ປະຊາຊົນຊາວບ້ານຄໍ້ ກິນຊີ້ນງົວຢູ່ເຮືອນດີ ເກີດມີການເຈັບທ້ອງ ແລະປວດຮາກເປັນຈໍານວນຫລາຍ

0
1228

ຕາມການລາຍງານຂອງ ທ່ານ ນາງ ສີພະຈັນ ດວງມີໄຊ ຫົວໜ້າໜ່ວຍງານລະບາດວິ ທະຍາ ຫ້ອງການສາທາລະນະ ສຸກເມືອງຈໍາພອນ ລາຍງານ ວ່າ: ປະຊາຊົນພາຍໃນບ້ານຄໍ້ ທີ່ຂຶ້ນກັບເຂດຂາມເຖົ້າ ເມືອງ ຈໍາພອນ ໄດ້ເກີດມີການລະບາດ ເຈັບທ້ອງແລະປວດຮາກຢ່າງ ຮຸນແຮງ ຊຶ່ງພາຍຫລັງທີ່ມີຄົນ ຈໍານວນໜຶ່ງໄດ້ພາກັນບໍລິໂພກ ຊີ້ນງົວ ທີ່ຂ້າໃນງານເຮັດພິທີກໍາ ຊາປະນາກິດສົບພົນລະເມືອງ ທ່ານໜຶ່ງພາຍໃນບ້ານດັ່ງກ່າວ ຕອນເວລາ 17 ໂມງ 30 ນາທີ ພໍຮອດເວລາທ່ຽງຄືນ ກໍ່ມີປະ ຊາຊົນ 12 ຄົນ ໃນນີ້ ມີຍິງ 7 ຄົນ ເກີດມີອາການເຈັບທ້ອງຖ່າຍ ແລະປວດຮາກຢ່າງຮຸນແຮງ.

ໃນໄລຍະນັ້ນຍາດຕິພີ່ນ້ອງ ແລະອໍານາດການປົກຄອງ ທ້ອງຖິ່ນກໍ່ພະຍາຍາມນໍາອາ ສະໝັກມາໃຫ້ການປິ່ນປົວໂດຍ ໄວ ແລະຕໍ່ມາຮອດວັນທີ 13 ເດືອນນີ້ ມີປະຊາຊົນຕິດພະຍາດ ດັ່ງກ່າວຕື່ມອີກ 18 ຄົນ, ຍິງ 15 ຄົນ ໂດຍມີ ເດັກນ້ອຍ 3 ຄົນ ຕື່ມ ອີກ ແລະຕົກມາຮອດວັນທີ 14 ຂອງເດືອນດຽວກໍ່ມີປະຊາຊົນ ຕິດພະຍາດຕື່ມອີກ ຈໍານວນ 31 ຄົນ, ຍິງ 3 ຄົນ ແລະມີນັກຮຽນ ຕື່ມອີກ 7 ຄົນ ອັນໄດ້ເຮັດໃຫ້ມີ ຕົວເລກຕິດພະຍາດຖອກທ້ອງ, ປວດຮາກຈໍານວນ 61 ຄົນ, ຍິງ 25 ຄົນ ໃນນີ້ ມີເດັກນ້ອຍ 10 ຄົນ.


ດັ່ງນັ້ນ ໃນວັນທີ 14 ມັງ ກອນ 2019 ຫ້ອງການສາທາ ລະນະສຸກ ເມືອງຈໍາພອນ ສົມ ທົບກັບໜ່ວຍງານລະບາດວິທະ ຍາ ທັງທີມງານແພດໝໍ ພ້ອມ ຍຸກຢາຈໍານວນໜຶ່ງລົງຕ້ານ ການລະບາດຢ່າງເລັ່ງດ່ວນ ໂດຍໄດ້ເຕົ້າໂຮມເອົາຜູ້ທີ່ປ່ວຍ ມາປິ່ນປົວທີ່ສາລາໂຮງທໍາຂອງ ບ້ານ ແຕ່ກໍ່ຈັງບຸນບໍ່ມີການເສຍ ຊີວິດ ຊຶ່ງມາຮອດປະຈຸບັນນີ້ ແມ່ນຍັງບໍ່ທັນພົບຂອງການລະ ບາດຕື່ມ ຊຶ່ງທິມງານແພດໝໍ ໄດ້ສຸມຢາຢ່າງທັນການ ພ້ອມ ທັງເກັບຕົວຢ່າງຂອງພະຍາດ ໄປວິໄຈ.

ຈາການສອບຖາມ ໃນເບື້ອງຕົ້ນວ່າປະຊາຊົນໄດ້ ພາກັນມາບໍລິໂພກຊີ້ນງົວທີ່ຊື້ມາ ເຮັດງານພິທີກໍາງານຊາປະນະ ກິດສົບຂອງຄົນພາຍໃນບ້ານ ຊຶ່ງຕົວງົວດັ່ງກ່າວແມ່ນໄດ້ຊື້ ມາຈາກບ້ານທວດ ແຕ່ບໍ່ຊາບ ວ່າເປັນງົວຕິດພະຍາດຫລືວ່າ ໄດ້ສັກຢາກັນພະຍາດກໍ່ບໍ່ມີຂໍ້ ມູນ, ໂດຍທິມງານແພດສັນນະ ສູດເບື້ອງຕົ້ນວ່າ ອາດຈະເປັນ ຍ້ອນຂອງການກິນຊີ້ນງົວນີ້ກໍ່ ເປັນໄດ້(ຈຶ່ງເກີດວ່າມີອາຫານເປັນພິດ) ຊຶ່ງຈໍານວນຜູ້ປ່ວຍ ກໍ່ລ້ວນແຕ່ເປັນຄົນສາຍຍາດແລະໃກ້ສິດກັບຜູ້ບໍລິໂພກຊີ້ນ ສັດທັງນັ້ນ ແຕ່ເຖິງຢ່າງໃດກໍ່ດີ ເລື່ອງການກິນອາຫານກໍ່ຄວນ ຄໍານຶ່ງເຖິງຄວາມສະອາດ ແລະ ສຸກຈຶ່ງມີຄວາມປອດໄພ.

ທີ່ມາ:ສະຫວັນພັດທະນາ ຂ່າວ / Savanhphuttana News

LEAVE A REPLY

Please enter your comment!
Please enter your name here