ແຟນບານແຫ່ຊົມ ທີມຊາດບຣາຊິລ ລົງຊ້ອມເລັ່ງສາຍຕາທີ່ ເນມາ ພ້ອມສະຫຼອງວັນເກີດ ຄູຕິນໂຢ ຄຶກຄັກ

0
5134


ນັກເຕະທີມຊາດບຣາຊິລ ລົງຝຶກຊ້ອມຄັ້ງທໍາອິດມີທີ່ສະໜາມຊ້ອມທີ່ເມືອງໂຊຊິ ປະເທດຣັດເຊຍ ໂດຍການຝຶກຊ້ອມຄັ້ງນີ້ ເປີດໃຫ້ແຟນບານເຂົ້າເບິ່ງ ໂດຍມີແຟນບານຫຼາຍກວ່າ 4 ພັນຄົນ ເຂົ້າເບິ່ງຢ່າງໃກ້ສິດ.


ໂດຍນັກເຕະທີ່ແຟນບານໃຫ້ຄວາມສົນໃຈຫຼາຍທີ່ສຸດເປັນ ເນມາ ກອງໜ້າຄວາມຫວັງຂອງທີມ. ນອກນັ້ນ, ຍັງມີບັນຍາກາດການຢອກລໍ້ ຟິລິບ ຄູຕິນໂຢ ສະຫຼອງວັນເກີດຄົບຮອບ 26 ປີ ໂດຍ ເນມາ ເປັນຄົນເລີ່ມກ່ອນ ໄປຈັບເອົາໄຂ່ມາຖິ້ມໃສ່ ຄູຕິນໂຢ ກ່ອນທີ່ເພື່ອນຮ່ວມທີມຈະລຸມຖິ້ມທັງໄຂ່ ແລະ ແປ້ງໃສ່.


ສໍາລັບ ບຣາຊິລ ຈະລົງສະໜາມນັດທໍາອິດຂອງກຸ່ມ E ພົບກັບ ສະວິດ ໃນວັນທີ 17 ມິຖຸນາ 2018 ກ່ອນຈະພົບກັບ ຄອສຕາຣິກາ ແລະ ແຊກບີ ໃນ 2 ນັດສຸດທ້າຍຂອງກຸ່ມ.

LEAVE A REPLY

Please enter your comment!
Please enter your name here