ສຳຫຼວດຕົນເອງວ່າຈະປະສົບຜົນສຳເລັດໃນອະນາຄົດຫຼືບໍ່? ດ້ວຍ5 ຂໍ້ຄິດດີໆ ລອງອ່ານເບິ່ງວ່າເຮົາມີຈັກຂໍ້ແລ້ວ

ເຮົາມັກເບິ່ງເຫັນແຕ່ຄວາມສຳເລັດຂອງຕົນອື່ນ ໂດຍທີ່ອາດບໍ່ຮູ້ເລີຍວ່າກ່ອນທີ່ເຂົາຄົນນັ້ນຈະກ້າວສູ່ຄວາມສຳເລັດໃນຊີວິດໄດ້ນັ້ນເຂົາມີແບບແຜນຊີວີດ ແລະ ຄວາມອົດທົນສຳໃດ? ຫລືລົ້ມມາຈັກຄັ້ງແລ້ວ ທໍ້ມາຈັກເທື່ອ ແລ້ວ.

ດັ່ງນັ້ນ ຫາກເຮົາຢາກປະສົບຜົນສຳເລັດ ຕ້ອງກັບມາທີ່ໂຕເຮົາ ລອງສຳຫຼວດກວດກາຕົນເອງຄືນໃຫມ່ເບິ່ງ ຢ່າມົວແຕ່ເບິ່ງຜົນສຳເລັດຂອງຕົນອື່ນ ໂດຍທີ່ຕົນເອງບໍ່ຍອມປ່ຽນແປງ ຫລື ບໍ່ຍອມຮັບບັນຫາເພື່ອປັບປຸງພັດທະນາຕົນເອງ ໂດຍອ້າງເຫດຜົນນັ້ນນີ້  ແລະວາງແຜນໄປຫນ້າເລື້ອຍໆ ໂດຍທີ່ບໍ່ລົງມືເຮັດຈັກເທື່ອ.

ດັ່ງນັ້ນມາສຳຫຼວດໂຕເອງກັນເບິ່ງ ວ່າທີ່ເຮົາໃຊ້ຊີວິດຢູ່ກັນທຸກມື້ນີ້ເຮົາຈຸດມຸງໝາຍທີ່ຢາກປະສົບຜົນສຳເລັດ ຫລື ເປັນພຽງຝັນກາງເວັນ ແລະນີ້ຄື 5 ຂໍ້ຄິດ ສຳລັບຜູ້ຢາກປະສົບຄວາມສຳເລັດຄວນເອົາໄປສຳຫຼວດຕົວເອງເບິ່ງວ່າມີຈັກຢ່າງໃນນັ້ນ.

1. ຮູ້ບໍ່ວ່າ ຕົນເອງມີຄວາມມັກໃນເລື່ອງໃດ?
ທຸກຄົນລ້ວນແຕ່ມີຄວາມມັກທີ່ແຕກຕ່າງກັນ ຫຼື ມີເລື່ອງທີ່ໂຕເອງຖະນັດບໍ່ຄືກັນ ບາງຄົນຄົ້ນຫາຕົນເອງພົບກໍ່ສາມາດເລີ່ມຕົ້ນໃນສິ່ງທີ່ຖະນັດກ່ອນຄົນອື່ນ ແຕ່ສຳລັບຄົນທີ່ຍັງຄົ້ນຫາຄວາມຖະນັດຂອງຕົນເອງບໍ່ພົບ ກໍ່ຢ່າຟ້າວທໍ້ໃຈໄປ ເພາະຄວາມມັກຫຼື ຄວາມຖະນັດບໍ່ໄດ້ຖືກກຳນົດໂດຍພອນສະຫວັນ ເຊິ່ງບາງທີຄວາມມັກຂອງເຈົ້າອາດຈະບໍ່ແມ່ນເລື່ອງທີ່ຍິ່ງໃຫຍ່ຫຍັງ ຫາກເຈົ້າຄົ້ນພົບວ່າເຈົ້າມີຄວາມມັກເລື່ອງຫຍັງ ເຈົ້າກໍ່ຈະເຕັມໃຈເຮັດເລື່ອງເຫຼົ່ານັ້ນດ້ວຍຄວາມສຸກ

2. ເຮັດວຽກທຸກມື້ນີ້ມີຄວາມສຸກຫຼືບໍ່?
ຄົນທີ່ປະສົບຄວາມສຳເລັດ ພວກເຂົາຈະມີຄວາມສຸກກັບສິ່ງທີ່ພວກເຂົາລົງມືເຮັດ  ດັ່ງນັ້ນເວລາທີ່ເຈົ້າເຮັດຫຍັງລົງໄປແລ້ວລອງສຳຫຼວດເບິ່ງວ່າສິ່ງທີ່ເຮັດຢູ່ນັ້ນມັນມີຄວາມສຸກຫຼືບໍ່? ເຊິ່ງວິທີການທົດສອບງ່າຍໆກໍ່ຄື ລອງຖາມຫົວໃຈໂຕເອງເບິ່ງວ່າ ເລີ່ມຕົ້ນເວລາເຮັດວຽກແຕ່ 9 ໂມງ ເຖິງ 5 ໂມງ ເຈົ້າມີຄວາມຮູ້ສຶກແບບໃດ ສຳລັບຄົນທີ່ປະສົບຜົນສຳເລັດພວກເຂົາຈະທຸ່ມເທກັບການເຮັດວຽກ ເພື່ອຈະໃຫ້ຜົນຮັບອອກມາໃຫ້ມີປະສິດທິພາບຫຼາຍທີ່ສຸດ ອີກທັງຍັງເປັນຜົນງານສ່ວນໂຕທີ່ສຳຄັນທີ່ຈະເຮັດໃຫ້ກ້າວໜ້າໃນອາຊີບການງານໃນອະນາຄົດ

3. ມີໄອເດຍໃໝ່ໆ ຫຼາຍໜ້ອຍພຽງໃດ?
ຄົນທີ່ປະສົບຜົນສຳເລັດ ພວກເຂົາບໍ່ເຄີຍຂາດໄອເດຍໃໝ່ໆ ເຊິ່ງການທີ່ມີໄອເດຍໃໝ່ໆ ຈະຊ່ວຍຍົກລະດັບການພັດທະນາຕົນເອງຢູ່ຕະຫຼອດເວລາ ໄອເດຍຈະເກີດຂື້ນໄດ້ຈາກການເປັນຄົນມັກຄິດ ມັກສັງເກດເລື່ອງລາວຮອບໂຕ ຫາກບໍ່ຮູ້ຈະເລີ່ມຕົ້ນຫາໄອເດຍ,  ກໍ່ລອງໃຊ້ການຮຽນຮູ້ ປ່ຽນແປງພັດທະນາສິ່ງເຫຼົ່ານີ້ ເພາະຈະຊ່ວຍໃຫ້ມີວິທີການຄິດຢ່າງເປັນລະບົບ ແລະ ນຳມາສູ່ຄວາມສຳເລັດໃນໄລຍະຍາວຕໍ່ໄປ

4. ພ້ອມອອກຈາກພື້ນທີ່ສະບາຍຫຼືຍັງ?
ຄົນທີ່ປະສົບຄວາມສຳເລັດໃນຊີວິດ ທັງເລື່ອງການເຮັດວຽກ ຫຼື ການບໍລິຫານ ພວກເຂົາເລືອກທີ່ຈະເດີນທາງອອກມາຈາກ ພື້ນທີ່ສະບາຍ ອອກມາປະເຊີນໜ້າກັບເລື່ອງລາວຕ່າງໆ ທີ່ມີຄວາມທ້າທາຍ ພົບພໍ້ສິ່ງໃໝ່ໆ  ເຊິ່ງຊ່ວຍພັດທະນາຕົນເອງໄດ້ ເພາະການຢູ່ໃນ ພື້ນທີ່ສະບາຍ ບໍ່ໄດ້ຊ່ວຍຫຍັງໃຫ້ດີຂຶ້ນພໍປານໃດ ທັງຍັງເປັນການໃຫ້ຕົນເອງເຊົາຂີ້ຄ້ານ ຮັກສະບາຍ ກາຍເປັນຄົນທີ່ມີຄວາມທະເຍີທະຍານໃນທີ່ສຸດ

5. ພ້ອມຊ່ວຍກັນກັບຄົນອື່ນຫຼືບໍ່?
ຄົນທີ່ປະສົບຄວາມສຳເລັດ ພວກເຂົາບໍ່ໄດ້ຄິດແຕ່ປະໂຫຍດສ່ວນໂຕພຽງຢ່າງດຽວ ແຕ່ພວກເຂົາມີຄວາມທ້າທາຍອີກຢ່າງ ຄື ການໄດ້ເຫັນຊີວິດຂອງຄົນອື່ນດີຂື້ນ ໂດຍການໄປຊ່ວຍເຫຼືອແກ້ໄຂບັນຫາ ການກະທຳເຫຼົ່ານີ້ສະແດງເຖິງຄວາມປາຖາໜາດີທີ່ສາມາດສ້າງຄວາມສຳພັນທີ່ດີ

Leave a Reply

Your email address will not be published. Required fields are marked *