ສອງໂຕ່ນພີ່ນ້ອງເອີຍ, ປາມືກແຊ່ສານເຄມີສົ່ງມາໃຫ້ຄົນລາວກິນ

0
376146

ເຈົ້າໜ້າທີ່ ກົມຕຳຫຼວດສິ່ງແວດລ້ອມ ໄດ້ຢຶດປາມຶກແຫ້ງ ແຊ່ໂຊດາ ແລະ ຟອກໂມນ ຈຳນວນ 2.000 ກວ່າກິໂລ ຈາກແມ່ຄ້າ, ຈາກນັ້ນກໍ່ໄດ້ເອົາຕົວຢ່າງຂອງສິນຄ້າປາມຶກແຊ່ ໄປກວດກາຢູ່ກອງກວດກາອາຫານ ແລະ ຢາ, ຜົນກວດພົບວ່າ ປາມຶກດັ່ງກ່າວ ມີສານເຄມີເຈືອປົນປະເພດ ຟໍມາລີນ (ຟອກໂມນ) ແລະ ໂຊດຽມ (ໂຊດາໄຟ) ເຊິ່ງເປັນສານເຄມີອັນຕະລາຍ ຕໍ່ຊີວິດ ແລະສຸຂະພາບ.

ສານເຄມີເຫຼົ່ານັ້ນຖ້າສູດດົມເຂົ້າໄປກໍຈະທຳລາຍລະບົບຫາຍໃຈ, ຖ້າຫາກກິນເຂົ້າໄປໃນປະລິມານຫຼາຍ 30-60 ກຣາມ ກໍຈະເຮັດໃຫ້ຖອກທ້ອງ, ຮາກເປັນເລືອດ, ໝົດສະຕິ ແລະ ເສຍຊີວິດໄດ້. ນອກນັ້ນຍັງມີປາມຶກແຫ້ງ ແມ່ນມີສານຕົກໂມກ ແລະ ມີກິ່ນເນົ່າເໝັນ ຜ່ານການວິໄຈອອກມາເຫັນວ່າມີເຊື້ອພະຍາດ ກໍ່ເປັນມະເຮັງ ຫຼື ຖ້າຮ້າຍແຮງໄປກວ່ານັ້ນ ເມື່ອກິນເຂົ້າໄປກໍຈະເຮັດໃຫ້ຖອກທ້ອງ, ເສຍຊີວິດໄດ້ເຊັ່ນດຽວກັນ.

ສິນຄ້າດັ່ງກ່າວແມ່ນຫ້າມບໍລິໂພກ ຖ້າພົບເຫັນມີແຕ່ທຳລາຍຖິ້ມເທົ່ານັ້ນ ທີ່ໜ້າສະຫຼົດໃຈໄປກວ່ານັ້ນນອກຈາກປາມຶກແຊ່ ແລະ ປາມຶກແຫ່ງແລ້ວ ເຈົ້າໜ້າທີ່ຍັງຢຶດຟອກໂມນເກືອບເປັນ 100 ຂວດ ເພື່ອໄປທຳລາຍຖີ້ມ. ໃນວັນທີ 8 ມິຖຸນາ 2018 ເຈົ້າໜ້າທີ່ໄດ້ທໍາລາຍ.

ປະເທດເຮົາບໍ່ມີທະເລ ອາໄສການນຳເຂົ້າຈາກເພິ່ນຖືກແມ່ຄ້າດີກໍ່ໂຊກດີໄປ, ຖືກພໍ່ຄ້າໃຈຄົດທໍລະຍົດຜູ້ບໍລິໂພກດ້ວຍການແຊ່ສານແບບນີ້ພະຍາດໂລຄາຖາມຫາແນ່ນອນ ທີ່ສຳຄັນຈະໄດ້ຈາກໄປກ່ອນໄວອັນຄວນ ສະນັ້ນຖ້າບໍ່ຈຳເປັນ ແລະອົດໄດ້ກໍ່ອົດເອົາຖ້າບໍ່ໝັ້ນໃຈໃນສິນຄ້າ ທັ້ງນີ້ກໍ່ເພື່ອສຸຂະພາບ ແລະຊີວິດທີ່ຍືນຍາວຍິ່ງຂຶ້ນ.

LEAVE A REPLY

Please enter your comment!
Please enter your name here