ນະຄອນຫລວງມອບເງິນນະໂຍບາຍໃຫ້ຜູ້ມີຜົນງານຕໍ່ປະເທດຊາດ

0
390

ທີ່ພະແນກແຮງງານ ແລະ ສະຫວັດດີການສັງຄົມ ໃນວັນທີ8ກຸມພາ 2019 ນີ້ໄດ້ມີພິທີມອບ-ຮັບເງິນນະໂຍບາຍ ໃຫ້ແກ່ຜູ້ທີ່ມີຜົນງານ ແລະ ຄຸນງາມຄວາມດີ ຕໍ່ປະເທດຊາດ ປະຈໍາປີ 2019 ຂຶ້ນ ໂດຍມີ ທ່ານ ສີຫຸນ ສິດທິລືໄຊ ຮອງເຈົ້າຄອງ ນະຄອນຫວລງວຽງຈັນ ຜູ້ຊີ້ນໍາຂົງເຂດວັດທະນະທໍາ ສັງຄົມ ທ່ານນາງ ລໍາພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ນວ ມີຜູ້ຕາງໜ້າກົມນະໂຍບາຍ ຮອງເຈົ້າເມືອງ ຄະນະກໍາມະການຄົ້ນຄວ້ານະໂຍບາຍ ຫົວໜ້າຫ້ອງການ ແຮງງານເມືອງ ແລະ ພະນັກງານປະຕິວັດອາວຸໂສ ເຂົ້າຮ່ວມ.ສໍາລັບການປະຕິບັດນະໂຍບາຍຄັ້ງນີ້ ແມ່ນ 6 ເດືອນຕົ້ນປີ 2018-2019 ນະໂຍບາຍອຸດໜູນເສຍ ສະຫຼະຊີວິດຍ້ອນການສູ້ຮົບ ແລະ ຮັບໃຊ້ສູ້ຮົບ ຈໍານວນ 27 ທ່ານ ເປັນຍິງ 2 ທ່ານ ຈໍານວນເງິນທັງ ໝົດ 608.145.600 ກີບ ແລະ ນະໂຍບາຍເງິນອຸດໜູນນັກຮົບແຂ່ງຂັນ 1 ທ່ານ ຈໍານວນ 10 ລ້ານກີບ.ທ່ານ ນາງ ລໍາພອຍ ສີອັກຄະຈັນ ກ່າວວ່າ: ເຖິງມູນຄ່າເງິນຈະໜ້ອຍບໍ່ສົມຄູ່ກັບຜົນງານ ແຕ່ຂໍໃຫ້ບັນ ດາທ່ານເຂົ້າໃຈວ່າອັນນີ້ ແມ່ນນໍ້າຈິດ-ນໍ້າໃຈຂອງພັກ-ລັດ ເວົ້າລວມ ເວົ້າສະເພາະ ຂອງຮຸ່ນນ້ອງ ຮຸ່ນລູກ ຫຼານຜູ້ສືບທອດພາລະກິດ ຂອງບັນດາທ່ານທີ່ຍັງເປັນຫ່ວງເປັນໃຍ ຍັງຈົດຈໍາບຸນຄຸນຂອງບັນດາທ່ານ ໄວ້ບໍ່ມີວັນຈະຫຼົງລືມໄດ້.ຂ່າວຈາກ:vientianemai

LEAVE A REPLY

Please enter your comment!
Please enter your name here