ພຽງແຊ້ມລີກບໍ່ພຽງພໍ! ປາຣີ ປະກາດແຕ່ງຕັ້ງ ທູເຄິລ ຄຸມທີມລະດູການໜ້າ

0
127


ພາຍຫຼັງທີ່ສະຫຼອງແຊ້ມລີກເອິງ ຝຣັ່ງ ລະດູການ 2017-2018 ໄປໝາດໆ ເມື່ອວັນເສົາ ທີ່ຜ່ານມາ ຫຼ້າສຸດ ປາຣີ ແຊງແຊກແມງ ແຊ້ມລີກດັ່ງກ່າວ ໄດ້ປະກາດແຕ່ງຕັ້ງ ໂທມັສ ທູເຄິລ ເປັນຜູ້ຈັດການທີມຄົນໃໝ່ ໂດຍສະໂມສອນໄດ້ລະບຸວ່າ ໄດ້ເຊັນສັນຍາກັນເປັນເວລາ 2 ປີ.


ສໍາລັບ ທູເຄິລ ເຊິ່ງຖືກທາງ ບາເຢິນ ມິວນິກ ສະໂມສອນໃນເຢຍລະມັນ ເລັ່ງເປົ້າໄວ້ ເພາະໄດ້ຂຶ້ນຊື່ວ່າເປັນຜູ້ວາງເຕັກນິກ ແລະ ວາງເກມໄດ້ຢ່າງດຸດັນ ເຊິ່ງລາວສ້າງຜົນງານໄດ້ດີຈາກ 2 ລະດູການກັບ ດ໊ອດມູນ ລະຫວ່າງປີ 2015-2017 ນໍາ ດ໊ອດມູນ ຈົບລະດູການ 2015-2016 ດ້ວຍການຄວ້າແຊ້ມ ຈາກການມີເຖິງ 78 ຄະແນນ, ເຊິ່ງເປັນສະຖິຕິທີ່ດີສຸດພໃນປະຫວັດສາດ ບຸນເດສລີກາ ພ້ອມທັງຄວ້າແຊັມ ເດເອັຟເບ ໂພຄາດ 2017.


ລະດູການນີ້ ປາຣີ ໄດ້ພຽງແຊ້ມລີກ ກັບ ແຊັມບານເຕະຊີງຂັນຂອງຝຣັ່ງ, ແຕ່ໃນ ຢູຟາ ແຊ້ມປ້ຽນລີກ ຕົກຮອບໄປໃນລະດູການນີ້ ທັງທີ່ທຸ້ມເງິນມະຫາສານໃນການຊື້ນັກເຕະເດັ່ນຫຼາຍໆຄົນ ໂດຍສະເພາະ ເນມາ ຄ່າຕົວເປັນສະຖິຕິໂລກ, ນີ້ອາດເປັນສາເຫດເຮັດໃຫ້ ປາຣີ ຕ້ອງເລືອກຄູຝຶກໃໝ່.

LEAVE A REPLY

Please enter your comment!
Please enter your name here