ຜູ້​ປະ​ທ້ວງ​ຊາວປາແລັດ​ສະຕິ​ນ​ ປະ​ທະ​ກັນ​ກັບ​ທະຫານ​ອິ​ດສະລາ​ແອນ ເຮັດໃຫ້ມີຜູ້ເສຍຊີວິດແລະບາດເຈັບ ນັບພັນຄົນ

0
131
A Palestinian protester hurls stones at Israeli troops during a protest at the Gaza Strip's border with Israel, Monday, May 14, 2018. Thousands of Palestinians are protesting near Gaza's border with Israel, as Israel prepared for the festive inauguration of a new U.S. Embassy in contested Jerusalem. (AP Photo/Khalil Hamra)

ວັນ​ທີ 14 ພຶດສະພາ​ນີ້, ​ປະຊາຊົນຊາວ​ປາ​ແລັດ​ສະຕິ​ນຫຼາຍໝື່ນຄົນ​ໄດ້​ເດີນຂະ​ບວນປະ​ທ້ວງ​ໄປ​ຕາມ​ຖະໜົນກາຊາ​ຢູ່​ຊາ​ຍ​ແດນລະຫວ່າງ​ປາແລັດ​ສະຕິ​ນ ​ແລະອິດສະ​ຣະ​ແອນ ​ແລະ​​ໄດ້ເກີດການ​ປະ​ທະ​ກັນ​ກັບ​ທະຫານ​ອິດສະ​ແລນ. ​ເຈົ້າ​ໜ້າ​ທີ່​ກະຊວງ​ສາທາລະນະ​ສຸກ​ປາ​​ແລັດ​ສະຕິ​ນປະຈຳເຂດ​ກາ​ຊາ​ໄດ້​ຈັດ​ກອງ​ປະຊຸມ​ຖະ​ແຫຼ​ງຂ່າວ​​ໃນ​ຕອນ​ຄ່ຳ​ມື້​ດຽວ​ກັນ​ວ່າ: ການ​ປະ​ທະ​ກັນ​ດັ່ງກ່າວ​​ໄດ້​ເຮັດ​ໃຫ້​ມີ​ປະຊາຊົນ​ປາແລັດ​ສະຕິ​ນ​ເສຍ​ຊີວິດຢ່າງ​ໜ້ອຍ 55 ຄົນ ​ແລະ​ໄດ້​ຮັບ​ບາ​ດ​ເຈັບ​ປະມານ 2770 ຄົນ. ​ໃນ​ຜູ້​ເສຍຊີວິດ​ນັ້ນ, ມີ​ເດັກນ້ອຍ 7 ຄົນ ​ແລະ​ຜູ້​​ໃຫ້ການ​ຊ່ວຍ​ເຫຼືອ 1 ຄົນ ​ແລະ 1200 ກວ່າຄົນ​​ໄດ້​ຮັບບາ​ດ​ເຈັບ​ຈາກ​ການ​ຍິງ​​ຂອງ​ທະຫານ​ອິດສະ​ລາແລນ.

ທ່ານອັບບາສ ປະທານາທິບໍດີ​ແລັດ​ສະຕິ​ນ​ໄດ້​ກ່າວ​ຢູ່​ເມືອງຣາມະລາ​ໃນ​ມື້​ດຽວ​ກັນ​ວ່າ: ປະຊາຊົນ​ປາແລັດ​ສະຕິ​ນຈະ​ໄວ້ອາ​ໄລຕໍ່​ຜູ້​ເສຍ​ຊີວິດ​ຢູ່​​ເມືອງ​ກາຊາ ​ແລະ​​ຊັກທຸງຊາດ​ເຄິ່ງ​ເສົາ​ເປັນ​ເວລາ 3 ມື້​ນັບ​ແຕ່​ວັນ​ທີ 15 ພຶດສາ​ພາ​ນີ້​ເປັນຕົ້ນ​ໄປ.

ວັນ​ທີ 15 ພຶ​ດສະພາ​ນີ້, ທ່ານ​ລູ້​ຄ່າງ​ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວຢູ່​ກອງ​ປະຊຸມ​ຂ່າວ​ນະຄອນຫຼວງ​ປັກ​ກິ່ງ​ວ່າ: ຈີນ​ມີ​ຄວາມ​ເປັນ​ຫວ່ງທີ່​ສຸດ​ຕໍ່​ການ​ປະ​ທະ​ກັນ​ຢູ່​ເຂດ​ຊາຍ​ແດນ​ເມືອງ​ກາ​ຊາ​ປະ​ເທດ​ປາແລັດ​ສະຕິ​ນທີ່​ເຮັດ​ໃຫ້​ມີ​ຜູ້​​ເສຍ​ຊີວິດ ​ແລະ​ໄດ້​ຮັບ​ບາດ​ເຈັບ​ຢ່າ​ງຫຼວງ​ຫຼາຍ, ​ຄັດຄ້ານ​​ຕໍ່​ການ​ກະທຳ​ດ້ວຍ​ຄວາມ​ຮຸນ​ແຮງ​ຕໍ່ປະຊາຊົນ ​ແລະ​ຮຽກຮ້ອງ​ໃຫ້​ປາແລັດ​ສະຕິ​ນ ​​​ແລະອິດສະ​ແລນ ​ໂດຍ​ສະ​ເພາະ​ອິດສະຣາ​ແອນ​ຈົ່ງ​ຮັກສາ​ຄວາມ​ອົດ​ກັ້ນ​ໄວ້​ເພື່ອ​ຫຼີກ​ເວັ້ນສະພາບ​ການ​ເຄັ່ງ​ຕຶງ​ຕື່ມ​ອີກ.

ທ່ານລູ້​ຄ່າງ​ກ່າວ​ຕື່ມ​ວ່າ: ຈີນມີ​ຄວາມ​ເຫັນ​ມາ​ໂດຍ​ຕະຫຼອດວ່າ: ຄວນປະຕິບັດ​ຕາມ​ມະຕິ​ທີ່​ກ່ຽວ​ຂ້ອງ​ຂອງ​ອົງການ​ສະຫະ​ປະຊາ​ຊາດ, ຟື້ນ​ຟູ​ການ​ເຈລະຈາ​ໂດຍ​ສັນຕິ​ລະຫວ່າງປາແລັດ​ສະຕິ​ນ ​ແລະອິດສະ​ຣະ​ແອນ, ​ແກ້​ໄຂ​ບັນຫາ​ເຢຣູຊາ​ແລມ​ດ້ວຍ​ການ​​ເຈລະຈາ. ຈີນ​​ເດັດດ່ຽວສະໜັບສະໜູນ​ພາ​ລະ​ກິດ​ອັນ​ເປັນ​ທຳ​ຂອງປະຊາຊົນ​ປາແລັດ​ສະຕິ​ນ​ໃນ​ການຟື້ນ​ຟູ​ສິດ​ທິຜົນ​ປະ​​ໂຫຍ​ດ​ແຫ່ງ​ຊາດ​ຕາມ​ກົດໝາຍ​ ​ແລະສະໜັບສະໜູນບົນ​ພື້ນຖານ “​ແຜນການ​ສ້າງ​ເປັນສອງ​ປະ​ເທດ”, ສ້າງ​ປະ​ເທດປາ​ແລັດ​ສະຕິ​ນທີ່​ມີ​ປະຊາທິປະ​ໄຕ ​ແລະ​ຄວາມ​ເປັນເອກະລາດ​ອັນ​ສົມບູນ ​ແລະ​ຖືຊາຍ​ແດນ​ປີ 1967 ​ເປັນ​ພື້ນຖານ, ​ແລະ​ແຈຣູຊາ​ແລມ​ຕາ​ເວັນ​ອອກເປັນ​ນະຄອນຫຼວງ​ໂດຍຜ່ານ​ການ​ເຈລະຈາ​ລະຫວ່າງປາ​ແລັດ​ສະຕິ​ນ ​ແລະ​ອິດສະ​ແລນ​. ຈີນ​ຍິນ​ດີ​ຮ່ວມ​ກັບ​ຝ່່າຍ​ຕ່າງໆ​ທີ່​ກ່ຽວຂ້ອງຂອງປະຊາ​ຄົມ​ໂລກ, ພະຍາຍາມຊຸກຍູ້​ໃຫ້​ບັນຫາປາ​ແລັດ​ສະຕິ​ນ​ໄດ້ຮັບ​ການແກ້​ໄຂ​ຕາມ​ຄວາມ​ເໝາະ​ສົມ​ໃນ​ທີ່​ສຸດ.

ແຫລ່ງທີ່ມາຈາກ: ຊີອາໄອ

LEAVE A REPLY

Please enter your comment!
Please enter your name here