ສັບປ່ຽນໜ້າທີ່ກັນລະຫວ່າງ 2 ຂະແໜງການ ພັດທະນາຄຸູ ກັບ ການສຶກສານອກໂຮງຮຽນ ສກຂ ອັດຕະປື


2 ຂະແໜງການສຶກຂອງພະແນກສຶກສາທິການ ແລະ ກິລາ ແຂວງອັດຕະປື ໄດ້ມີພິທີການມອບ-ຮັບໜ້າວຽກໃໝ່ ລະຫວ່າງ ຂະແໜງພັດທະນາຄູ ກັບ ຂະແໜງການສຶກສາ ນອກໂຮງຮຽນ ພາຍຫລັງທີ່ສຳເລັດການປະກາດປັບປຸງ ໂຄງ ປະກອບກົງຈັກການຈັດຕັ້ງ ປະຈຳປີ 20180 ຂອງ ພະແນກ ສຶກສາທິການ ແລະ ກິລາ ແຂວງອັດຕະປື ຢ່າງເປັນທາງການ ໃນຕົ້ນ ເດືອນ ພຶດສະພາ 2018 ຜ່ານມານີ້.

ເຊິ່ງພິທີມອບ-ຮັບ ໜ້າວຽກດັ່ງກ່າວ ໄດ້ມີຂື້ນໃນຕອນເຊົ້າຂອງວັນທີ 14 ພຶດສະພາ 2018 ທີ່ພະແນກສຶກສາແຂວງອັດຕະປື ໂດຍພາຍໃຕ້ ການເປັນປະທານຂອງ ທ່ານ ສົມໄຕ ຫີນເພດສະດາວົງ ຄະນະພະແນກສຶກສາທິການ ແລະ ກິລາແຂວງ ມີຮອງ ຫົວໜ້າ ຂະແໜງ ພ້ອມດ້ວຍວິຊາການທັງ 2 ຂະແໜງການສຶກສາ ດັ່ງກ່າວເຂົ້າຮ່ວມ.


ສໍາລັບ ການມອບ-ຮັບໜ້າວຽກຂອງ2 ຂະແໜງຄັ້ງນີ້ ໂດຍ ແມ່ນ ທ່ານ ສົມເພັດ ໄຊຍະວົງສອນ ອະດີດຫົວໜ້າຂະແໜງພັດທະນາຄູ, ເປັນຫົວໜ້າຂະແໜງການສຶກສານອກໂຮງຮຽນຄົນປັດຈຸບັນ ກັບ ທ່ານ ພອມໄຊ ວົງບຸບຜາ ອະດີດຮອງຫົວໜ້ານະແໜງການສຶກສານອກໂຮງຮຽນ, ເປັນຫົວໜ້າຂະແໜງພັດທະນາຄູ ຄົນປັດຈຸບັນ.

ຂ່າວຈາກ: ພະແນກສຶກສາທິການ ແລະ ກິລາແຂວງອັດປື

Leave a Reply

Your email address will not be published. Required fields are marked *