ທ່ານຮອງເຈົ້າແຂວງ ທ່ອນແກ້ວ ພຸດທະໄກຍະລາດ ລົງຕິດຕາມຄວາມຄືບໜ້າໂຄງການກໍ່ສ້າງທາງເລກ 10

0
281

ໂຄງການກໍ່ສ້າງທາງປູຢາງ 2 ຊັ້ນ ແລະຂົວເບຕົງອັດແຮງ ຕາມເສັ້ນທາງເລກ 10 ໄລຍະທີ I ເລີ່ມແຕ່ທາງສາມແຍກ 13 ໃຕ້ (ເຊໂນ) ເມືອງອຸທຸມພອນ ແຂວງ ສະຫວັນນະເຂດ ຈຳນວນ 50 ກິໂລແມັດ, ມາຮອດປະຈຸບັນ ຄວາມຄືບໜ້າຂອງໂຄງການ ໄດ້ປະມານ 25%. ດັ່ງນັ້ນ ມາ ໃນຕອນບ່າຍ ຂອງວັນທີ 29 ມັງກອນ 2019 ທ່ານ ທ່ອນ ແກ້ວ ພຸດທະໄກຍະລາດ ຮອງ ເຈົ້າແຂວງສະຫວັນນະເຂດ ພ້ອມຄະນະ ໄດ້ເດີນທາງລົງໄປ ຕິດຕາມເບິ່ງໂຄງການດັ່ງກ່າວ ແລະກໍ່ເຫັນວ່າມີຄວາມຄືບໜ້າດີພໍສົມຄວນ.


ຕາມການໃຫ້ສຳພາດຂອງ ທ່ານ ສິນນາວາ ວົງສາລີ ວິຊາ ການຂະແໜງຂົວ-ທາງພະແນກ ໂຍທາທິການ ແລະຂົນສົ່ງແຂວງ ຫົວໜ້າໂຄງການ ແລະທ່ານ ສົມພອນ ສິດດຳລົງ ຮອງປະ ທານບໍລິສັດຄູນໄຊພັດທະນາກໍ່ ສ້າງ ຈຳກັດ ໄດ້ແຈ້ງໃຫ້ຮູ້ວ່າ: ໂຄງການດັ່ງກ່າວນີ້ ໄດ້ລົງມື ຈັດຕັ້ງປະຕິບັດວຽກກໍ່ສ້າງຕັ້ງ ແຕ່ເລີ່ມຕົ້ນໂຄງການມາເກືອບ ໜຶ່ງປີຮອດທ້າຍເດືອນມັງກອນ 2019 ບັນດາໜ້າວຽກປະຕິ ບັດໄດ້ດັ່ງນີ້: ວຽກກໍ່ສ້າງທາງ ໂດຍສະເພາະວຽກອະນາໄມ ຂຸດລອກໜ້າດິນທຳມະຊາດສາ ມາດເຮັດສຳເລັດແລ້ວ 37 ກິໂລ ແມັດ, ຖົມດິນຊັ້ນຍົກລະດັບໄດ້ 28 ກິໂລແມັດ, ຖົມດິນຊັ້ນຮອງ ພື້ນທາງໄດ້ 25 ກິໂລແມັດ, ກໍ່ ສ້າງຊັ້ນພື້ນທາງໄດ້ 10 ກິໂລ ແມັດ, ສີດຢາງກັນຊຶມໄດ້ 7 ກິໂລແມັດ ແລະສາມາດປູຢາງ ຊັ້ນໜຶ່ງໄດ້ 7 ກິໂລແມັດ. ຈາກ ນັ້ນ ວຽກກໍ່ສ້າງຂົວເບຕົງເສີມ ເຫຼັກມາຮອດປະຈຸບັນສາມາດ ສ້າງຂົວສຳເລັດແລ້ວ 3 ແຫ່ງ, ໃນຈຳນວນຂົວທັງໝົດ 30 ແຫ່ງ, ສະຫຼຸບລວມແລ້ວທຸກໜ້າ ວຽກມີຜົນສຳເລັດໄປແລ້ວ 25%, ຄາດວ່າ ປີ 2019 ຈະ ສືບຕໍ່ສ້າງຂົວໃຫ້ສຳເລັດອີກ ປະມານ 6 ແຫ່ງ, ປູຢາງທາງ ຊັ້ນໜຶ່ງໃຫ້ໄດ້ 26 ກິໂລແມັດ.


ຂ່າວແຈ້ງໃຫ້ຮູ້ຕື່ມວ່າ: ໂຄງການກໍ່ສ້າງທາງເລກ 10 ຈະເຮັດໄປຮອດເທດສະບານ ເມືອງວິລະບູລີ ມີຄວາມຍາວ ທັງໝົດປະມານ 150 ກິໂລ ແມັດ, ໂດຍໄດ້ແບ່ງໂຄງການ ອອກເປັນ III ໄລຍະ, ມີມູນຄ່າ ການກໍ່ສ້າງທັງໝົດ 388 ຕື້ ກວ່າກີບ, ເຊິ່ງນຳໃຊ້ບ້ວງເງິນ ລົງທຶນຂອງລັດ ແລະບ້ວງເງິນ ລາຍຮັບອື່ນໆຂອງແຂວງ, ມີ ໄລຍະເວລາຂອງໂຄງການກໍ່ ສ້າງ 60 ເດືອນ ໂດຍແມ່ນບໍລິ ສັດຄູນໄຊພັດທະນາກໍ່ສ້າງ ຈຳກັດ ເປັນຜູ້ຮັບເໝົາ.


ໃນໂອກາດດັ່ງກ່າວ, ທ່ານ ທ່ອນແກ້ວ ພຸດທະໄກຍະລາດ ກໍ່ໄດ້ກ່າວຍ້ອງຍໍຜົນສຳເລັດຂອງ ວິຊາການ ທີ່ໄດ້ຕິດຕາມຊຸກຍູ້ ຢ່າງໃກ້ສິດ ແລະເຮັດຖືກຕາມ ເຕັກນິກວິຊາການ, ຊົມເຊີຍມາ ຍັງບໍລິສັດຜູ້ຮັບເໝົາ ກໍ່ຄືພະນັກ ງານກຳມະກອນທີ່ໄດ້ທຸ້ມເທ ເຫື່ອແຮງ, ສະຕິປັນຍາເຮັດໜ້າ ທີ່ຂອງຕົນຈົນໄດ້ຮັບຜົນສຳເລັດ ເປັນກ້າວໆມາ, ຈາກນັ້ນ ທ່ານ ຍັງໄດ້ຮຽກຮ້ອງມາຍັງວິຊາ ການ ກໍ່ຄືບໍລິສັດຜູ້ຮັບເໝົາຈົ່ງ ໄດ້ພ້ອມກັນເອົາໃຈໃສ່ເຮັດໃຫ້ ຖືກຕາມເຕັກນິກວິຊາການ, ໃຫ້ ໄດ້ທັງປະລິມານ ແລະຄຸນະພາບ ເພາະທາງເສັ້ນນີ້ ຈະເປັນເສັ້ນທາງສາຍຫຼັກອີກເສັ້ນໜຶ່ງທີ່ຈະນຳໄປສູ່ການພັດທະນາໃນອະນາຄົດ./.

ທີ່ມາ:ສະຫວັນພັດທະນາ ຂ່າວ / Savanhphuttana News