ກຽມຄວາມພ້ອມອີກດ້ານ ສຕລ ຍົກລະດັບກໍາມະການໃຫ້ພ້ອມຕັດສິນບານເຕະ ສາຍ ກ ທ້າຍເດືອນນີ້

0
563


ສະຫະພັນບານເຕະແຫ່ງຊາດລາວ ຈັດຝຶກອົບຮົມຍົກລະດັບກຳມະການຕັດສິນ ລະດັບ ກໍ ກຽມຮັບໃຊ້ການແຂ່ງຂັນບານເຕະ ສາຍ ກໍ ປະຈຳປີ 2018 ທີ່ຈະເປີດສາກຂຶ້ນ ໃນວັນທີ 25 ສິງຫາ 2018 ເພື່ອຮຽນຮູ້ເອົາສິ່ງໃຫມ່ໆທີ່ທາງ ຟີຟາ ປັບປຸງໃຫມ່ໃນການຝຶກອົບຮົມໃນຄັ້ງນີ້, ເພື່ອແກ້ໄຂບາງຈຸດອ່ອນ ແລະ ຂໍ້ຄົງຄ້າງທາງພາກທິດສະດີ ແລະ ພາກປະຕິບັດຕົວຈິງ ລວມເຖິງອື່ນໆ.

ເຊິ່ງການຝຶກອົບຮົມແມ່ນຈະໄດ້ດໍາເນີນການຝຶກນັບຕັ້ງແຕ່ ວັນທີ 14 ຫາ 17 ສິງຫາ 2018 ເຊິ່ງໃຊ້ເວລາໃນການຝຶກອົບຮົມ ຈຳນວນ 4 ມື້ ໂດຍນັກສຳມະກອນຈະໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງ ເນື່ອງຈາກ ສະຫະພັນບານເຕະແຫ່ງຊາດລາວ ປະກາດຢ່າງເປັນທາງການວ່າ: ການແຂ່ງຂັນບານເຕະ ສາຍ ກໍ Division 1 ປະຈຳປີ 2018 ຈະໃຊ້ກຳມະການຕັດສິນທັງຫມົດ 30 ຄົນ ເຂົ້າຮ່ວມການຕັດສິນ.
ການແຂ່ງຂັນບານເຕະ ສາຍ ກ 2018 ມີທີມເຂົ້າຮ່ວມແຂ່ງຂັນທັງຫມົດ 11 ທີມ ເຊິ່ງປະກອບມີ :
1. ກອງທັບ ເອັຟຊີ ( ແຊ້ມເກົ່າ )
2. ວຽງຈັນ ຢູໄນເຕັດ
3. ເຄພີເອັສ ເອັຟຊີ
4. ປກສ ເອັຟຊີ


5. ດີເຄ ເອັຟຊີ
6. ແບລາວ ເອັຟຊີ
7. ອີໂວ ຢູໄນເຕັດ
8. ທຣີນີຕີ ເອັຟຊີ
9. ເອັສທີທີ ເອັຟຊີ

10.ໂຮງຮຽນ ບຸນເກີດສຶກສາ ເອັຟຊີ
11. ວິທະຍາໄລ ລາວ – ທ໋ອບ ເອັຟຊີ
ໂດຍແບ່ງອອກເປັນ ສອງກຸ່ມແຕ່ລະທີມໃນກຸ່ມພົບກັນໝົດ ໂດຍມີພຽງແຕ່ຮອບດຽວ ຄືຮອບໄປເທົ່ານັ້ນ. ອັນດັບໜື່ງ ແລະ ສອງຂອງແຕ່ລະກຸ່ມຈະໄດ້ຜ່ານເຂົ້າຮອບ.
– ກຸ່ມ ເອ ປະກອບມີ: ດີເຄ ເອັຟຊີ, ທຣີນີຕີ ເອັຟຊີ, ເອັສທີທີ ເອັຟຊີ , ເຄພີເອັສ ເອັຟຊີ, ອີໂວ ຢູໄນເຕັດ ແລະ ປກສ ເອັຟຊີ.
– ກຸ່ມ ບີ ປະກອບມີ : ໂຮງຮຽນ ບຸນເກີດສຶກສາ ເອັຟຊີ, ວິທະຍາໄລ ລາວ – ທ໋ອບ ເອັຟຊີ, ວຽງຈັນ ຢູໄນເຕັດ, ແບລາວ ເອັຟຊີ ແລະ ກອງທັບ ເອັຟຊີ.

ສ່ວນຮອບຮອງຊະນະເລີດຈະແຂ່ງກັນແບບ ໄປ-ກັບ ໂດຍຈະລວມຜົນສອງນັດ ແລະ ຜູ້ຊະນະຈະໄດ້ເຂົ້າໄປແຂ່ງຂັນຮອບຊີງຊະນະເລີດ. ຮອບຊີງຊະນະເລີດຂອງການແຂ່ງຂັນສາຍ ກໍ ຈະແຂ່ງຢູ່ສະໜາມກາງ ແລະ ແຂ່ງຂັນພຽງແຕ່ນັດດຽວ. ສ່ວນທີມທີ່ຕົກຮອບຮອງຊະນະເລີດຈະໄດ້ແຂ່ງຂັນຊີງອັນດັບສາມ.

ຕາຕະລາງການແຂ່ງຂັນອາທິດທີ 1
+ ວັນເສົາ 25 ສິງຫາ 2018 ມີ ການແຂ່ງຂັນ 3 ຄູ່
– ເວລາ 09:00 ສະໂມສອນ ດີເຄ ເອັຟຊີ ພົບ ສະໂມສອນ ທຣີນີຕີ ເອັຟຊີ ແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 1.
– ເວລາ 14:00 ສະໂມສອນ ເອັສທີທີ ເອັຟຊີ ພົບ ສະໂມສອນ ເຄພີເອັສ ເອັຟຊີ ແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 1.

– ເວລາ 14:00 ສະໂມສອນ ອີໂວ ຢູໄນເຕັດ ພົບ ສະໂມສອນ ປກສ ເອັຟຊີ ແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 2.
+ ວັນອາທິດ 26 ສິງຫາ 2018 ມີການແຂ່ງຂັນ 2 ຄູ່
– ເວລາ 14:00 ໂຮງຮຽນ ບຸນເກີດສຶກສາ ເອັຟຊີ ພົບ ສະໂມສອນ ກອງທັບ ເອັຟຊີ ແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 1.
– ເວລ 14:00 ສະໂມສອນ ວິທະຍາໄລ ລາວ – ທ໋ອບ ເອັຟຊີ ພົບ ສະໂມສອນ ແບລາວ ເອັຟຊີ ແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແຫ່ງຊາດລາວ ສະຫນາມ 2.

ແຫຼ່ງທີ່ມາ: ສະຫະພັນບານເຕະແຫ່ງຊາດລາວ

LEAVE A REPLY

Please enter your comment!
Please enter your name here