽບຂໍ້ມູນທີ່ດິນ ລະຫວ່າງຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ກັບ ຂະແໜງ ການເງິນ ໃນການກວດກາຕົວຈິງຢູ່ 3 ບ້ານ ມີ ດິນປຸກສ້າງ 557 ຕອນ, ເນື້ອທີ່ 335,71 ເຮັກຕາ, ເປັນເງິນ 23.971.990 ກີບ, ດິນກະສິກໍາ ມີ 713 ຕອນ, ເນື້ອທີ່ 577,14 ເຮັກຕາ, ເປັນເງິນ 23.712.425 ກີບ.

ສັງລວມຂໍ້ມູນພື້ນຖານລາຍຮັບທັງໝົດຂອງຂະແໜງສ່ວຍສາອາກອນ ທຽບກັບຂໍ້ມູນສະຖິຕິຫົວໜ່ວຍທຸລະກິດ 1,368 ຫົວໜ່ວຍ, ເປັນເງິນທັງໝົດ 2.071 ຕື້ກີບ, ຄ່າຊັບພະຍາກອນແຮ່ທາດ, ຫີນ, ດິນ, ຊາຍ, ດິນດໍາ-ດິນແດງ ມີທັງໝົດ 7 ຕອນ, ບໍລິມາດ 59,300 ແມັດກ້ອນ, ເປັນເງິນ 318.900.000 ກີບ.

ຂ່າວໂດຍ: ອຸ່ນເຮືອນ ໂພທິລັກ

LEAVE A REPLY

Please enter your comment!
Please enter your name here