ໂອກາດມາແລ້ວ! ທີມຊາດລາວ ຢູ 16 ເປີດຮັບສະໜັກນັກກີລາເຂົ້າຮ່ວມທີມ ກຽມລຸຍລາຍການລະດັບອາຊີ

0
1459


ອີງຕາມແຜນການເຄື່ອນໄຫວຂອງ ສະຫະພັນບານເຕະແຫ່ງຊາດລາວ ປະຈຳປີ 2018 ສຕລ ມີ ຈຸດປະສົງຄັດເລືອກນັກກິລາທີ່ມີ ພອນສະຫວັນ ແລະ ທັກສະ ເພື່ອກະກຽມນັກກິລາ ທີມບານເຕະຍິງ ທີມຊາດລາວ ຮຸ່ນອາຍຸ 16 ປີ ເຂົ້າຮ່ວມການແຂ່ງຂັນບານເຕະຍິງຊີງແຊ້ມອາຊີ ຮຸ່ນອາຍຸ 16 ປີ ຮອບຄັດເລືອກ 2019 ຫລື AFC U-16 WOMEN’S CHAMPIONSHIP 2019 QUALIFIERS ROUND 1 ເຊິ່ງຈະໄດ້ຈັດຂຶ້ນໃນວັນທີ 15 ກັນຍາ ຫາ 23 ກັນຍາ 2018 ຢູ່ທີ່ປະເທດ ມົງໂກລີ, ເຊິ່ງ ທີມຊາດລາວ ຢູ່ຮ່ວມກຸ່ມ B ປະກອບມີ : ລາວ, ອິນເດຍ, ຮົງກົງ, ປາກິສຖານ, ມົງໂກລີ ( ເຈົ້າພາບ ).

ການຄັດເລືອກຄັ້ງນີ້ມີ 30 ທິມເຂົ້າຮ່ວມ, ຊຶ່ງຮອບຄັດເລືອກຮອບທີ 1 ແບ່ງອອກເປັນ 6 ກຸ່ມ, ແຂ່ງພົບກັນຫມົດໃນກຸ່ມ ແລ້ວຄັດເອົາທີ 1 ຂອງກຸ່ມ ແລະ ທີ 2 ດີສຸດ 2 ທິມຈາກ 6 ກຸ່ມ ເຂົ້າສູ່ຮອບຄັດເລືອກຮອບທີ 2 ທີ່ມີ 8 ທິມ. ໃນຮອບຄັດເລືອກຮອບທີສອງ 8 ທິມ ແບ່ງອອກເປັນ 2 ກຸ່ມ, ກຸ່ມລະ 4 ທິມ, ແຂ່ງພົບກັນຫມົດໃນກຸ່ມ ແລ້ວຄັດເອົາທີ 1 ແລະ ທີ 2 ຂອງສອງກຸ່ມເຂົ້າສູ່ສຸດທ້າຍທີ່ປະເທດໄທໃນປີ 2019, ສ່ວນແຊ້ມເກົ່າ ສປປ ເກົາຫລີ (ເກົາຫລີເຫນືອ), ຮອງແຊ້ມ ສາທາລະນະລັດເກົາຫລີ (ເກົາຫລີໃຕ້) ແລະ ຍີ່ປຸ່ນ ອັນດັບ3 ຈາກຄັ້ງຜ່ານມາ ໄດ້ສິດທິພິເສດເຂົ້າຮ່ວມຮອບສຸດທ້າຍທັນທີ ເຫມືອນກັບເຈົ້າພາບໄທ, ແຕ່ U16 ຍິງຂອງໄທ ຂໍຮ່ວມແຂ່ງຂັນຮອບຄັດເລືອກເພື່ອທົດສອບທິມ. ທິມທີ່ຕິດອັນດັບ 1 ໃນ 3 ຂອງອາຊີ ເປັນຕົວແທນທະວີບອາຊີຮ່ວມການແຂ່ງຂັນ U17 ປີ ຊິງແຊ້ມໂລກ ໃນປີ 2020.

ສໍາລັບ ການຄັດເລືອກຈະໄດ້ຈັດຂຶ້ນໃນ ວັນຈັນ 18-31 ມິຖຸນາ 2018 ຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ບ້ານ ຫ້ວຍຫົງ ເມືອງ ຈັນທະບູລີ ນະຄອນຫລວງວຽງຈັນ ໃນເວລາ 16:30 – 18:30.

ຫມາຍເຫດ :
-ນັກກິລາທີ່ເຂົ້າຮ່ວມຄັດເລືອກຕ້ອງຮັບປະກັນຄວາມພ້ອມຂອງຮ່າງກາຍຕະຫລອດໄລຍະການຄັດເລືອກ.
– ນັກກິລາທີ່ເຂົ້າຮ່ວມຄັດເລືອກທີມບານເຕະຍິງ ຮຸ່ນອາຍຸ 16 ປີ ຕ້ອງເກີິດໃນລະຫວ່າງປີ 2003 – 2005.

– ສຳລັບນັກກິລາຕ່າງແຂວງ ທີ່ຕ້ອງການມາຄັດເລືອກນັກກິລາໃນຄັ້ງນີ້ທາງ ສະຫະພັນບານເຕະແຫ່ງຊາດລາວ ແມ່ນອຳນວຍຄວາມສະດວກທາງດ້ານທີ່ພັກ ແແລະ ອາຫານການການກິນຕະຫລອດ ໄລຍະການຄັດເລືອກ ສ່ວນການເດີນທາງແມ່ນຮັບຜິດຊອບເອງ.

ທ່ານສາມາດຕິດຕໍ່ສອບຖາມຂໍ້ມູນເພີ່ມເຕີ້ມໄດ້ທີ່ເບີ : 020 52512321, 020 58967148

ຂໍ້ມູນຈາກ: ສະຫະພັນບານເຕະແຫ່ງຊາດລາວ

LEAVE A REPLY

Please enter your comment!
Please enter your name here