ໜ້າຈະອະນຸຍາດນັດພິເສດ! ເປ໊ບ ປົກປ້ອງແຟນບານ ທີ່ແລ່ນລົງສະໜາມ ເພາະຫ້າມຄົນມີຄວາມສຸກບໍ່ໄດ້

0
22
loading...


ເປ໊ບ ກວາດິໂອລາ ຜູ້ຈັດການທີມຂອງ ແມນເຊັສເຕີ ຊິຕີ້ ອອກມາປົກປ້ອງແນບານຂອງຕົວເອງ ທີ່ຕ້ອງການປົດປ່ອຍອາລົມກໍລະນີແລ່ນລົງມາຈາກອັນສະຈັນມາສູ່ສະໜາມ ຫຼັງນັດທີ່ຖະຫຼົ່ມ ສະວອນຊີ ຂາດລອຍ 5-0 ໃນການແຂ່ງຂັນບານເຕະ ພຣີເມຍລີກ ອັງກິດ ເມື່ອວັນທີ 22 ເມສາ ທີ່ຜ່ານມາ.


ສໍາລັບ ແມນຊິຕີ້ ຄອງແຊ້ມ ພຣີເມຍລີກ ອັງກິດ 5 ສະໄໝ ຕັ້ງແຕ່ອາທິດທີ່ຜ່ານມາ ກ່ອນທີ່ ແຟນບານ ແມນເຊັສເຕີ ຊິຕີ້ ຈະອົດບໍ່ໄຫວລົງມາຮ່ວມສະຫຼອງຕາມທໍານຽມ ທີ່ສະໜາມ ເອຕິຮັດ ສະເຕດຽມ.


ແຕ່ເຫດການດັ່ງກ່າວ ອາດເຮັດໃຫ້ ແຟນບານຈໍານວນດັ່ງກ່າວ ສ່ຽງຕໍ່ການຖືກ ສະມາຄົມບານເຕະອັງກິດ (ເອັຟເອ) ລົງໂທດຄືກັບ ວີແກນ ແອັດເລຕິກ ທີ່ປ່ອຍແຟນບານມາຫຍຽບຫຍ້າສະໜາມ ໃນນັດ ເອັຟເອ ຄັບ ທີ່ເອົາຊະນະ ແມນເຊັສເຕີ ຊິຕີ້ ເມື່ອເດືອນກຸມພາ ທີ່ຜ່ານມາ.


ຈາກເຫດການດັ່ງກ່າວ ເປ໊ບ ອອກມາເຜີຍວ່າ: “ ບານເຕະເປັນການແຂ່ງຂັນທີ່ເຕັມໄປດ້ວຍອາລົມ, ຂ້ອຍເຂົ້າໃຈທີ່ຕ້ອງລະມັດລະວັງ, ແຕ່ເມື່ອພວກເຂົາຍາກສະແດງອອກວ່າມີຄວາມສຸກ ແລະ ຂ້ອຍຈະຫ້າມບໍ່ໄດ້, ຖ້າຫາກພວກເຂົາມີຄວາມສຸກທີ່ໃກ້ຊິດນັກເຕະຂອງສະໂມສອນ ນັ້ນຄືພາບທີ່ງົດງາມທີ່ສຸດ ສໍາລັບພວກເຮົາ ໃນຖານະຜູ້ຈັດການທີມ ຫຼື ນັກເຕະອາຊີບ ພຽງແຕ່ພວກເຮົາມາເຖິງທີ່ນີ້ດ້ວຍລົດເມ, ທຸກສາຍຕາທີ່ເຫັນພວກເຮົາທຸກຄົນກໍາລັງກະໂດດ ນີ້ຄືໄລຍະເວລາທີ່ຕ້ອງສະຫຼອງ ແລະ ຂ້ອຍຈະໄປຫ້າມພວກເຂົາວ່າ ຍ່າມີຄວາມສຸກໄດ້ແນວໃດ ”.

LEAVE A REPLY

Please enter your comment!
Please enter your name here