ອັບເດດ! ເຫດລົດໃຫຍ່+ລົດພ້ວງ ເສຍຊີວິດ1ລາຍ ບາດເຈັບ1ລາຍ ທີທາງ450ປີ

0
99

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ລາຍງານວ່າ:  ວັນທີ16/05/2018 ເວລາ 21:40ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດ ລົດໃຫຍ່ຕຳກົ້ນລົດພວງ ຈຸດເກີດເຫດທາງ450ປີ ບ້ານ ໂຊກໃຫຍ່ ເມືອງໄຊເສດຖາ ນະຄອນຫລວງວຽງຈັນ.

ພໍຫນ່ວຍກູ້ໄພມູນນິທິ1623ອອກກວດສອບ ພົບ ມີຄົນຕິດພາຍໃນ1ຄົນ ແລະ ເສຍຊີວິດ 1ຄົນ ທາງຫນ່ວຍກູ້ໄພຈຶ່ງໄດ້ນຳເຄື່ອງ ຕັດຖ່າງ ເພື່ອເຂົ້າຊ່ວຍເຫລືອຜູ້ບາດເຈັບອອກມາຈາກລົດ ໃຊ້ເວລາປະມານ 1ຊົ່ວໂມງ ຈຶ່ງສາມາດນຳຜູ້ບາດເຈັບອອກມາຈາກລົດໄດ້ ແລ້ວປະຖົມພະຍາບານຂັ້ນຕົ້ນ ນຳສົ່ງໂຮງຫມໍມິດຕະພາບ150ຕຽງ.

ສ່ວນຜູ້ເສຍຊີວິດ1ລາຍ ເປັນເພດຊາຍ ອາຍຸ26ປີ ບ້ານໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນ ກວດໄດ້ເບື້ອງຕົ້ນ ຄໍຫັກ ມີບາດເປີດໃຫຍ່ຢູ່ຫົວ ກະທົບຫນ້າເອິກ ດັ່ງນັ້ນ ທາງມູນນິທິຈຶ່ງນຳສົບ ຝາກໄວ້ໂຮງເຢັນມູນນິທິຈີນ ເພື່ອໃຫ້ພີ່ນ້ອງ ນຳຮ່າງໄປເຮັດພິທີທາງສາສະຫນາ.

 

LEAVE A REPLY

Please enter your comment!
Please enter your name here