ແຕ່ງຕັ້ງທ່ານ ສຸລິສັກ ພົມມາລີ ຫົວໜ້າຫ້ອງວ່າການປົກຄອງແຂວງ ມາຮັກສາການຫົວໜ້າພະແນກແຮງງານ ແລະ ສະຫວັດດີການສັງແຂວງຫຼວງພະບາງຄົນໃໝ່

0
1740

ພິທິມອບ-ຮັບຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຫຼວງພະບາງ ຜູ້ເກົ່າ ແລະ ຜູ້ໃໝ່ ໄດ້ຈັດຂື້ນໃນຕອນແລງຂອງວັນທີ່ 5 ມິຖຸນານີ້ ທີ່ຫ້ອງປະຊຸມພະແນກແຮງງານ ແລະ ສະຫວັດດີການສັງຄົມແຂວງ ໂດຍການເປັນປະທານຂອງທ່ານ ວົງສະຫວັນ ເທບພະຈັນ ຮອງເຈົ້າແຂວງຫຼວງພະບາງ ມີຕາງໜ້າພະແນກການຂອງແຂວງ, ເມືອງ ແລະ ອົງການທີ່ກ່ຽວຂ້ອງເຂົ້າຮ່ວມ.


ທ່ານ ຄຳຫວັນ ວັນວິໄລ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຜູ້ເກົ່າໄດ້ຂຶ້ນຜ່ານບົດສະຫຼຸບການຊີ້ນຳນຳພາວຽກງານໃນໄລຍະສອງປີຜ່ານມາ ເຊິ່ງຍົກໃຫ້ເຫັນຜົນງານດ້ານດີ, ດ້ານອ່ອນ ແລະ ຂໍ້ຄົງຄ້າງເພື່ອພ້ອມກັນແກ້ໄຂໃນຕໍ່ໜ້າ. ສິ່ງທີ່ພົ້ນເດັ່ນແມ່ນໄດ້ເອົາໃຈໃສ່ສຶກສາອົບຮົມ ດ້ານການເມືອງແນວຄິດ ໃຫ້ຖັນແຖວສະມາຊິກພັກ, ພະນັກງານ ໄດ້ມີແນວຄິດອຸ່ນອ່ຽນທຸ່ນທ່ຽງ ເຊື່ອໝັ້ນຕໍ່ການນຳພາຂອງພັກ ແລະ ເປັນເຈົ້າການປະຕິບັດທີວຽກງານສະເພາະຂອງຕົນໄດ້ສຳເລັດຕາມລະດັບຄາດທີ່ວາງໄວ້.

ຈາກນັ້ນ ທ່ານ ສົມທອງ ດາວຊ່ອງຟ້າ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ໍຕົກລົງຂອງທ່ານເຈົ້າແຂວງວ່າດ້ວຍການອະນຸມັດໃຫ້ພະນັກງານລັດຖະກອນພັກຜ່ອນຮັບເບ້ຍບຳນານ ໂດຍແມ່ນທ່ານ ຄຳຫວັນ ວັນວິໄລ ອອກພັກຜ່ອນຮັບເບຍບຳນານ ຕາມອາຍຸກະສຽນ ແລະ ຜ່ານຂໍ້ຕົກຂອງທ່ານເຈົ້າແຂວງວ່າດ້ວຍການອະນຸມັດຮັກສາການພະແນກແຮງງານ ແລະ ສະຫວັດດີການສັງຄົມແຂວງ ໂດຍໄດ້ແຕ່ງຕັ້ງທ່ານ ສຸລິສັກ ພົມມາລີ ຫົວໜ້າຫ້ອງວ່າການປົກຄອງແຂວງ ມາຮັກສາການຫົວໜ້າພະແນກແຮງງານ ແລະ ສະຫວັດດີການສັງແຂວງຫຼວງພະບາງຄົນໃໝ່.


ໂອກາດນີ້ທ່ານ ວົງສະຫັວນ ເທບພະຈັນ ຮອງເຈົ້າແຂວງຫຼວງພະບາງ ກໍໄດ້ສະແດງຄວາມຊົມເຊີຍຕໍ່ຜົນງານຂອງພະແນກແຮງງານ ແລະ ສະຫວັດດີການສັງຄົມກໍຄືການຊີ້ນໍາ-ນໍາພາຂອງທ່ານ ຄໍາຫວັນ ວັນວິໄລ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຜູ້ເກົ່າ ໃນໄລຍະຜ່ານມາ ທີ່ໄດ້ທຸ້ມເທເຫື່ອແຮງປະກອບສ່ວນ ໃນການນໍາພາ ພັກ,ພະນັກງານພາຍໃນພະແນກແຮງງານ ແລະ ສະຫວັດດີການສັງຄົມ ໃນໄລຍະຜ່ານມາ ຈົນໄດ້ຮັບຜົນຫຼາຍດ້ານ ພ້ອມກັນນີ້ກໍໄດ້ປະກອບສ່ວນເຂົ້າໃນວຽກງານພັດທະນາເສດຖະກິດຂອງແຂວງຕື່ມອີກ.

ພ້ອມນີ້ທ່ານກໍໄດ້ເນັ້ນໃຫ້ຜູ້ທີ່ມາຮັບໜ້າທີ່ໃໝ່ ກໍຄືທ່ານ ສຸລິສັກ ພົມມາລີ ຈົ່ງສືບຕໍ່ປະຕິບັດຕາມໜ້າທີ່-ທີພັກ ແລະ ລັດມອບໝາຍໃຫ້ປະສົບຜົນສໍາເລັດດີຂື້ນກວ່າເກົ່າ.


ຂ່າວ: ເພັດສາຄອນ ສິມມະວົງ

LEAVE A REPLY

Please enter your comment!
Please enter your name here