ຮ່ວມກັນລົງມືຄ້າ-ຂາຍຢາເສບຕິດ ເລີຍຕິດຄຸກ 8 ຄົນ

0
166

ສະຫວັນພັດທະນາ ຂ່າວ / Savanhphuttana News ລາຍງານວ່າ:ສານປະຊາຊົນແຂວງສະ ຫວັນນະເຂດ ໄດ້ດໍາເນີນການ ຕັດສິນຄະດີຢາບ້າເປັນການ ເລີ່ມຕົ້ນປີ 2019 ຂຶ້ນ ໃນວັນ ທີ 17 ມັງກອນ 2019 ທີ່ ຫ້ອງ ປະຊຸມສານ ພ້ອມດ້ວຍຈ່າ ສານໂດຍຊ້ອງໜ້າຜູ້ຕາງໜ້າ ໄອຍະການປະຊາຊົນແຂວງ ທີ່ ເປັນໂຈດໃນນີ້ມີ: ທ້າວ ເຂັມ ພອນ ເພັດສະລາດ ຫລື ແລັງ ອາຍຸ 45 ປີ ອາຊີບກໍາມະກອນ ຢູ່ບ້ານໂພນສະອາດ ນະຄອນ ໄກສອນ ພົມວິຫານ ຈໍາເລີຍທີ 1, ທ້າວ ໄຊປັນຍາ ໄຊຍະເພັດ ຫລື ຍາ ອາຍຸ 41 ປີ, ອາຊີບກໍາ ມະກອນ ຢູ່ບ້ານດົງດໍາດວນ ນະ ຄອນໄກສອນ ພົມວິຫານ ຈໍາ ເລີຍທີ 2, ທ້າວ ບົວແກ້ວ ລາດ ສະມົນຕີ ຫລື ແກ້ວ ອາຍຸ 50 ປີ, ອາຊີບພະນັກງານ ຢູ່ບ້ານ ດອນເຊັງ ນະຄອນໄກສອນ ພົມ ວິຫານ ຈໍາເລີຍທີ 3, ທ້າວ ພາ ສຸກ ຈັນທະວົງ ຫລື ເປິ້ນ ອາຍຸ 19 ປີ, ອາຊີບກໍາມະກອນ ຢູ່ບ້ານ ສອນໄຊ ນະຄອນໄກສອນ ພົມວິ ຫານ ຈໍາເລີຍທີ 4, ນາງ ສຸແພງ ພັນ ດວງເດດ ຫຼື ໝີ ອາຍຸ 19 ປີ ອາຊີບຫວ່າງງານ ຢູ່ບ້ານໂພນ ສະຫວ່າງໃຕ້ນະຄອນໄກສອນ ພົມວິຫານ ຈໍາເລີຍທີ 5, ທ້າວ ສັນຕິສຸກ ທິລາກຸນ ຫລື ຕໍ້ ອາຍຸ 24 ປີ, ອາຊີບຄ້າຂາຍ ຢູ່ບ້ານ ນວນວິໄລ ເມືອງສອງຄອນ ຈໍາ ເລີຍທີ 6, ທ້າວສົມໄຊ ສີຖາ ວອນ ຫລືໄຊ ອາຍຸ 27 ປີ, ອາຊີບ ກໍາມະກອນຢູ່ບ້ານປາກຊ່ອງ ເມືອງສອງຄອນ ຈໍາເລີຍທີ 7 ແລະທ້າວ ຕູ່ລີ່ ພົມມະນີລາດ ຫຼື ຕູ່ ອາຍຸ 31 ປີ, ອາຊີບຄ້າຂາຍ ຢູ່ບ້ານຫລັກເມືອງ, ເມືອງ ສອງ ຄອນ ຈໍາເລີຍທີ 8 ຊຶ່ງພວກ ກ່ຽວຖືກກ່າວຫາວ່າ: ຄ້າຂາຍ ຢາເສບຕິດ (ປະເພດຢາບ້າ) ໃນນີ້ ຈໍາເລີຍທີ 1, 2, 3, 4, 5, 6, 7 ຖືກຈັບໃນ ວັນທີ 11 ທັນວາ 2017 ແລະຈໍາເລີຍທີ 8 ຖືກຈັບໃນວັນທີ 12 ທັນວາ 2017 ທີ່ຜ່ານມາ.


ຈາກການວິນິດໄສ ແລະ ການຄົ້ນຄວ້າເອກະສານຫລັກ ຖານໃນສໍານວນຄະດີພ້ອມທັງ ຜົນຂອງການໄຕ່ສ່ວນຢ່າງລະ ອຽດເຫັນວ່າ: ພວກຈໍາເລີຍ ທັງ 8 ແມ່ນເປັນຜູ້ກະທໍາຜິດຕໍ່ ກົດໝາຍອາຍາໃນຂໍ້ຫາວ່າ: ຄ້າຂາຍຢາເສບຕິດ (ປະເພດ ຢາບ້າ) ຊຶ່ງສໍານວນຊີ້ໃຫ້ເຫັນ ວ່າ ໃນເດືອນພະຈິກ 2017 ໄດ້ ມີລູກຄ້າໂທລະສັບມາສັ່ງຊື້ຢາ ບ້າ ຈໍານວນ 03 ມັດນໍາທ້າວ ເຂັມພອນ ພໍຕົກມາຮອດວັນທີ 9 ທັນວາ 2017 ລູກຄ້າຈຶ່ງໄດ້ ໂທລະສັບມາຫາທ້າວ ເຂັມ ພອນອີກ ໂດຍຖາມວ່າ: ຢາບ້າ ທີ່ສັ່ງນັ້ນໄດ້ບໍ? ທ້າວ ເຂັມພອນ ຈຶ່ງຕອບວ່າ: ບໍ່ໄດ້, ຈາກນັ້ນ ລູກຄ້າກໍ່ສັ່ງຊື້ຢາບ້ານໍາອີກ 01 ມັດ, ໃນລາຄາ 70.000 ບາດ, ຈາກນັ້ນ, ທ້າວ ເຂັມພອນ ຈຶ່ງ ໄດ້ໂທລະສັບຫາທ້າວ ໄຊປັນ ຍາ ໃຫ້ມາຫາຢູ່ເຮືອນ ແລ້ວ ພວກກ່ຽວທັງສອງຈຶ່ງພາກັນ ໄປເຮືອນຂອງທ້າວ ບົວແກ້ວ ແລະກໍ່ໄດ້ໂທລະສັບຫາ ທ້າວ ພາສຸກວ່າ: ຮູ້ບ່ອນຊື້ຢາບ້າບໍ? ດຽວນີ້ລູກຄ້າສັ່ງຊື້ຢາ ບ້າ 01 ມັດ, ໃນລາຄາ 70.000 ບາດ ສ່ວນເງິນທີ່ຊື້ຢາບ້ານັ້ນ ແມ່ນອອກກັນຄືທ້າວ ເຂັມພອນ ອອກເງິນ 7.000 ບາດ, ທ້າວ ບົວແກ້ວ ອອກ 17.000 ບາດ, ທ້າວ ໄຊປັນຍາ ອອກ 17.000 ບາດ ແລະທ້າວ ພາສຸກ ອອກ ຈໍານວນ 4.000 ບາດ, ລວມ ໄດ້ເງິນທັງໝົດ 45.000 ບາດ ຈາກນັ້ນ, ທ້າວ ພາສຸກ ຈຶ່ງໄດ້ ໂທລະສັບສັ່ງຊື້ຢາບ້ານໍານາງ ສຸແພງພັນ 01 ມັດ ໃນລາຄາ 39.000 ບາດ.

ຫລັງຈາກນັ້ນ ນາງ ສຸແພງພັນ ຈຶ່ງໄດ້ໂທລະ ສັບ ຫາທ້າວ ສັນຕິສຸກ ໂດຍ ບອກວ່າໃຫ້ເອົາຢາບ້າມາຂາຍ ໃຫ້ຢູ່ເຮືອນ 01 ມັດ ແລະທ້າວ ສັນຕິສຸກ ຈຶ່ງໄດ້ໄປຊື້ຢາບ້ານໍາ ທ້າວ ຕູ່ລີ່ 01 ມັດ (ຕິດໜີ້) ເມື່ອຂາຍຢາບ້າໝົດແລ້ວຈຶ່ງ ຈ່າຍເງິນຕາມຫລັງ ໃນເມື່ອໄດ້ ຢາບ້າມາແລ້ວທ້າວ ສັນຕິສຸກ ຈຶ່ງເອົາຢາບ້າວາງໄວ້ໃນເບາະ ນັ່ງທາງໜ້າລົດເກັງວີອອດ ສີ ຂາວ, ໝາຍເລກທະບຽນ ກບ 6105 ກໍາແພງນະຄອນ ໄປ ຂາຍຢາບ້າໃຫ້ນາງ ສຸແພງພັນ ຢູ່ເຮືອນ ຫລັງຈາກນັ້ນນາງ ສຸແພງພັນ ກໍ່ໄດ້ເອົາຢາບ້າໄປ ຂາຍໃຫ້ທ້າວ ພາສຸກ ໂດຍທ້າວ ພາສຸກ ຂັບຂີ່ລົດຈັກຄຣິກໄອໄປ ຊື້ຢານໍານາງ ສຸແພງພັນ 01 ມັດ, ຈາກນັ້ນ ທ້າວ ພາສຸກ ກໍ່ ເອົາຢາບ້າມາຂາຍໃຫ້ທ້າວ ບົວ ແກ້ວ ແລະໃນເມື່ອທ້າວ ບົວ ແກ້ວໄດ້ຢາບ້າມາແລ້ວກໍ່ໄດ້ນໍາ ມາຊຸກເຊື່ອງໄວ້ຢູ່ແຄມຮົ້ວ ພ້ອມທັງໂທລະສັບບອກທ້າວ ເຂັມພອນ ແລະທ້າວ ໄຊປັນຍາ ວ່າ: ຢາບ້າໄດ້ມາແລ້ວ, ຕໍ່ມາ ຮອດວັນທີ 11 ທັນວາ 2017 ທ້າວ ເຂັມພອນ ຈຶ່ງໂທບອກ ທ້າວບົວແກ້ວວ່າ: ລູກຄ້າຈະ ມາຊື້ເອົາຢາບ້ານໍາຢູ່ຫລັກ 15 ຂອບເຂດບ້ານນາເຕີຍ ນະຄອນ ໄກສອນ ພົມວິຫານ ແລ້ວທ້າວ ບົວແກ້ວ ຈຶ່ງໄດ້ເອົາຢາບ້າວາງ ໄວ້ລະຫວ່າງກາງເບາະໜ້າລົດ ເກັງເອັກຊັນບູ, ໝາຍເລກທະ ບຽນ ກກ 7628 ຈໍາປາສັກ, ໂດຍມີທ້າວ ເຂັມພອນ ແລະ ທ້າວ ໄຊປັນຍາຂຶ້ນລົດໄປນໍາ ກັນ, ໃນເມື່ອໄປຮອດຈຸດຊື້- ຂາຍຢາບ້າແລ້ວທ້າວ ເຂັມ ພອນ ຈຶ່ງໄດ້ໂທລະສັບຫາລູກ ຄ້າຜູ້ທີ່ຈະມາຊື້ຢາບ້າ, ຈາກນັ້ນ ຈຶ່ງເຫັນລົດວີໂກ້ສີຂາວບໍ່ມີ ປ້າຍທະບຽນຂັບຂີ່ມາຈອດ, ແລ້ວທ້າວ ເຂັມພອນ ຈຶ່ງໄດ້ ຈັບເອົາຢາບ້າໃສ່ຖົງເສື້ອພ້ອມ ທັງຈັບເອົາປືນ k59 ຂອງທ້າວ ບົວແກ້ວ ລົງຈາກລົດ, ຈາກນັ້ນ ກໍ່ມີເຈົ້າໜ້າທີ່ເຂົ້າມາກວດ ແລະ ກັກຕົວພ້ອມຂອງກາງຢາບ້າ 01 ມັດ, ຕໍ່ມາກໍ່ມີການສືບທາວ ຫາຈຶ່ງໄດ້ກັກຕົວທ້າວ ພາສຸກ, ນາງ ສຸແພງພັນ ແຕ່ບໍ່ພົບຂອງ ກາງ ແລະກໍ່ໄດ້ດໍາເນີນການ ກັກຕົວທ້າວ ສັນຕິສຸກ, ທ້າວ ສົມໄຊ ກໍ່ກວດພົບເຫັນຂອງ ກາງຢາບ້າ 02 ມັດ ເທົ່າກັບ 4.000 ເມັດ ທີ່ພວກກ່ຽວກໍາ ລັງຈະໄປສົ່ງໃຫ້ລູກຄ້າ ຊຶ່ງຢາ ບ້າດັ່ງກ່າວທ້າວ ສັນຕິສຸກ ບອກ ວ່າໄດ້ຊື້ມາຈາກທ້າວ ຕູ່ລີ່, ເວລາຕໍ່ມາໃນວັນທີ 12 ທັນ ວາ 2017 ເຈົ້າໜ້າທີ່ກໍ່ໄດ້ໄປ ກັກຕົວທ້າວຕູລີ່ ເຊິ່ງກວດພົບ ເຫັນຂອງກາງຢາບ້າຈໍານວນ 155 ເມັດ, ຢູ່ເຮືອນ ບ້ານສະບູ ໄຊ ເມືອງສອງຄອນ ກວດພົບ ເຫັນ 01 ມັດ, ເທົ່າກັບ 2.000 ເມັດ, ຢູ່ເຮືອນທີ່ບ້ານສາລາຄໍາ ເມືອງສອງຄອນ ແລະກວດພົບ ເຫັນຢາບ້າອີກ 34 ມັດ, ເທົ່າ ກັບ 68.000 ເມັດ ໃນລົດຟໍຈູນ ເນີ້ສີດໍາໝາຍເລກທະບຽນ ກດ 5335 ສະຫວັນນະເຂດ ຊຶ່ງ ເປັນລົດຂອງທ້າວ ຕູ່ລີ່.
ດ້ວຍເຫດນີ້ ສານຈຶ່ງໄດ້ຕັດ ສິນຄະດີຕໍ່ໜ້າປະຊາຊົນໃນສະ ຖານອາຍາເປັນຂັ້ນຕົ້ນໂດຍ ຊ້ອງໜ້າໂຈດ ແລະຈໍາເລີຍ ບອກວ່າ: ທ້າວ ເຂັມພອນຈໍາ ເລີຍທີ 1, ທ້າວໄຊປັນຍາ ຈໍາ ເລີຍທີ 2, ທ້າວ ບົວແກ້ວ ຈໍາເລີຍ ທີ 3, ທ້າວ ພາສຸກ ຈໍາເລີຍທີ 4, ນາງ ສຸແພງພັນ ຈໍາເລີຍທີ 5, ທ້າວ ສັນຕິສຸກ ຈໍາເລີຍທີ 6, ທ້າວ ສົມໄຊ ຈໍາເລີຍທີ 7 ແລະທ້າວ ຕູ່ລີ ຈໍາເລີຍທີ 8 ເປັນຜູ້ກະທໍາຜິດຕໍ່ກົດໝາຍ ໂດຍໄດ້ລົງໂທດຕັດອິດສະຫລະ ພາບ ຈໍາຄຸກຜູ້ລະ 10 ປີ ຈໍາ ເລີຍທີ 1, 2, 3, 4, 5 ປັບໃໝ ຜູ້ລະຮ້ອຍລ້ານກີບ; ລົງໂທດຕັດອິດສະຫລະພາບຈໍາຄຸກຕະຫລອດຊີວິດ, ຈໍາເລີຍທີ 6 ປັບ ໃໝເປັນເງິນຫ້າຮ້ອຍລ້ານກີບ, ລົງໂທດຕັດອິດສະຫລະພາບຈໍາ ຄຸກ 14 ປີ, ຈໍາເລີຍທີ 7 ປັບໃໝ ເປັນເງິນ 140 ລ້ານກີບ ແລະ ລົງໂທດປະຫານຊີວິດທ້າວ ຕູ່ລີ່ ຈໍາເລີຍທີ 8 .
ສ່ວນຂອງກາງເປັນຢາບ້າ ທີ່ຢຶດໄດ້ນໍາພວກຜູ້ກ່ຽວແມ່ນ ມອບໃຫ້ພາກສ່ວນກ່ຽວຂ້ອງ ນໍາໄປທໍາລາຍຖິ້ມຕາມລະ ບຽບການ, ສ່ວນລົດເກັງວີອອດ ສີຂາວໝາຍເລກທະບຽນ ກບ 6105 ກໍາແພງນະຄອນຈໍາ ນວນ 1 ຄັນ, ລົດຟໍຈູນເນີ້ ສີດໍາ ໝາຍເລກທະບຽນ ກດ 5335 ສະຫວັນນະເຂດ ແລະອຸປະ ກອນໂທລະສັບມືຖື 10 ເຄື່ອງ ແມ່ນຢຶດເປັນຂອງລັດ ຈາກນັ້ນ ກໍ່ໃຫ້ສົ່ງລົດຍີ່ຫໍ້ເອັກຊັນບູ ໝາຍເລກທະບຽນ ກກ 7628 ຈໍາປາສັກຄືນໃຫ້ນາງ ທັດສະ ພອນ ຜູ້ເປັນເຈົ້າຂອງກໍາມະ ສິດ./.

LEAVE A REPLY

Please enter your comment!
Please enter your name here