ເປີດເທສະການບຸນລາວ 2018 ທີ່ ນະຄອນຫລວງໂຕກຽວ ໂຄສະນາການທ່ອງທ່ຽວລາວໃຫ້ຊາວຍີ່ປຸ່ນ

0
2165
loading...

ເທສະການບຸນລາວ 2018 ທີ່ ນະຄອນຫລວງໂຕກຽວ ປະເທດຍີ່ ປຸ່ນ ເພື່ອເຜີຍແຜ່ວັດທະນະທຳລາວ ກໍຄື ໂຄສະນາປີທ່ອງທ່ຽວລາວ 2018 ໄດ້ຈັດຂຶ້ນຢ່າງຄຶກຄື້ນ ເຊິ່ງພິທີ ເປີດຢ່າງເປັນທາງການໄດ້ຈັດຂຶ້ນ ໃນວັນທີ 26 ພຶດສະພາ 2018,

ໂດຍ ການເປັນປະທານ ແລະ ກ່າວເປີດ ງານຂອງທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີ ທ່ານ ອິວາໂອ ໂຮຣິອິ ຮອງລັດຖະມົນ ຕີກະຊວງການຕ່າງປະເທດຍີ່ປຸ່ນ, ທ່ານ ວິໂຣດ ສຸນດາຣາ ເອກອັກຄະ ລັດຖະທູດແຫ່ງ ສປປ ລາວ ປະຈໍາ ຍີ່ປຸ່ນ, ແຂກຖືກເຊີນ ແລະ ຊາວຍີ່ປຸ່ນ ໃຫ້ຄວາມສົນໃຈເຂົ້າຮ່ວມຢ່າງຫລວງຫລາຍ.

ໃນໂອກາດກ່າວປາໄສໃນພິທິເປີດງານຄັ້ງນີ້, ທ່ານ ບໍ່ແສງຄໍາ ວົງດາລາ ລັດຖະມົນຕີກະ ຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຕີລາຄາສູງການ ຈັດເທສະການບຸນລາວ ເຊິ່ງເປັນເທ ສະການປະຈໍາປີທາງດ້ານວັດທະ ນະທໍາທີ່ຊາວຍີ່ປຸ່ນຮັບຮູ້ຢ່າງກວ້າງ ຂວາງໂດຍໄດ້ລິເລີ່ມມາເປັນເວລາ ເກືອບ 10 ປີ(ນັບແຕ່2007), ເປັນ ການປະກອບສ່ວນສໍາຄັນເຂົ້າໃນ ການເສີມສ້າງສາຍພົວພັນມິດຕະ ພາບລະຫວ່າງ ລາວ-ຍີ່ປຸ່ນ ໃຫ້ນັບ ມື້ມີຄວາມສະໜິດແໜ້ນຍິ່ງຂຶ້ນ, ສ້າງຄວາມເຂົ້າໃຈເຊິ່ງກັນ ແລະ ກັນ ລະຫວ່າງປະຊາຊົນຂອງສອງຊາດ ໂດຍຜ່ານການສະແດງສິລະປະວັດ ທະນະທໍາຫລາກຫລາຍຮູບແບບທີ່ ໜ້າຊື່ນຊົມ.

ໂອກາດດັ່ງກ່າວ, ທ່ານ ບໍ່ແສງຄໍາ ວົງດາລາ ຍັງໄດ້ກ່າວສະແດງຄວາມ ຂອບໃຈເປັນຢ່າງສູງຕໍ່ລັດຖະບານ ແລະ ປະຊາຊົນຍີ່ປຸ່ນ ທີ່ໄດ້ໃຫ້ການ ຊ່ວຍເຫລືອ ແລະ ສະໜັບສະໜູນ ສປປ ລາວ ຕະຫລອດມາ ກໍຄື ທຸກ ພາກສ່ວນທີ່ໄດ້ໃຫ້ຄວາມຮ່ວມມື ຢ່າງໃກ້ຊິດ ແລະ ມີປະສິດທິຜົນເຮັດ ໃຫ້ການຈັດເທສະການບຸນລາວ ໄດ້ຜົນດີຕາມລະດັບຄາດໝາຍທີ່ ວາງໄວ້.

ບັນຍາກາດທີ່ ງານ Lao Festival 2018 ທີ່ Tokyo

Posted by Souliphone Sengchantha on Saturday, 26 May 2018

ບຸນລາວ 2018 ທີ່ຍີ່ປຸ່ນ ມີຫລາຍ ກິດຈະກໍາທີ່ໜ້າສົນໃຈເປັນຕົ້ນແມ່ນ ການສະແດງສິລະປະຂອງລາວ ຫລາກຫລາຍສີສັນ, ມີການວາງ ສະແດງການທ່ອງທ່ຽວ, ຈັດຊຸ້ມອາ ຫານ-ເຄື່ອງດື່ມ ແລະ ແຈກຢາຍເຄື່ອງ ທີ່ລະນຶກຕ່າງໆຂອງລາວໃຫ້ຜູ້ເຂົ້າ ຮ່ວມບຸນເຕັມໄປດ້ວຍບັນຍາກາດ ອັນຄຶກຄື້ນມ່ວນຊື່ນທີ່ສຸດ. ນອກນັ້ນ ຍັງຈະມີການຈັດສໍາມະນາສົ່ງເສີມ ການທ່ອງທ່ຽວລາວຕື່ມອີກ.


ບຸນລາວ 2018 ທີ່ນະຄອນຫລວງ ໂຕກຽວ ປະເທດຍີ່ປຸ່ນ ຈະດໍາເນີນ ໄປຈົນເຖິງວັນທີ 29 ພຶດສະພາ 2018 . ປີ 2018 ເປັນປີທ່ອງທ່ຽວລາວ, ລັດຖະບານ ວາງຄາດໝາຍສູ້ຊົນດຶງດູດນັກ ທ່ອງທ່ຽວຈາກຕ່າງປະເທດໃຫ້ໄດ້ 5 ລ້ານເທື່ອຄົນ, ສ້າງລາຍຮັບໃຫ້ ໄດ້ 9 ລ້ານໂດລາ. ສະເພາະນັກທ່ອງ ທ່ຽວຈາກຍີ່ປຸ່ນ ເຂົ້າມາທ່ອງທ່ຽວ ລາວ ໃນປີ 2017 ຜ່ານມາມີຈໍານວນ 32.000 ກວ່າເທື່ອຄົນ.

ຂ່າວທີ່ມາ: ປະເທດລາວ Pathedlao, Inthy Deuansavanh, Souliphone Sengchantha

LEAVE A REPLY

Please enter your comment!
Please enter your name here