ຊາວໜຸ່ມແຂວງບໍ່ແກ້ວ ອອກແຮງງານສາມັກຄີ

ຄະນະຊາວໜຸ່ມອ້ອມຂ້າງແຂວງບໍ່ແກ້ວພ້ອມໃຈກັນມີຈິດສັດທາອອກແຮງງານຕາມສອງຝັ່ງທາງຢູ່ພູ106 ເພື່ອກຽມພ້ອມໃສ່ງານວາງສີລາຈາລຶກ ການສໍ່ສ້າງພຣະເຈົ້າໃຫຍ່ຢູ່ພູໄຊຫົວຂອງບາຣະມີ ຊຶ່ງນຳພາໂດຍທ່ານ ສະຫາຍ ສົມສັກ ມະຫາພົນ ຮອງຄະນະເລຂາຊາວໝຸ່ມແຂວງ, ມີບັນດາຄະນະຊາວໜຸ່ມມາຈາກພະແນກຂະແໜງງານອ້ອມແຂວງ, ເມືອງອຳນາດການປົກຄອງພາຍໃນບ້ານຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມຢ່າງເປັນຂະບວນຟົດຝື້ນ.

ຈຸດປະສົງຂອງການອອກແຮງງານຄັ້ງນີ້ ເພື່ອຂ່ຳນັບຮັບຕ້ອນວັນກໍ່ສ້າງວາງສີລາລຶກການກໍ່ສ້າງພຣະເຈົ້າໃຫຍ່ ພຸທະຣັດຕະນະບາຣະມີສຣິບໍ່ແກ້ວ ຢູ່ພູໄຊຫົວຂອງບາຣະມີ ( ພູ106 ) ທີ່ຈະເລິ່ມລົງມືກໍ່ສ້າງວັນທີ 17 ພຶດສະພາ 2018 ນີ້.

ການອອກແຮງງານແມ່ນໄດ້ອະນາໄມທຳຄວາມສະອາດຕາມສອງຝາກທາງຕັ້ງແຕ່ ທາງຮ່ອມເຈົ້າຈົນຮອດພື້ນທີ່ການກໍ່ສ້າງ ເປັນຕົ້ນແມ່ນຈະຖ້າງຫຍ້າສອງຝາກທາງ, ປັກທຸງທິວ, ທຸກສາສະໜາ, ເດີນສາຍໄຟຟ້າອ້ອມຕາມພື້ນທີ່ຈະກໍ່ສ້າງ ທັງນີ້ກໍ່ເພື່ອອຳນວຍຄວາມດວກການສັນຈອນການໄປມາຕະຫຼອດໄລຍະການກໍ່ສ້າງ ແລະ ຄວາມສວາຍສົດງົດງາມຕາມພື້ນທີ່ການກໍ່ສ້າງ.

ສຳລັບຊາວພຸດສາສະໜາບັນດາເຜົ່າຜູ້ມີຈິດສັດທາ ຕ້ອງການບໍລິຈາກວັດຖຸປັດໃຈ, ບໍ່ວ່າຈະເປັນເງິນຄຳກຳແກ້ວກໍ່ດີ ຫຼື ຈະເຂົ້າຮ່ວມງານໃນວັນທີ 17 ພຶດສະພາ 2018 ກົງກັບວັນແຮມ 3 ຄ່ຳ ເດືອນ 7 ລາວ ພສ 2561 ຍິ່ງເປັນການດີ ພິທີວາງຊິລາຈາລຶກ ພຣະເຈົ້າໃຫຍ່ ພຸດທະຣັດຕະນະບາຣະມີສຣິບໍ່ແກ້ວຈະປະດິດສະຖານພູໄຊຫົວຂອງຍາຣະມີ (ພູ106) ແຂວງບໍ່ແກ້ວ.

 

ຂ່າວ – ພາບ: ບຸນເພັດ ໄຊຍະວົງ

Leave a Reply

Your email address will not be published. Required fields are marked *