ພາຍຸໜູນເຂດຮ້ອນ ເບີບິນກາ ຈະພັດຜ່ານປະເທດລາວໃນວັນທີ17 ສິງຫານີ້ ສ່ວນບັນດາບ້ານຢູ່ລຽບເຊບັ້ງໄຟຖືກນໍ້າຖ້ວມອີກຄັ້ງ

0
2084

ກົມອຸຕຸນິຍົມແລະອຸທົກກະສາດໄດ້ອອກແຈ້ງເຕືອນ ພາຍຸໜູນເຂດຮ້ອນ ເບີບິນກາ(BEBINCA) ຫົວທີ 16 ໃນເວລາ 7 ໂມງເຊົ້າຂອງມື້ນີ້ຢູ່ເສັ້ນຂະໜານທີ 20.8 ອົງສາເໜືອ ແລະ ເສັ້ນແວງທີ 112.0 ອົງສາຕາເວັນອອກ ຍັງສືບຕໍ່ປົກຄຸມຢູ່ທະເລຈີນໃຕ້ຕອນເໜືອ, ໄດ້ເຄື່ອນທີ່ໄປທາງທິດຕາເວັນຕົກ-ຕາເວັນຕົກສ່ຽງເໜືອ ດ້ວຍຄວາມໄວ 10 ກິໂລແມັດ/ຊົ່ວໂມງ, ຊຶ່ງໃນ ວັນທີ 16 ສິງຫາ 2018, ຈະຜ່ານ ເມືອງຈົງໄຫ ແລະ ໃນຕອນເຊົ້າຂອງ ວັນທີ 17 ສິງຫາ 2018 ຈະຜ່ານ ອ່າວຕົງແກງ ແລ້ວເຄື່ອນຜ່ານພາກເໜືອຂອງປະເທດຫວຽດນາມ ແລະ ສືບຕໍ່ເຂົ້າພາກເໜືອຂອງປະເທດລາວ. ພ້ອມດຽວກັນນັ້ນ ລົມມໍລະສຸມຕາເວັນຕົກສ່ຽງໃຕ້ໄດ້ມີກໍາລັງແຮງເພິ້ມຂຶ້ນຍັງພັດປົກຄຸມຢູ່ເຂດພາກກາງ ແລະ ພາກໃຕ້.

ຊຶ່ງລັກສະນະເຊັ່ນນີ້ຍັງຈະເຮັດໃຫ້ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກວ້າງຢູ່ໃນແຕ່ລະພາກ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງ ບໍລິຄຳໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື, ຊຽງຂວາງ, ຫົວພັນ, ຫຼວງພະບາງ, ໄຊຍະບູລີ ແລະ ບໍ່ແກ້ວ.
ດັ່ງນັ້ນ, ຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນບັນດາເຜົ່າ, ອໍານາດການປົກຄອງ ແລະ ອົງການຈັດຕັ້ງທຸກພາກສ່ວນທີ່ອາໄສຢູ່ບັນດາເຂດແຂວງດັ່ງກ່າວ ຈົ່ງມີສະຕິ ແລະ ກຽມພ້ອມຮັບມືກັບສະພາບຝົນຕົກໜັກ, ຊຶ່ງຈະເຮັດໃຫ້ມີຕົ້ນໄມ້ຫັກລົ້ມ, ດິນເຈື່ອນ, ນໍ້າຖ້ວມອັ່ງ ແລະ ລົມພັດແຮງ ພ້ອມນີ້ຂໍໃຫ້ເກັບມ້ຽນ ແລະ ເຄື່ອນຍ້າຍວັດຖຸສິ່ງຂອງພ້ອມສັດລ້ຽງໄປໄວ້ບ່ອນທີ່ສູງ ແລະ ປອດໄພ. ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນໍ້າ ຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1 ຫາ 3 ວັນຕໍ່ໜ້ານີ້.

ໃນ​​ທ້າຍເດືອນຜ່ານມາ ບັນດາ​ບ້ານຢູ່​ລຽບຕາມ​ແມ່​ນໍ້າ​ເຊບັ້ງ​ໄຟ​ໄດ້​ຖືກ​ນໍ້າຖ້ວມຢ່າງໜັກໜ່ວງ ​່ຊັບສິນເຮືອນຊານບ້ານຊ່ອງ, ​ເນເນື້ອທີ່ການຜະລິດໄດ້ຮັບຄວາມເສຍຫາຍ ​ບາງ​ບ້ານເສັ້ນທາງ​ຖືກ​ຕັດຂາດ ອັນ​ສ້າງ​ຄວາມ​ຫຍຸ້ງຍາກ​ໃຫ້​ແກ່​ການ​ໄປມາຫາສູ່​ກັນ ມາຮອດຕົ້ນເດືອນນີ້ນ້ຳກໍ​ເລີ່​ມ​ຫລຸດ​ລົງ​ແດ່​ແລ້ວ, ​ແຕ່ມາ​ໃນວັນທີ 12-13 ​ເດືອນ​ນີ້ ກໍ​ເກີດ​ມີ​ພາຍຸພັດ​​ເຂົ້າມາ​ຕື່ມ​ອີກ ​ເຮັດ​ໃຫ້​ນ້ຳ​ຖ້ວມ​ອີກ​ຮອບ​ສອງ ​ເຮັດ​ໃຫ້ບ້ານບຶງ​ເຊ,​ ຫາດຊາຍສູງ, ​ດ້າງ​ສະຫວັນ, ຊຽງ​ໄຄ ​ແລະ ບ້ານອື່ນໆຂອງ​ເມືອງ​ໄຊ​ບູລີ ​ແຂວງ​ສະຫວັນ​ນະ​ເຂດ​ຖືກ​ນ້ຳຖວ້ມອີກຄັ້ງ ​ເຊິ່ງຜົນ​ກະທົບ​ດັ່ງກ່າວ ​ເຮັດ​ໃຫ້​ປະຊາຊົນ​ຜູ້​ໄດ້​ຮັບ​ເຄາະ​ຮ້າຍມີ​ຄວາມ​ຕ້ອງການ​​​ໃຫ້​ສັງຄົມຊ່ວຍ​ເຫລືອ​ດ້ານ​ວັດຖຸ​ປັດ​​ໄຈຕ່າງໆ​ເພື່ອ​ບັນ​ເທົາ​ທຸກ​​ໃນ​ເບື້ອງຕົ້ນ. ເຖິງວ່າ ພາກລັດກໍຄືສັງຄົມໄດ້ໃຫ້ຄວາມຊ່ວຍເຫລືອໃນເບື້ອງຕົ້ນແດ່ແລ້ວ, ແຕ່ທຽບໃສ່ຄວາມຕ້ອງການແລ້ວ ຖືວ່າຍັງບໍ່ພຽງພໍ.

-ພະຍາກອນລະດັບນ້ຳຂອງແລະນໍ້າໄຫຼເຂົ້າອ່າງນໍ້າງື່ມແລະ ລະດັບນ້ຳ ສາຂາແມ່ນ້ຳຂອງ ປະຈໍາວັນທີ 15 ສິງ​ຫາ 2018

LEAVE A REPLY

Please enter your comment!
Please enter your name here