ເສັ້ນທາງຄົມມະນະຄົມຢູ່ແຂວງຫົວພັນ ພວມໄດ້ຮັບການສ້ອມແປງສຸກເສີນ

0
1098

ເສັ້ນທາງຄົມມະນາຄົມທົ່ວແຂວງຫົວພັນຖືກກະທົບ ແລະ ເປ່ເຟ່ຢ່າງ ຫນັກຫນ່ວງໃນລະຫ່ວາງວັນທີ່ 28 -31 ສິງຫານີ້ເນື່ອງຈາກມີຝົນຕົກຕິດຕໍ່ກັນຫຼາຍວັນ ເຮັດໃຫ້ແມ່ນໍ້າຫຼາຍສາຍ ມີລະດັບນໍ້າເພີ່ມຂື້ນສູງ, ລະບົບເສັ້ນທາງຖືກເຊາະເຈື່ອນ ແລະ ເປ່ເຟ່ ເປັນຕົ້ນ: ດິນເຈື່ອນທັບຖົ່ມທາງ, ຫນ້າທາງຍຸບ, ຖືກນໍ້າເຊາະເຈື່ອນທາງລຸ່ມ, ນໍ້າຖ້ວມ,ເປັນຕົມ, ເປັນບວມ ແລະ ອື່ນໆ.

ໂດຍສະເພາະແມ່ນເສັ້ນທາງຫລວງແຫ່ງຊາດ 4 ເສັ້ນຖືກຕັດຂາດເຊັ່ນວ່າ: ທາງເລກ1ຊີ ແຕ່ຊາຍແດນຫລວງພະບາງເຖິງພູເລົ້າ 110 ກມ; ເສັ້ນທາງເລກ 6 ແຕ່ຊາຍແດນຊຽງຂວາງເຖິງຊຳເຫນືອ 102 ກມ ແລະ ຊຳເຫນືອເຖິງດ່ານສາກົນນໍ້າໂສຍ 84 ກມ; ເສັ້ນທາງເລກ 6 ເອ ແຕ່ 3 ແຍກຫາງລ້ອງເມືອງວຽງໄຊເຖິງເມືອງແອດ 112 ກມ; ທາງເລກ 6 ບີ ແຕ່ເມືອງສົບເບົາເຖິງດ່ານທ້ອງຖິ່ນປ່າງຮ່າງ 25 ກມ ແລະ ທາງຫລວງທ້ອງຖິ່ນເກືອບທຸກເສັ້ນແມ່ນຖືກຕັດຂາດ.

ຕໍ່ກັບສະພາບດັ່ງກ່າວທາງພາກສ່ວນທີ່ກ່ຽວຂ້ອງຂັ້ນແຂວງໄດ້ລົງເກັບກຳຂໍ້ມູນລາຍງານໃຫ້ກະຊວງ ຍທຂ ແລະ ລັດຖະບານພ້ອມທັງເລັ່ງແກ້ໄຂສຸກເສີນ ເພື່ອເຮັດໃຫ້ການສັນຈອນໄປໄດ້ໂດຍພື້ນຖານ. ເຊິ່ງມາຮອດປະຈຸບັນນີ້ສາມາດເປີດການສັນຈອນໄດ້ພຽງແຕ່ເສັ້ນທາງເລກ 6 ຈາກຊຳເຫນືອຫາຊາຍແດນຊຽງຂວາງ, ສ່ວນເສັ້ນອື່ນໆແມ່ນກຳລັງແກ້ໄຂ, ຄາດຄະເນວ່າຕອນແລງຂອງວັນທີ່ 3 ກັນຍານີ້ ຈະສາມາດເປີດການສັນຈອນເສັ້ນທາງເລກ 6ເອ ແລະ 6ບີໄດ້ ພ້ອມທັງສືບຕໍ່ແກ້ເສັ້ນອື່ນໆຕໍ່ໆໄປ.

ຂ່າວ-ພາບ: ແຂວງຫົວພັນ

LEAVE A REPLY

Please enter your comment!
Please enter your name here