ທ່ານເຈົ້າແຂວງອັດຕະປື ລົງຢ້ຽມຢາມສຳມະເນນທີ່ປະສົບອຸປະຕິເຫດ

0
155

ທ່ານເລັດ ໄຊຍະພອນ ເຈົ້າແຂວງອັດຕະປື ເປັນອີກໜຶ່ງການນຳຂອງປະຊາຊົນທີ່ມາແຮງ ຍ້ອນເພິ່ນເອົາໃຈໃສ່ຕໍ່ຄວາມທຸກສຸກຂອງປະຊາຊົນ ຫຼ້າສຸດທ່ານໄດ້ເດີນທາງໄປຢ້ຽມຢາມໃຫ້ກຳລັງພະສົງສຳມະເນນທີ່ປະສົບອຸປະຕິເຫດໃນຂະນະ ທີ່ກຳລັງຂີ່ລົດໄປເສັງຕອນເຊົ້າຂອງວັນທີ 17 ພືດສະພາ 2018 ນີ້.

ອຸປະຕິເຫດຄັ້ງນີ້ເກີດຂຶ້ນໃນເວລາ 8:00 ເຊົ້າຂອງວັນທີ 17/5/2018 ເຮັດໃຫ້ສຳມະເນນມໍລະນະພາບ 1 ແລະບາດເຈັບອີກຈຳນວນຫຼາຍ.

 

ພໍໄດ້ຮູ້ຂ່າວເສົ້າດັ່ງກ່າວ ໃນຕອນແລງຂອງວັນດຽວກັນ ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື ໄດ້ຮີບຮ້ອນລົງຢ້ຽມຢາມຖາມຂ່າວ ກ່ຽວກັບເຫດການ ລົດຂົນສົ່ງສຳມະເນນ ວັດປ່າຫລັກສາມທີ່ປະສົບອຸປະຕິເຫດ.

ຕາມການບອກເລົ່າຂໍ້ມູນຕໍ່ທ່ານເຈົ້າແຂວງໃຫ້ຮູ້ວ່າ: ອຸປະຕິເຫດທີ່ເກີດຂຶ້ນ ເຮັດໃຫ້ມີສຳມະເນນມໍລະນະພາບ 1ອົງ ແລະ ບາດເຈັບຈຳນວນຫລາຍ ເພາະໃນຂະນະເກີດເຫດ ມີຈົວ ແລະ ຄູບາໃນລົດເຖິງ 28 ອົງ.

ໂອກາດດັ່ງກ່າວ ທ່ານເຈົ້າແຂວງໄດ້ມອບເງິນ ຈຳນວນ 5 ລ້ານກີບ ເພື່ອຊ່ວຍຄ່າໃຊ້ຈ່າຍໃນກິດຈະການຕ່າງໆຂອງວັດ.

 

LEAVE A REPLY

Please enter your comment!
Please enter your name here