ຝຣັ່ງ ກ່າວເຕືອນຄວາມສ່ຽງເກີດໄພສົງຄາມຖ້າຫາກ ອາເມລິກາ ຖອນຕົວອອກຈາກຂໍ້ຕົກລົງ ອີຣານ

0
130
French President Emmanuel Macron looks on during a joint press conference with Jordan's King Abdullah II following a meeting at the Elysee Palace in Paris on June 19, 2017. / AFP PHOTO / POOL / GONZALO FUENTES (Photo credit should read GONZALO FUENTES/AFP/Getty Images)

(VOVWORLD) – ທ່ານປະທານາທິບໍດີ ຝຣັ່ງ Emmanuel Macron ໄດ້ກ່າວເຕືອນຄວາມສ່ຽງເກີດໄພສົງຄາມ ຖ້າຫາກທ່ານປະທານາທິບໍດີ ອາເມລິກາ Donald Trump ຖອນຕົວອອກຈາກຂໍ້ຕົກລົງນິວເຄຼຍຊຶ່ງ ອີຣານ ໄດ້ລົງນາມກັບກຸ່ມ P5+1 ເມື່ອປີ 2015 (ລວມມີ 5 ປະເທດເປັນກຳມະການປະຈຳສະພາຄວາມໝັ້ນຄົງສະຫະປະຊາຊາດຄື ຈີນ, ຝຣັ່ງ, ລັດເຊຍ, ອັງກິດ, ອາເມລິກາ ແລະ ເຢຍລະມັນ). ເຖິງຢ່າງໃດກໍ່ຕາມ, ຕາມການນຳ ຝະຣັ່ງ ແລ້ວ, ນີ້ບໍ່ແມ່ນເຈດຈຳນົງຂອງທ່ານປະທານາທິບໍດີ ອາເມລິກາ.

ທ່ານປະທານາທິບໍດີ ອາເມລິກາ Donald Trump ຍາມໃດກໍ່ຖືວ່າ: ຂໍ້ຕົກລົງນິວເຄຼຍ ອີຣານ ກັບກຸ່ມ P5+1 ແມ່ນຂໍ້ຕົກລົງທີ່ຊົ່ວຊ້າທີ່ສຸດໃນປະຫວັດສາດຂອງ ອາເມລິກາ ແລະ ທ່ານຖະແຫຼງວ່າ ຈະຖອນຕົວອອກຈາກຂໍ້ຕົກລົງນີ້ ນັບແຕ່ວັນທີ 12 ພຶດສະພາ ຖ້າຫາກເນື້ອໃນຂໍ້ຕົກລົງບໍ່ໄດ້ຮັບການປັບປຸງຕາມທິດແຂງກະດ້າງກ່ວາກັບ ອີຣານ.

ກ່ອນຫນ້ານີ້ ທ່ານເລຂາສະພາປ້ອງກັນຄວາມສະຫງົບແຫ່ງຊາດສູງສຸດ ອີຣານ Ali Shamkhani ໃຫ້ຮູ້ວ່າ:ປະເທດນີ້ ໄດ້ຕັດສິນໃຈປະຕິເສດບັນດາຄຳຮຽກຮ້ອງຂອງທ່ານປະທານາທິບໍດີ ອາເມລິກາ Donald Trump ກ່ຽວກັບເລື່ອງປ່ຽນແປງຂໍ້ຕົກລົງນິວເຄຼຍລະຫວ່າງ ເຕເຮຣານ ແລະ ກຸ່ມ P5+1, ລວມມີ ລັດເຊຍ, ອາເມລິກາ, ຈີນ, ຝະຣັ່ງ, ອັງກິດ ແລະ ເຢຍລະມັນ. ທ່ານ Shamkhani ເນັ້ນໜັກວ່າ: ບັນດາຄຳຮຽກຮ້ອງນີ້ ຄ້າຍຄືວ່າແມ່ນການກະທຳຂົ່ມເຫັງ. ກ່າວຄຳເຫັນທາງໂທລະພາບແຫ່ງຊາດ ອີຣານ, ໃນສານທີ່ສົ່ງເຖິງທ່ານປະທານາທິບໍດີ Trump, ທ່ານ Shamkhani ຊີ້ແຈ້ງວ່າ: ນີ້ແມ່ນຂໍ້ຕົກລົງສາກົນ, ພ້ອມທັງ ຢືນຢັນວ່າ ອີຣານ ມີຄວາມສາມາດຢ່າງຄົບຖ້ວນເພື່ອຕີປະລາໄຊການກະທຳຂົ່ມເຫັງຂອງ ປະທານາທິບໍດີ ອາເມລິກາ.

ຕາມເຈົ້າໜ້າທີ່ອີຣານແລ້ວ, ທ່ານປະທານາທິບໍດີ Trump ກ່າວວ່າ ທ່ານບໍ່ຍອມຮັບບັນດາຂໍ້ຕົກລົງພາຍໃຕ້ອຳນາດການປົດຄອງຂອງປະທານາທິບໍດີສະໄໝກ່ອນ ແລະ ມັນຕ້ອງໄດ້ປ່ຽນແປງ.

LEAVE A REPLY

Please enter your comment!
Please enter your name here